Eclesiastés 11:9 - Li Santil hu

⁹ La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Q'eqchi Bible

⁹ Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Eclesiastés 11:9 ပူးပေါင်းရင်းမြစ်များ

Eclesiastés 12:14

Li Dios ta̱rakok a̱tin saꞌ kabe̱n riqꞌuin chixjunil li cꞌaꞌru nakaba̱nu, usta chi mukmu nakaba̱nu. Ta̱rakok a̱tin saꞌ kabe̱n riqꞌuin chixjunil li nakaba̱nu, usta us, usta incꞌaꞌ us.

Eclesiastés 12:1

Nak toj cuancat saꞌ la̱ sa̱jilal, chijulticokꞌ a̱cue li Dios li quiyoꞌobtesin a̱cue. Chijulticokꞌ a̱cue li Dios nak toj ma̱jiꞌ nacuulac li cutan nak cuan nabal li chꞌaꞌajquilal ut nak ma̱jiꞌ nacuulac li chihab nak ta̱ye: —Ma̱cꞌaꞌ chic nasahoꞌ cuiꞌ inchꞌo̱l.—

Lamentaciones 3:27

Kꞌaxal us nak junak tixcanab rib chi takla̱c xban li Ka̱cuaꞌ chalen saꞌ xsa̱jilal.

Eclesiastés 3:17

Joꞌcan nak quinye saꞌ inchꞌo̱l: —Li ani ti̱c xchꞌo̱l ta̱rakekꞌ a̱tin saꞌ xbe̱n xban li Dios, ut ta̱rakekꞌ ajcuiꞌ a̱tin saꞌ xbe̱n li naxba̱nu ma̱usilal xban nak ac xakabanbil li ho̱nal aꞌan xban li Dios nak ta̱rakekꞌ a̱tin saꞌ kabe̱n riqꞌuin li cꞌaꞌru nakaba̱nu ut riqꞌuin li cꞌaꞌru nakacꞌul.—

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Li xHu LAJ JOB 31:7

Cui la̱in xincanab xba̱nunquil li ti̱quilal, ut cui la̱in yo̱quin chixra̱bal ru li cꞌaꞌru re jalan, ut cui cuan cꞌaꞌak re ru cuiqꞌuin jalan aj e,

Romanos 14:10

¿Cꞌaꞌut nak nacatrakoc a̱tin saꞌ xbe̱n la̱ cuech aj pa̱banelil? Ut, ¿cꞌaꞌut nak nacatzꞌekta̱naheb aj pa̱banel? Incꞌaꞌ naru ta̱ba̱nu chi joꞌcan xban nak saꞌ jun cutan li Cristo ta̱rakok a̱tin saꞌ kabe̱n chikajunilo.

San Mateo 5:28

Ut la̱in tinye e̱re nak yalak ani tixcaꞌya junak ixk re xrahinquil ru, ac xmux ru lix sumlajic xban xrahinquil ru.

Eclesiastés 2:10

Chixjunil li sahil chꞌo̱lej li quicuaj, quinba̱nu. Ma̱ jun sut incꞌaꞌ ta quinba̱nu li cꞌaꞌru quinrahi ru. Ut quisahoꞌ saꞌ inchꞌo̱l riqꞌuin lin cꞌanjel li quinba̱nu. Li sahil chꞌo̱lej quincꞌul, aꞌan re̱kaj li cꞌanjel quinba̱nu.

Génesis 6:2

Li ralal xcꞌajol li Dios queꞌril nak chꞌinaꞌus nequeꞌiloc eb li ixk aꞌin ut queꞌxcꞌameb chokꞌ rixakileb.

Génesis 3:6

Ut li ixk quiril nak li ru li cheꞌ sa xloubal. Chꞌinaꞌus na-iloc ru li cheꞌ. Ut quixra ru xloubal re nak cua̱nk chic xnaꞌleb. Quixsicꞌ ru li cheꞌ. Quixlou ut quixqꞌue ajcuiꞌ re lix be̱lom. Ut chi xcabichaleb queꞌxlou ru li cheꞌ.

Números 15:30

Abanan li ani naxkꞌet junak li chakꞌrab chi yal naraj xchꞌo̱l, li jun aꞌan ta̱camsi̱k usta aj Israel usta jalan xtenamit. Ta̱camsi̱k xban nak quinixtzꞌekta̱na la̱in li Ka̱cuaꞌ.

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

Jeremías 23:17

Rajlal nequeꞌxye reheb li xicꞌ nequeꞌiloc cue, “Li Ka̱cuaꞌ xye nak texcua̱nk saꞌ tuktu̱quil usilal”. Ut nequeꞌxye ajcuiꞌ reheb li nequeꞌxqꞌue xchꞌo̱l chixba̱nunquil li cꞌaꞌru nequeꞌraj xjuneseb, “Ba̱nuhomak li cꞌaꞌru nequeraj. Ma̱cꞌaꞌ te̱cꞌul”, chanqueb.

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

Deuteronomio 29:19

Cui cuan junak saꞌ kaya̱nk ta̱rabi chixjunil li tenebanbil saꞌ kabe̱n ut incꞌaꞌ tixqꞌue xcuanquil ut tixcꞌoxla “us tine̱lk usta tinba̱nu li cꞌaꞌru nacuaj injunes” chaꞌak, xban li jun aꞌan ta̱sachekꞌ e̱ru che̱junilex, li cha̱bil xnaꞌleb joꞌ ajcuiꞌ li incꞌaꞌ us xnaꞌleb.

Números 15:39

Nak te̱ril lix sahob ru le̱ rakꞌ ta̱julticokꞌ e̱re chixjunil li chakꞌrab li quinqꞌue e̱re re te̱ba̱nu. Ut incꞌaꞌ te̱mux e̱rib riqꞌuin xba̱nunquil li nequeraj e̱junes joꞌ nequeꞌxba̱nu eb li ixk li nequeꞌxcꞌayi ribeb.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

Hechos 14:16

Junxil li Dios quixcanabeb li tenamit chi cua̱nc joꞌ queꞌraj eb aꞌan.

1 Reyes 22:15

Chirix aꞌan laj Micaías co̱ ut quixakli chiru li rey, ut li rey quixye re: —At Micaías, ¿ma us cui topletik riqꞌuineb laj Ramot li cuan xcue̱nt Galaad malaj ut incꞌaꞌ toxic? chan. Ut laj Micaías quixye re: —Texxic chi pletic. Te̱re̱chani li ple̱t xban nak li Ka̱cuaꞌ tixkꞌaxtesi saꞌ e̱rukꞌ, chan.

1 Reyes 18:27

Nak ac xcuulac cuaꞌleb laj Elías qui-oc chixseꞌenquileb ut quixye reheb: —Japomak e̱re chi cau. ¿Ma ma̱cuaꞌ ta biꞌ aꞌan le̱ dios? Ma̱re yo̱ chi cꞌoxlac malaj ut yo̱ chi cꞌanjelac. Ma̱re xco̱ chi be̱c malaj ut yo̱ chi cua̱rc. Ma̱re tento nak te̱rajsi, chan reheb.

1 Reyes 18:12

Ma̱re lix musikꞌ li Ka̱cuaꞌ tatxcꞌam saꞌ jalan chic naꞌajej nak ac xin-el arin. Cui la̱in ninye re li rey Acab nak cuancat arin ut cui ma̱ anihakat nak ta̱cha̱lk cha̱sicꞌbal, relic chi ya̱l tinixtakla chi camsi̱c. La̱at nacanau nak chalen saꞌ insa̱jilal la̱in ninxucua ru li Ka̱cuaꞌ.

Números 22:32

Lix ángel li Ka̱cuaꞌ quixpatzꞌ re laj Balaam: —¿Cꞌaꞌut nak xasacꞌ la̱ bu̱r oxib sut? La̱in cuanquin arin chixrambal a̱be xban nak incꞌaꞌ us li xic a̱cue chixba̱nunquil.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Josué 7:21

Nak xo-oc aran Jericó, xcuil saꞌ xya̱nkeb li cꞌaꞌak re ru jun cha̱bil tꞌicr xcomon li akꞌej li nequeꞌrocsi laj Babilonia. Xcuil ajcuiꞌ cuib ciento chi tumin plata ut numenak na jun libra li oro. La̱in quinra ru. Joꞌcan nak quinxoc chokꞌ cue. Xinbec jun li jul saꞌ li naꞌajej li cuanquin cuiꞌ chi hila̱nc ut aran xinmuk. Xinqꞌue li tumin rubel li tꞌicr, chan laj Acán.

San Lucas 12:19

Ut tinye: “Us xak cue. Cuan nabal cꞌaꞌru cue xocxo inban re tinnumsi nabal chihab. Anakcuan tinhila̱nk, tincuaꞌak, tin-ucꞌak, ut ta̱sahokꞌ saꞌ inchꞌo̱l”, chan.

Eclesiastés 6:9

Kꞌaxal us nak tixcꞌojob xchꞌo̱l riqꞌuin li joꞌ qꞌuial cuan re chiru nak yo̱k chi cꞌoxlac chirix nabal xtzꞌakob li cꞌaꞌru re xban nak aꞌan ma̱cꞌaꞌ na-oc cuiꞌ. Junes raylal naxqꞌue.

Eclesiastés 7:14

Chisahokꞌ saꞌ e̱chꞌo̱l nak nequex-el chi us riqꞌuin li cꞌaꞌru nequeba̱nu. Ut cui nachal li raylal saꞌ e̱be̱n, cheqꞌuehak retal nak li Dios naqꞌuehoc sahil chꞌo̱lej ut naxqꞌue ajcuiꞌ li rahil chꞌo̱lej. Ma̱ ani naxnau cꞌaꞌru ta̱cha̱lk chiru mokon.

Eclesiastés 3:12

La̱in ninnau nak li cꞌaꞌru us tixba̱nu li cui̱nk, aꞌan nak ta̱sahokꞌ saꞌ xchꞌo̱l ut tixba̱nu li us nak toj cua̱nk saꞌ ruchichꞌochꞌ.