Eclesiastés 12:10 - Li Santil hu

¹⁰ Quinqꞌue inchꞌo̱l chixsicꞌbal ruheb li a̱tin re nak tintzꞌi̱ba li naꞌleb aꞌin chi tzꞌakal re ru riqꞌuin cha̱bil a̱tin.

Q'eqchi Bible

¹⁰ Junelik kixyal xq'e chi xch'olob'ankil chixjunil chi chaab'il jo'wi' xtz'iib'ankil chi tz'aqal re ru.

Eclesiastés 12:10 ပူးပေါင်းရင်းမြစ်များ

Colosenses 1:5

Nak xerabi resil li colba-ib, xerabi ajcuiꞌ resil li sahil chꞌo̱lejil cꞌu̱lanbil saꞌ choxa chokꞌ e̱re. Xban nak yo̱quex chixyoꞌoninquil aꞌan, nequexpa̱ban ut nequera le̱ rech aj pa̱banelil.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

Proverbios 15:26

Li Ka̱cuaꞌ xicꞌ naril li cꞌaꞌru nequeꞌxcꞌoxla li incꞌaꞌ useb xnaꞌleb. Abanan nacuulac chiru li cꞌaꞌru nequeꞌxcꞌoxla li ti̱queb xchꞌo̱l.

Eclesiastés 1:1

Aꞌan aꞌin ra̱tin jun li cui̱nk naxnau a̱tinac chi us. Li cui̱nk aꞌan, aꞌan li ralal laj David, li quicuan chokꞌ rey aran Jerusalén.

San Juan 3:11

Relic chi ya̱l ninye e̱re: La̱o nocoa̱tinac chirix li nakanau. Ut nakachꞌolob resil li cꞌaꞌru nakil. Abanan la̱ex incꞌaꞌ nequecꞌu̱luban li cꞌaꞌru nakachꞌolob xya̱lal che̱ru.

Proverbios 15:23

Li ani naxnau xsumenquil junak li patzꞌoc nasahoꞌ saꞌ xchꞌo̱l. Ut kꞌaxal cuiꞌchic us nak teꞌxye junak a̱tin nak ta̱ajekꞌ ru.

Eclesiastés 1:12

La̱in li ninnau a̱tinac chi cha̱bil. La̱in quincuan chokꞌ xreyeb laj Israel aran Jerusalén.

Proverbios 10:32

Eb li ti̱queb xchꞌo̱l nequeꞌxnau a̱tinac riqꞌuin cha̱bil a̱tin. Abanan eb li nequeꞌxba̱nu li ma̱usilal junes yibru a̱tin nequeꞌa̱tinac.