Eclesiastés 2:1 - Li Santil hu

¹ Ut quinye cuiꞌchic saꞌ inchꞌo̱l: —Tinyal xba̱nunquil li cꞌaꞌak re ru re ta̱sahokꞌ saꞌ inchꞌo̱l ut tincua̱nk chi ma̱cꞌaꞌ tincꞌoxla, chanquin. Abanan xinqꞌue ajcuiꞌ retal nak aꞌan ma̱cꞌaꞌ na-oc cuiꞌ.

Q'eqchi Bible

¹ Xinye ajwi' sa' inch'ool: “Inyalaq xsahil li ruuchich'och' re naq sahaq li waanm”. Ab'anan xink'e reetal naq a'in maak'a' ajwi' rajb'al.

Eclesiastés 2:1 ပူးပေါင်းရင်းမြစ်များ

San Lucas 12:19

Ut tinye: “Us xak cue. Cuan nabal cꞌaꞌru cue xocxo inban re tinnumsi nabal chihab. Anakcuan tinhila̱nk, tincuaꞌak, tin-ucꞌak, ut ta̱sahokꞌ saꞌ inchꞌo̱l”, chan.

Eclesiastés 8:15

Joꞌcan nak la̱in ninye nak li cui̱nk tixsicꞌ li sahil chꞌo̱lej arin saꞌ ruchichꞌochꞌ. Ta̱cuaꞌak ta̱ucꞌak ut ta̱sahokꞌ saꞌ xchꞌo̱l xban nak caꞌaj cuiꞌ aꞌan naru tixba̱nu re nak tixyal xsahil li cꞌanjel li naxba̱nu nak toj cuan lix yuꞌam saꞌ ruchichꞌochꞌ li naqꞌueheꞌ re xban li Dios.

Santiago 5:5

Arin saꞌ ruchichꞌochꞌ cuan nabal le̱ biomal ut ma̱cꞌaꞌ napaltoꞌ e̱re. Junelic sa nequenumsi li cutan. Chanchanex li cuacax chꞌolaninbil chi us re ta̱camsi̱k xban nak le̱ yuꞌam la̱ex, ta̱osokꞌ. Ta̱cuulak xkꞌehil nak ta̱rakekꞌ a̱tin saꞌ e̱be̱n.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Salmos 27:8

La̱in xcuecꞌa saꞌ li cua̱m nak tento tatinsicꞌ. Joꞌcan nak xatinsicꞌ, at Ka̱cuaꞌ.

Santiago 4:13

Anakcuan abihomak li tinye e̱re la̱ex li nequexyehoc re chi joꞌcaꞌin: Ho̱n malaj cuulaj toxic saꞌ jalan chic tenamit ut aran tocua̱nk chak jun chihabak. Aran toyacok ut ta̱cua̱nk katumin chi us.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

Isaías 50:11

Abanan che̱junilex la̱ex li nequecꞌu̱b chanru nak te̱camsiheb le̱ ras e̱ri̱tzꞌin texsachekꞌ xban li cꞌaꞌru nequecꞌu̱b ru xba̱nunquil. Li Ka̱cuaꞌ ta̱ba̱nu̱nk re nak texsachekꞌ ut xban li raylal te̱cꞌul tex-osokꞌ.

Isaías 50:5

Li Ka̱cuaꞌ Dios quiqꞌuehoc innaꞌleb ut la̱in incꞌaꞌ quincacuubresi inchꞌo̱l, chi moco quinkꞌetkꞌeti cuib chiru.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Eclesiastés 7:4

Li ani cuan xnaꞌleb nacꞌoxlac chirix li ca̱mc. Ut li ani ma̱cꞌaꞌ xnaꞌleb caꞌaj cuiꞌ li ninkꞌei̱c naxcꞌoxla.

Eclesiastés 2:15

Ut quinye saꞌ inchꞌo̱l: —Cui la̱in li cuan innaꞌleb tincꞌul joꞌ tixcꞌul li ma̱cꞌaꞌ xnaꞌleb, ¿cꞌaꞌ ta cuiꞌ ru aj e nak cuan innaꞌleb?— Joꞌcan nak quinye nak chixjunil li cꞌaꞌru nakaba̱nu ma̱cꞌaꞌ na-oc cuiꞌ.

Salmos 14:1

Eb li jip nequeꞌxye saꞌ xchꞌo̱leb nak ma̱cꞌaꞌ li Dios. Kꞌaxal yibru xnaꞌlebeb. Junes ma̱usilal nequeꞌxba̱nu. Ut ma̱ jun naxba̱nu li us saꞌ xya̱nkeb.

Salmos 10:6

Nequeꞌxye saꞌ xchꞌo̱leb: Us ta̱e̱lk chicuu li cꞌaꞌru nacuaj xba̱nunquil. Ma̱ jokꞌe ta̱cha̱lk raylal saꞌ inbe̱n chanqueb.

2 Reyes 5:5

Ut li rey quixye re: —Ayu riqꞌuin lix reyeb laj Israel. La̱in tintakla jun li hu cha̱cuix re ta̱qꞌue re li rey aꞌan, chan. Joꞌcan ut nak co̱ laj Naamán. Quixcꞌam laje̱b xcaꞌcꞌa̱l mil (30,000) chi tumin plata ut cuakib mil chi tumin oro. Ut quixcꞌam ajcuiꞌ laje̱b sumal li cha̱bil tꞌicr.

Génesis 11:7

Joꞌcan ut tocubek ut takajal li ra̱tinoba̱leb re nak incꞌaꞌ teꞌxtau ru li cꞌaꞌru teꞌxye chi ribileb rib, chan li Dios.

San Lucas 16:23

Nak ac cuan saꞌ xbalba, yo̱ chixcꞌulbal li raylal aran. Qui-iloc takecꞌ ut quiril laj Abraham ut laj Lázaro cuan chixcꞌatk.

Isaías 5:5

Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Proverbios 14:13

Cuanqueb li nequeꞌseꞌec usta raheb saꞌ xchꞌo̱leb. Ut cuan nak li sahil chꞌo̱lej nasukꞌi chokꞌ rahil chꞌo̱lej chokꞌ reheb.

Eclesiastés 2:10

Chixjunil li sahil chꞌo̱lej li quicuaj, quinba̱nu. Ma̱ jun sut incꞌaꞌ ta quinba̱nu li cꞌaꞌru quinrahi ru. Ut quisahoꞌ saꞌ inchꞌo̱l riqꞌuin lin cꞌanjel li quinba̱nu. Li sahil chꞌo̱lej quincꞌul, aꞌan re̱kaj li cꞌanjel quinba̱nu.

Eclesiastés 2:25

¿Ani ta biꞌ ta̱ru̱k ta̱cuaꞌak ut ta̱sahokꞌ saꞌ xchꞌo̱l cui ta li Dios incꞌaꞌ tixqꞌue li cꞌaꞌru re?