Eclesiastés 11:8 - Li Santil hu

⁸ Abanan, usta nabal chihab tocua̱nk saꞌ ruchichꞌochꞌ ut yo̱ko xyalbal xsahil li cꞌaꞌru ke, tento nak takaqꞌue retal nak ta̱cuulak xkꞌehil nak toca̱mk chi junaj cua ut incꞌaꞌ chic tocua̱nk saꞌ ruchichꞌochꞌ. Chixjunil li ta̱cha̱lk chiku mokon, ma̱cꞌaꞌ na-oc cuiꞌ.

Q'eqchi Bible

⁸ Ab'anan us ta najtaq roq li qayu'am ut sahaq qach'ool chiruheb' li chihab' a'in, tento xjultikankil naq taachalq li aak'ab' sa' qab'een, ut naab'alaqeb' li aak'ab'il kutan. Ut chixjunil li chalk re sa' qab'een, maak'a' rajb'al.

Eclesiastés 11:8 ပူးပေါင်းရင်းမြစ်များ

San Juan 12:35

Quichakꞌoc li Jesús ut quixye reheb: —La̱in li cutan saken. Xinchal chixchꞌolobanquil lix ya̱lal che̱ru. Toj tincua̱nk chic caꞌchꞌinak saꞌ e̱ya̱nk. Joꞌcan nak qꞌuehomak e̱chꞌo̱l chinpa̱banquil nak toj cuanquin saꞌ e̱ya̱nk re nak incꞌaꞌ texcua̱nk saꞌ xkꞌojyi̱nal ru li ma̱c. Li ani nacuan saꞌ xkꞌojyi̱nal ru li ma̱c incꞌaꞌ naxnau bar yo̱ chi xic.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Joel 2:2

Nak teꞌcha̱lk laj sa̱cꞌ, ta̱kꞌojyi̱nokꞌ ru li cutan xban xqꞌuialeb. Chanchanakeb li kꞌeki chok. Chanchanakeb li jun tu̱b chi soldado nak yo̱keb chi cha̱lc chi pletic kiqꞌuin. Teꞌcha̱lk joꞌ nak nacꞌutun chak li cutan saꞌ xbe̱neb li tzu̱l. Ma̱ jun sut quicꞌulman chi joꞌcan ut ma̱ jun sut chic ta̱cꞌulma̱nk mokon chi joꞌcan.

Eclesiastés 7:14

Chisahokꞌ saꞌ e̱chꞌo̱l nak nequex-el chi us riqꞌuin li cꞌaꞌru nequeba̱nu. Ut cui nachal li raylal saꞌ e̱be̱n, cheqꞌuehak retal nak li Dios naqꞌuehoc sahil chꞌo̱lej ut naxqꞌue ajcuiꞌ li rahil chꞌo̱lej. Ma̱ ani naxnau cꞌaꞌru ta̱cha̱lk chiru mokon.

San Judas 1:18

Eb li apóstol queꞌxye e̱re nak ta̱nachꞌok chak rosoꞌjiqueb li cutan teꞌcha̱lk eb laj balakꞌ aj majecuanel. Aꞌ li ma̱c li naxrahi ru lix tzꞌejcualeb, aꞌan li nequeꞌxba̱nu.

Jeremías 13:16

Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

Eclesiastés 8:15

Joꞌcan nak la̱in ninye nak li cui̱nk tixsicꞌ li sahil chꞌo̱lej arin saꞌ ruchichꞌochꞌ. Ta̱cuaꞌak ta̱ucꞌak ut ta̱sahokꞌ saꞌ xchꞌo̱l xban nak caꞌaj cuiꞌ aꞌan naru tixba̱nu re nak tixyal xsahil li cꞌanjel li naxba̱nu nak toj cuan lix yuꞌam saꞌ ruchichꞌochꞌ li naqꞌueheꞌ re xban li Dios.

Eclesiastés 8:12

Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Eclesiastés 6:11

Li ani nacuulac chiru cuechꞌi̱nc, ma̱cꞌaꞌ na-oc cuiꞌ li naxba̱nu. Usta nabal li a̱tin naxye, ma̱cꞌaꞌ naxra nak naa̱tinac nabal.

San Mateo 22:13

Ut li rey quixye reheb lix mo̱s: “Bacꞌomak li rok rukꞌ ut cutumak saꞌ kꞌojyi̱n chirix cab. Aran ut ta̱cua̱nk li ya̱bac ut li cꞌuxuxi̱nc ruch e.”

Eclesiastés 6:6

Li cui̱nk aꞌin xru raj xcuan cuibak mil chihab saꞌ ruchichꞌochꞌ. Abanan cui incꞌaꞌ xyal xsahil li cꞌaꞌru cuan re, ma̱cꞌaꞌ na-oc cuiꞌ. ¿Ma incꞌaꞌ ta biꞌ ta̱ca̱mk li cui̱nk joꞌ nak quicam li cꞌulaꞌal?

Eclesiastés 4:16

Kꞌaxal cuiꞌchic nabaleb li tenamit li queꞌoquen chirix nak qui-oc chokꞌ rey. Abanan li tenamit li teꞌcua̱nk mokon incꞌaꞌ chic sahakeb xchꞌo̱l riqꞌuin. Joꞌcan ajcuiꞌ aꞌin ma̱cꞌaꞌ na-oc cuiꞌ. Junes raylal naxqꞌue.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Eclesiastés 2:19

Ma̱ ani nanaꞌoc re ma cuan xnaꞌleb malaj ut ma̱cꞌaꞌ li ta̱oc chokꞌ cue̱kaj. Incꞌaꞌ ninnau ma cuan xnaꞌleb li ta̱e̱chani̱nk re li cꞌaꞌru cue li xinqꞌue inchꞌo̱l xcꞌanjelanquil riqꞌuin lin naꞌleb. Joꞌcan nak chixjunil li cꞌaꞌru xinba̱nu, ma̱cꞌaꞌ na-oc cuiꞌ.

Eclesiastés 2:17

Joꞌcan nak xicꞌ chic nacuil lin yuꞌam arin saꞌ ruchichꞌochꞌ xban nak chixjunil li na-uxman arin saꞌ ruchichꞌochꞌ junes chꞌaꞌajquilal naxqꞌue saꞌ inbe̱n. Chixjunil li na-uxman, ma̱cꞌaꞌ na-oc cuiꞌ. Junes raylal naxqꞌue.

Eclesiastés 2:15

Ut quinye saꞌ inchꞌo̱l: —Cui la̱in li cuan innaꞌleb tincꞌul joꞌ tixcꞌul li ma̱cꞌaꞌ xnaꞌleb, ¿cꞌaꞌ ta cuiꞌ ru aj e nak cuan innaꞌleb?— Joꞌcan nak quinye nak chixjunil li cꞌaꞌru nakaba̱nu ma̱cꞌaꞌ na-oc cuiꞌ.

Li xHu LAJ JOB 18:18

Ta̱isi̱k saꞌ cutan ut ta̱cutekꞌ saꞌ kꞌojyi̱n. Ta̱isi̱k saꞌ li ruchichꞌochꞌ.

Li xHu LAJ JOB 15:23

Lix tibel ta̱cꞌanjelak re teꞌxtzaca li soꞌsol. Aꞌan naxnau nak ta̱osokꞌ. Incꞌaꞌ chic ta̱colekꞌ.

Li xHu LAJ JOB 14:10

Abanan eb li cristian nak nequeꞌcam, nequeꞌosoꞌ chi junaj cua. Ut, ¿bar nequeꞌxic nak nequeꞌcam?

Li xHu LAJ JOB 10:22

Xic cue saꞌ jun li naꞌajej re rahil chꞌo̱lej bar ma̱cꞌaꞌ cutan. Junes kꞌojyi̱n ban ru, li moco tuktu ta ru, chan laj Job.

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

Eclesiastés 11:2

Ta̱jecꞌ li cꞌaꞌru cuan a̱cue reheb li ma̱cꞌaꞌ cuan reheb, xban nak incꞌaꞌ nacanau jokꞌe ta̱cha̱lk raylal saꞌ a̱be̱n la̱at nak cuancat saꞌ ruchichꞌochꞌ.

Li xHu LAJ JOB 10:21

xban nak chi se̱b nincam ut incꞌaꞌ chic tinsukꞌi̱k saꞌ li ruchichꞌochꞌ. Xic cue saꞌ jun li naꞌajej kꞌojyi̱n ru ut re rahil chꞌo̱lej.

Li xHu LAJ JOB 14:12

Joꞌcaneb ajcuiꞌ li cristian li nequeꞌcam incꞌaꞌ chic nequeꞌcuacli nak li choxa ma̱jiꞌ na-osoꞌ. Incꞌaꞌ nequeꞌel chak saꞌ li naꞌajej li cuanqueb cuiꞌ.

Salmos 49:20

Li cui̱nk incꞌaꞌ nacuan lix yuꞌam chi junelic saꞌ ruchichꞌochꞌ usta nabal lix biomal ut lix cuanquilal. Nequeꞌcam li xul ut nequeꞌcam ajcuiꞌ li cristian.