Eclesiastés 12:11 - Li Santil hu

¹¹ Li naꞌleb li nequeꞌxye li cuanqueb xnaꞌleb nacꞌanjelac chiku joꞌ nak nacꞌanjelac li kꞌes ruꞌuj cheꞌ re xberesinquil li bo̱yx. Li cha̱bil naꞌleb qꞌuebil ke xban li tzꞌakal Pastor li na-iloc ke. Nacana saꞌ kachꞌo̱l. Chanchan li claux li natꞌojeꞌ saꞌ li cheꞌ.

Q'eqchi Bible

¹¹ Li raatineb' li wankeb' xna'leb', chanchaneb' li topleb'; ut naq tustuukeb' chi chaab'il sa' hu, chanchaneb' li che' lapb'ileb' xb'aan laj k'aak'alenel sa' xna'ajeb' li xketomq.

Eclesiastés 12:11 ပူးပေါင်းရင်းမြစ်များ

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

Hechos 2:37

Nak queꞌrabi aꞌan li chꞌutchꞌu̱queb aran, queꞌyotꞌeꞌ xchꞌo̱leb ut queꞌxye re laj Pedro joꞌ ajcuiꞌ reheb li apóstol li jun chꞌol chic: —Ex kas ki̱tzꞌin, ¿cꞌaꞌru takaba̱nu? chanqueb.

Ezequiel 34:23

La̱in tinqꞌue aj ilol reheb. La̱in tinqꞌue laj David laj cꞌanjel chicuu chi iloc reheb ut aꞌan tixchꞌolaniheb.

Jeremías 23:29

¿Ma ma̱cuaꞌ ta biꞌ chanchan li xam li cua̱tin? Li cua̱tin chanchan li martillo li naxjori li pec li naxten.

2 Corintios 10:4

Ut li kacꞌanjeleba̱l re pletic riqꞌuin li ma̱usilal ma̱cuaꞌ joꞌ li cꞌanjeleba̱l re ruchichꞌochꞌ. Re ban li Dios ut kꞌaxal nim xcuanquil re xsachbal chixjunil lix cꞌanjel li ma̱usilal.

San Juan 3:10

Li Jesús quixye re: —La̱at aj tzolol reheb laj Israel ut incꞌaꞌ nacatau ru li yo̱quin chixyebal.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Proverbios 22:17

Cheqꞌuehak retal li nequeꞌxye li cuanqueb xnaꞌleb. Ut cheqꞌuehak retal chi us li cꞌaꞌru nincꞌut che̱ru.

Proverbios 1:6

Ut re ajcuiꞌ nak tixtau ru li a̱tin li nequeꞌxye li cuanqueb xnaꞌleb, li a̱tin li chꞌaꞌaj xtaubal ru.

San Juan 10:14

La̱in chanchanin jun cha̱bil pastor. La̱in ninnau ruheb li cualal incꞌajol. Ut eb aꞌan nequeꞌxnau cuu la̱in.

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Isaías 22:23

Chanchan jun li claux tojbil saꞌ junak cheꞌ xban nak li Ka̱cuaꞌ tixxakab saꞌ xnaꞌaj lix cuanquil. Saꞌ xcꞌabaꞌ li cui̱nk aꞌan, chixjunileb li rechꞌalal teꞌqꞌuehekꞌ xlokꞌal.

Salmos 80:1

At Ka̱cuaꞌ, la̱at laj ilol reheb laj Israel. La̱at nacatcꞌamoc be chiruheb li ralal xcꞌajol laj José joꞌ jun cha̱bil pastor naxberesiheb lix carner. La̱at li nacathilan saꞌ xyiheb li querubines ut nacacꞌut la̱ lokꞌal.

Salmos 23:1

Li Ka̱cuaꞌ Dios, aꞌan li nacꞌacꞌalen cue; ma̱cꞌaꞌ ta̱paltok cue.

1 Pedro 5:4

Li Jesucristo aꞌan tzꞌakal laj ilol ke. Cui nakachꞌolaniheb chi us li kꞌaxtesinbileb ke, li Jesucristo tixqꞌue kakꞌajca̱munquil nak tol-e̱lk cuiꞌchic. Li kakꞌajca̱munquil aꞌan incꞌaꞌ nalaj incꞌaꞌ na-osoꞌ. Ut totzꞌako̱nk ajcuiꞌ riqꞌuin lix nimal xlokꞌal.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Esdras 9:8

Abanan anakcuan, at Ka̱cuaꞌ, at kaDios, la̱at xacuil xtokꞌoba̱l ku ut xoa̱col la̱o la̱ cualal a̱cꞌajol li joꞌ qꞌuial chic xocana. Xaqꞌue kanaꞌaj saꞌ li santil naꞌajej bar ma̱cꞌaꞌ na-oc ke. La̱at nacacutanobresi li kabe ut xoa̱qꞌue chi hila̱nc junpa̱t.

Génesis 49:24

Ut ta̱cuy chak xcolbal a̱cuib saꞌ rukꞌ eb aꞌan. Li Ka̱cuaꞌ Dios xqꞌuehoc xcacuilal a̱cuok a̱cuukꞌ. Bantiox re li Ka̱cuaꞌ Dios li naqꞌuehoc re lin metzꞌe̱u. Bantiox re li Ka̱cuaꞌ Dios li na-iloc ke joꞌ naxba̱nu junak laj ilol queto̱mk. Li Ka̱cuaꞌ Dios, aꞌan joꞌ jun sako̱nac ut ma̱ ani naru natꞌanoc re. Ut aꞌan naxqꞌue li kacuanquilal.

Eclesiastés 7:5

Kꞌaxal us nak tokꞌusekꞌ xbaneb li cuanqueb xnaꞌleb chiru nak ta̱qꞌuehekꞌ kalokꞌal xbaneb li ma̱cꞌaꞌeb xnaꞌleb.

Eclesiastés 10:12

Li a̱tin li naxye li cuan xnaꞌleb nasukꞌi usilal chokꞌ re. Abanan li cꞌaꞌru naxye li ma̱cꞌaꞌ xnaꞌleb, aꞌan ajcuiꞌ nasachoc re.

Proverbios 10:21

Li cha̱bil a̱tin nequeꞌxye li ti̱queb xchꞌo̱l naxtenkꞌa nabal. Abanan eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌxtau xya̱lal.