Eclesiastés 11:5 - Li Santil hu

⁵ La̱at incꞌaꞌ nacanau bar naxic li ikꞌ. Ut incꞌaꞌ ajcuiꞌ nacanau chanru nak naqꞌui li cꞌulaꞌal li toj ma̱jiꞌ nayoꞌla. Joꞌcan ajcuiꞌ nak incꞌaꞌ nacanau cꞌaꞌru naxba̱nu li Dios li quiyi̱ban re chixjunil li cꞌaꞌak re ru.

Q'eqchi Bible

⁵ Laa'at ink'a' nakanaw b'ar naxik li iq', chi moko chanru nak'ub'laak li k'uula'al rik'in li xna'. Jo'kan ajwi' ink'a' nakanaw k'aru naxb'aanu li Yos, laj Winqob'resihom re choxach'och'.

Eclesiastés 11:5 ပူးပေါင်းရင်းမြစ်များ

San Juan 3:8

Li ikꞌ nanumeꞌ bar naraj chi incꞌaꞌ nacanau bar nachal chak chi moco nacanau bar yo̱ chi xic. Incꞌaꞌ nacacuil ru. Caꞌaj cuiꞌ lix ya̱b nacacuabi nak nanumeꞌ. Joꞌcan ajcuiꞌ lix yuꞌameb li yoꞌlajenakeb riqꞌuin li Santil Musikꞌej. Cuan xyuꞌameb chi junelic chi incꞌaꞌ nacanau chi tzꞌakal chanru, chan li Jesús.

Salmos 92:5

At nimajcual Dios, kꞌaxal nim la̱ cuanquil ut kꞌaxal lokꞌ li cꞌaꞌru nacaba̱nu. Numtajenak la̱ naꞌleb. Ma̱ ani ta̱taꞌok ru.

Eclesiastés 8:17

Ut quinqꞌue retal nak ma̱ ani nataꞌoc ru li cꞌaꞌru naxba̱nu li Dios. Li cui̱nk ma̱ jokꞌe tixtau ru li cꞌaꞌru naxba̱nu li Dios saꞌ ruchichꞌochꞌ, usta tixtacuasi rib chixsicꞌbal. Li cuan xnaꞌleb naru naxye nak naxnau, abanan ma̱ jokꞌe tixtau ru.

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Isaías 40:28

¿Ma incꞌaꞌ ta biꞌ nequenau nak li Ka̱cuaꞌ ac aꞌan ajcuiꞌ chalen chak najter kꞌe cutan? Ut, ¿Ma incꞌaꞌ ta biꞌ e̱rabiom nak li Ka̱cuaꞌ, aꞌan li quiyoꞌobtesin re li cꞌaꞌru cuan saꞌ chixjunil li ruchichꞌochꞌ? Aꞌan incꞌaꞌ nalub chi moco nalaj lix metzꞌe̱u. Lix cꞌaꞌux ma̱ ani nataꞌoc re.

Salmos 104:24

At Ka̱cuaꞌ, cꞌajoꞌ xlokꞌal li cꞌanjel li quilaja̱ba̱nu. Chixjunil li cꞌanjel aꞌin quilaja̱ba̱nu riqꞌuin la̱ naꞌleb. Li ruchichꞌochꞌ nujenak riqꞌuin chixjunil li us quilaja̱ba̱nu.

Eclesiastés 7:24

Incꞌaꞌ quinru xtzꞌilbal rix li cꞌaꞌak re ru aꞌin xban nak kꞌaxal chꞌaꞌaj xtaubal ru. Ma̱ ani naru xtaubal ru li cꞌaꞌak re ru aꞌin.

Salmos 40:5

At Ka̱cuaꞌ, at kaDios, numtajenak li usilal xaba̱nu ke. Ma̱ ani naru nacatkajuntakꞌe̱ta cuiꞌ. Junelic yo̱cat chi cꞌoxlac chikix. Nacuaj raj xyebal resil joꞌ qꞌuial xaba̱nu, abanan incꞌaꞌ ninru xyebal xban nak numtajenak cuiꞌchic la̱ cuusilal.

Li xHu LAJ JOB 38:4

¿Ma ac cuancat ta biꞌ la̱at nak quinyi̱b chak saꞌ xnaꞌaj li ruchichꞌochꞌ? Cui la̱at mas nacanau chicuu la̱in, cꞌut chicuu la̱ naꞌleb.

Li xHu LAJ JOB 37:23

La̱o incꞌaꞌ nakatau ru li cꞌaꞌru naxba̱nu li nimajcual Dios. Aꞌan kꞌaxal cau rib ut ti̱c xchꞌo̱l. Ut xban nak ti̱c xchꞌo̱l, ma̱ ani naxba̱nu raylal re.

Li xHu LAJ JOB 5:9

Aꞌan kꞌaxal nim xcuanquil chixba̱nunquil li sachba chꞌo̱lej. Ut ma̱ ani nataꞌoc ru li cꞌaꞌak re ru naxba̱nu.

Eclesiastés 1:6

Joꞌcan ajcuiꞌ li ikꞌ. Nanumeꞌ saꞌ li sur ut nanumeꞌ ajcuiꞌ saꞌ li norte. Li bar ac xnumeꞌ cuiꞌ, nanumeꞌ cuiꞌchic. Ut joꞌcan rajlal naxba̱nu.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Eclesiastés 3:10

La̱in xinqꞌue retal nak kꞌaxal cau li cꞌanjel li quixqꞌue li Dios saꞌ xbe̱neb li cui̱nk re teꞌxba̱nu.

Eclesiastés 3:11

Li Dios naxyi̱b chixjunil chi cha̱bil saꞌ xkꞌehil joꞌ naraj aꞌan. Xqꞌue saꞌ li kachꞌo̱l xra̱bal ru xnaubal li cꞌaꞌru ta̱cꞌulma̱nk. Abanan incꞌaꞌ nakatau ru chixjunil li cꞌaꞌru quixba̱nu chak li Dios saꞌ xticlajic toj chalen saꞌ rosoꞌjic.

Eclesiastés 11:4

Li ani yo̱k xcꞌaꞌux chirix li ikꞌ incꞌaꞌ ta̱a̱uk. Ut li ani yo̱k xcꞌaꞌux chirix li chok incꞌaꞌ ta̱kꞌolok.