Eclesiastés 12:7 - Li Santil hu

⁷ Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

Q'eqchi Bible

⁷ Naq taachalq li kutan a'an, pojtz' tatsutq'iiq wi', xb'aan naq pojtz' okenaqat; ut laamusiq' taasutq'iiq wi' chik rik'in li Yos xb'aan naq A'an kik'ehok aawe.

Eclesiastés 12:7 ပူးပေါင်းရင်းမြစ်များ

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Salmos 146:4

Nak nequeꞌcam, nequeꞌsukꞌi chꞌochꞌ ut saꞌ ajcuiꞌ li cutan aꞌan na-osoꞌ li cꞌaꞌru nequeꞌxcꞌoxla xba̱nunquil.

Zacarías 12:1

Li Ka̱cuaꞌ li kꞌaxal nim xcuanquil li quiyi̱ban re li choxa ut quixakaban re li ruchichꞌochꞌ saꞌ xnaꞌaj, li quiqꞌuehoc xmusikꞌ li cui̱nk, aꞌan li xyehoc re aꞌin chirix li tenamit Israel:

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

Génesis 2:7

Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Isaías 57:16

Moco junelic ta yo̱kin chixcꞌutbal chiruheb lin tenamit lix ma̱queb, ut moco junelic ta yo̱kin chi joskꞌocꞌ riqꞌuineb. Cui junelic yo̱kin chixyebal reheb, ta̱chꞌina̱nk xchꞌo̱leb li cristian li quinyoꞌobtesiheb ut incꞌaꞌ raj teꞌxcuy rabinquil.

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

Salmos 90:3

Nak nequeꞌcam li cristian, nequeꞌsukꞌi chꞌochꞌ xban nak la̱at caye: Chꞌochꞌ oquenakex ut chꞌochꞌ texsukꞌi cuiꞌ.

Li xHu LAJ JOB 20:11

Toj sa̱jak ut toj cauhak rib nak ta̱ca̱mk.

Números 27:16

—At Ka̱cuaꞌ, la̱at li nacatqꞌuehoc ke li kayuꞌam. Nintzꞌa̱ma cha̱cuu nak ta̱xakab junak li cui̱nk chi cꞌamoc be chiruheb li tenamit aꞌin.

Hebreos 12:23

Junaj chic e̱ru la̱ex aj pa̱banel. Ut tzꞌi̱banbil le̱ cꞌabaꞌ saꞌ choxa. Textzꞌako̱nk saꞌ choxa e̱rochbeneb li ti̱queb xchꞌo̱l li ac tzꞌakobresinbil ruheb xban li Dios. Cuanquex chi sum a̱tin riqꞌuin li Dios li ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ.

Hebreos 12:9

Saꞌ kacaꞌchꞌinal, li kanaꞌ kayucuaꞌ nocoeꞌxkꞌus ut naka-oxlokꞌiheb. ¿Ma tojaꞌ ta chic li kachoxahil yucuaꞌ incꞌaꞌ takapa̱b nak toxkꞌus? Cui nakapa̱b li kakꞌusbal naxqꞌue li Dios, cua̱nk kayuꞌam chi junelic.

Jeremías 38:16

Ut li rey Sedequías quixba̱nu li juramento saꞌ mukmu riqꞌuin laj Jeremías, ut quixye re: —Saꞌ xcꞌabaꞌ li yoꞌyo̱quil Dios, li naqꞌuehoc kayuꞌam, la̱in incꞌaꞌ tatincamsi, chi moco tatinkꞌaxtesi saꞌ rukꞌeb li cui̱nk li teꞌajok a̱camsinquil, chan.

Génesis 18:27

Ut laj Abraham quixye cuiꞌchic re li Ka̱cuaꞌ: —Chacuy inma̱c nak tina̱tinak cuiꞌchic a̱cuiqꞌuin chi joꞌcaꞌin. La̱at li Ka̱cuaꞌ Dios ut la̱in yal cui̱nkin.

Li xHu LAJ JOB 7:21

¿Ma incꞌaꞌ naru ta̱cuy inma̱c? ¿Ma incꞌaꞌ ta̱cuy li ma̱usilal xinba̱nu? Chi se̱b nincam ut tinsukꞌi̱k cuiꞌchic chꞌochꞌ. Ta̱cuaj raj chic rilbal cuu, abanan incꞌaꞌ chic ta̱cuil cuu xban nak acak xincam, chan laj Job.

San Lucas 23:46

Quia̱tinac li Jesús chi cau xya̱b xcux ut quixye: —At inYucuaꞌ, saꞌ a̱cuukꞌ tinkꞌaxtesi lin musikꞌ, chan. Nak quixye aꞌan, qui-el xchꞌo̱l.

Hechos 7:59

Nak yo̱queb chixcutbal chi pec, laj Esteban yo̱ chi tijoc ut quixye: —At Ka̱cuaꞌ Jesús, cꞌul lin musikꞌ.—

Salmos 103:14

Li Ka̱cuaꞌ naxnau nak yal cristiano ut saꞌ junpa̱t nachꞌinan kachꞌo̱l. Najulticoꞌ re nak yal chꞌochꞌ oquenako.

Salmos 104:29

Nak la̱at incꞌaꞌ chic ta̱qꞌue lix tzacae̱mkeb, teꞌoc xxiu. Cui la̱at ta̱cuisi lix musikꞌeb, teꞌca̱mk ut teꞌsukꞌi̱k cuiꞌchic chꞌochꞌ.

Salmos 31:6

La̱in xicꞌ nequeꞌcuil li nequeꞌxlokꞌoni li yi̱banbil dios. La̱in caꞌaj cuiꞌ a̱cuiqꞌuin cau inchꞌo̱l, at Ka̱cuaꞌ.