Eclesiastés 2:15 - Li Santil hu

¹⁵ Ut quinye saꞌ inchꞌo̱l: —Cui la̱in li cuan innaꞌleb tincꞌul joꞌ tixcꞌul li ma̱cꞌaꞌ xnaꞌleb, ¿cꞌaꞌ ta cuiꞌ ru aj e nak cuan innaꞌleb?— Joꞌcan nak quinye nak chixjunil li cꞌaꞌru nakaba̱nu ma̱cꞌaꞌ na-oc cuiꞌ.

Q'eqchi Bible

¹⁵ Jo'kan naq xinye sa' inch'ool: “Li k'aru toxraqe'q wi' li ani maak'a' xna'leb' juntaq'eet ajwi' rik'in li tink'ul laa'in. Jo'kan naq maak'a' aj e naq wank inna'leb'. Relik chi yaal naq maak'a' rajb'al chixjunil a'in!”, chankin sa' inch'ool.

Eclesiastés 2:15 ပူးပေါင်းရင်းမြစ်များ

Eclesiastés 6:8

¿Ma kꞌaxal us ta biꞌ cuanqueb li cristian li cuanqueb xnaꞌleb chiruheb li ma̱cꞌaꞌeb xnaꞌleb? Ut, ¿ma kꞌaxal us ta biꞌ cuanqueb li nebaꞌ xban nak xeꞌxnau cua̱nc saꞌ xya̱nkeb li cuanqueb saꞌ ruchichꞌochꞌ?

Eclesiastés 1:14

Riqꞌuin aꞌin quinqꞌue retal nak chixjunil li na-uxman saꞌ ruchichꞌochꞌ, ma̱cꞌaꞌ na-oc cuiꞌ. Junes rahil chꞌo̱lej naxqꞌue.

Eclesiastés 2:16

Nak telajeꞌnumekꞌ li cutan ma̱ ani chic ta̱cꞌoxla̱nk re li cuan xnaꞌleb joꞌ ajcuiꞌ li ma̱cꞌaꞌ xnaꞌleb. Ta̱sachk ban saꞌ xchꞌo̱leb chi junaj cua. Ta̱ca̱mk li cuan xnaꞌleb ut ta̱ca̱mk ajcuiꞌ li ma̱cꞌaꞌ xnaꞌleb.

Eclesiastés 1:18

Li ani naxsicꞌ nabal lix naꞌleb nacuan nabal lix chꞌaꞌajquilal, xban nak li ani cuan nabal xnaꞌleb, nabal ajcuiꞌ li raylal naxcꞌul.

Eclesiastés 1:16

La̱in quinye saꞌ inchꞌo̱l nak kꞌaxal nim incuanquil ut kꞌaxal cuan innaꞌleb chiruheb li queꞌcuan chokꞌ rey aran Jerusalén xbe̱n cua chicuu la̱in. Ut quinqꞌue inchꞌo̱l chixtaubal nabal chic innaꞌleb.

Eclesiastés 1:2

Aꞌin li quixye chirix li cꞌaꞌru cuan saꞌ ruchichꞌochꞌ: Chixjunil li cꞌaꞌak re ru cuan saꞌ ruchichꞌochꞌ, ma̱cꞌaꞌ na-oc cuiꞌ. Chixjunil li cꞌaꞌru nakacꞌoxla xba̱nunquil, ma̱cꞌaꞌ rajbal.

1 Reyes 3:12

Joꞌcan nak la̱in tinqꞌue a̱cue li cꞌaꞌru xatzꞌa̱ma. Kꞌaxal nabal la̱ naꞌleb tinqꞌue. Ma̱ ani junak ta̱cua̱nk xnaꞌleb joꞌ la̱ naꞌleb la̱at. Chi moco anakcuan chi moco mokon ta̱cua̱nk junak joꞌ la̱at.

Eclesiastés 6:11

Li ani nacuulac chiru cuechꞌi̱nc, ma̱cꞌaꞌ na-oc cuiꞌ li naxba̱nu. Usta nabal li a̱tin naxye, ma̱cꞌaꞌ naxra nak naa̱tinac nabal.