Eclesiastés 11:10 - Li Santil hu

¹⁰ Checanabak xcꞌoxlanquil li cꞌaꞌak re ru nachꞌiꞌchꞌiꞌin e̱re joꞌ ajcuiꞌ li chꞌaꞌajquilal. Chenauhak nak incꞌaꞌ najt texcua̱nk saꞌ le̱ sa̱jilal. Joꞌcan nak ma̱cꞌaꞌ na-oc cuiꞌ li cꞌaꞌru te̱ba̱nu.

Q'eqchi Bible

¹⁰ Najtob'resihomaq eerib' rik'in li ookel k'a'uxl ut isihomaq li rahilal sa' leech'ool, xb'aan naq eb' li sahil kutan sa' leesaajilal te'raqe'q sa' junpaat chi maak'a' rajb'al.

Eclesiastés 11:10 ပူးပေါင်းရင်းမြစ်များ

2 Corintios 7:1

Joꞌcan ut ex inherma̱n, chixjunil aꞌin yechiꞌinbil ke la̱o. Joꞌcan nak chikacanabak chixjunil li ma̱usilal li namuxuc ru li katibel ut li ka̱m. Xban nak nakaxucua ru li Dios chikaqꞌue kachꞌo̱l chi cua̱nc saꞌ santilal.

2 Timoteo 2:22

Joꞌcan utan chatzꞌekta̱na chi junaj cua li incꞌaꞌ us li nequeꞌxrahi ru li toj sa̱jeb. Ut qꞌue a̱chꞌo̱l chicua̱nk saꞌ ti̱quilal ut chatpa̱ba̱nk chi tzꞌakal. Charahakeb la̱ cuas a̱cui̱tzꞌin ut chatcua̱nk saꞌ usilal riqꞌuineb chixjunileb. La̱akat jun saꞌ xya̱nkeb li ti̱queb xchꞌo̱l li nequeꞌtijoc chiru li Dios.

Eclesiastés 12:1

Nak toj cuancat saꞌ la̱ sa̱jilal, chijulticokꞌ a̱cue li Dios li quiyoꞌobtesin a̱cue. Chijulticokꞌ a̱cue li Dios nak toj ma̱jiꞌ nacuulac li cutan nak cuan nabal li chꞌaꞌajquilal ut nak ma̱jiꞌ nacuulac li chihab nak ta̱ye: —Ma̱cꞌaꞌ chic nasahoꞌ cuiꞌ inchꞌo̱l.—

Eclesiastés 1:14

Riqꞌuin aꞌin quinqꞌue retal nak chixjunil li na-uxman saꞌ ruchichꞌochꞌ, ma̱cꞌaꞌ na-oc cuiꞌ. Junes rahil chꞌo̱lej naxqꞌue.

Eclesiastés 1:2

Aꞌin li quixye chirix li cꞌaꞌru cuan saꞌ ruchichꞌochꞌ: Chixjunil li cꞌaꞌak re ru cuan saꞌ ruchichꞌochꞌ, ma̱cꞌaꞌ na-oc cuiꞌ. Chixjunil li cꞌaꞌru nakacꞌoxla xba̱nunquil, ma̱cꞌaꞌ rajbal.

Salmos 39:5

Cha̱cuu la̱at caꞌchꞌin ajcuiꞌ lin yuꞌam arin saꞌ ruchichꞌochꞌ. Lin yuꞌam chanchan li ma̱cꞌaꞌ cha̱cuu. Jun jikꞌoc ajcuiꞌ. Moco nim ta cuan cuiꞌ lin yuꞌam.

Li xHu LAJ JOB 20:11

Toj sa̱jak ut toj cauhak rib nak ta̱ca̱mk.

Li xHu LAJ JOB 13:26

¿Cꞌaꞌut nak nacaqꞌue raylal saꞌ inbe̱n ut nacaye nak cuan inma̱c? Ut toj yo̱cat chixqꞌuebal saꞌ inbe̱n li ma̱c quinba̱nu chak saꞌ insa̱jilal.

Salmos 25:7

Incꞌaꞌ taxak chinak saꞌ a̱chꞌo̱l li ma̱c ut li ma̱usilal li quinba̱nu chak saꞌ insa̱jilal. Chinjulticokꞌ taxak a̱cue, at Ka̱cuaꞌ, xban nak junelic nacatrahoc ut junelic cha̱bilat.

Proverbios 22:15

Eb li cocꞌal nequeꞌxba̱nu li incꞌaꞌ us xban nak ma̱cꞌaꞌeb xnaꞌleb. Abanan cui teꞌqꞌuehekꞌ chi tzꞌu̱m teꞌxtau xnaꞌleb.

Li xHu LAJ JOB 11:12

Li ani incꞌaꞌ naraj xtaubal xnaꞌleb, incꞌaꞌ ajcuiꞌ tixtau xnaꞌleb. Chanchan jun li bu̱r li tojeꞌ xyoꞌla, li toj ma̱jiꞌ natu̱lanobresi̱c.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.