Eclesiastés 11:6 - Li Santil hu

⁶ Nak tat-a̱uk, ta̱cuau la̱ cuiyaj ekꞌela ut ta̱cuau cuiꞌchic ecuu xban nak incꞌaꞌ nacanau bar cuan li ta̱e̱lk chi us, ma li ta̱cuau xbe̱n cua, malaj ut li ta̱cuau mokon, malaj ut juntakꞌe̱t ta̱e̱lk.

Q'eqchi Bible

⁶ Aw laawiyaj eq'la, ut aw wi' chik ewu, xb'aan naq ink'a' nakanaw b'arwan li taa'elq chi us, ma li xawaw xb'enwa malaj li moqon, malaj us taa'elq xkab'ichal.

Eclesiastés 11:6 ပူးပေါင်းရင်းမြစ်များ

Isaías 55:10

Li hab ut li ratzꞌam que nachal chak saꞌ choxa ut naxtꞌakresi li chꞌochꞌ. Incꞌaꞌ nacana yal chi joꞌcan. Naxqꞌue ban chi qꞌui̱c li acui̱mk toj retal nau̱chin ut nacuan iyaj re a̱uc ut nacuan ajcuiꞌ re tzacae̱mk.

Oseas 10:12

La̱in xinye e̱re: —Li cꞌaꞌru te̱rau, aꞌan ajcuiꞌ li te̱kꞌol. Sicꞌomak li ti̱quilal ut texcuosobtesi xban nak niquine̱lokꞌoni. Chanchan nak te̱trabaji li chꞌochꞌ ut tex-a̱uk ut cha̱bil li cꞌaꞌru te̱kꞌol. Anakcuan xcuulac xkꞌehil nak texsukꞌi̱k cuiqꞌuin, ut la̱in texincꞌul cuiꞌchic ut tinqꞌue xti̱quilal e̱chꞌo̱l.

2 Corintios 9:6

Cheqꞌuehak retal li naꞌleb aꞌin: li ani caꞌchꞌin narau, caꞌchꞌin ajcuiꞌ li tixkꞌol. Ut li ani nabal narau, nabal ajcuiꞌ tixkꞌol.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Eclesiastés 9:1

Relic chi ya̱l la̱in quinqꞌue inchꞌo̱l chixtzolbal rix chixjunil li cꞌaꞌak re ru aꞌin. Ut quinqꞌue retal nak li ti̱queb xchꞌo̱l ut li cuanqueb xnaꞌleb cuanqueb saꞌ rukꞌ li Dios, joꞌ ajcuiꞌ li cꞌaꞌru nequeꞌxba̱nu. Ma̱ ani naxnau ma nequeꞌraheꞌ malaj ut xicꞌ nequeꞌileꞌ. Ut incꞌaꞌ nequeꞌxnau cꞌaꞌru teꞌxcꞌul mokon.

Eclesiastés 11:7

Relic chi ya̱l nak kꞌaxal us nak yoꞌyo̱ko saꞌ ruchichꞌochꞌ ut yo̱ko chirilbal li cutan.