Eclesiastés 10:14 - Li Santil hu

¹⁴ Li ma̱cꞌaꞌ xnaꞌleb cꞌajoꞌ nacuulac chiru a̱tinac. Abanan ¿ma ta̱ru̱k ta biꞌ tixye cꞌaꞌru ta̱cꞌulma̱nk? Incꞌaꞌ, xban nak ma̱ ani nanaꞌoc re cꞌaꞌru ta̱cꞌulma̱nk mokon nak ma̱ anihak chic aꞌan.

Q'eqchi Bible

¹⁴ Li jip k'ajo' nawulak chiru aatinak, ab'an maajun naru tixye k'aru taak'ulmanq wulaj kab'ej. K'aru chalk re sa' qab'een? Maa'ani nanawok re.

Eclesiastés 10:14 ပူးပေါင်းရင်းမြစ်များ

Proverbios 15:2

Li a̱tin li naxye li cuan xnaꞌleb naxqꞌue xnaꞌleb li ani na-abin re. Abanan li a̱tin li nequeꞌxye li ma̱cꞌaꞌeb xnaꞌleb, aꞌan yal to̱ntil a̱tin nequeꞌxye.

Eclesiastés 8:7

xban nak ma̱ ani naxnau cꞌaꞌru tixcꞌul, chi moco cuan ta junak naru tixye cꞌaꞌru ta̱cꞌulma̱nk mokon.

Eclesiastés 6:12

¿Ma cuan ta biꞌ junak nanaꞌoc re cꞌaꞌru li us chokꞌ re li cui̱nk nak cuan arin saꞌ ruchichꞌochꞌ? Lix yuꞌam nanumeꞌ saꞌ junpa̱t chi ma̱cꞌaꞌ rajbal. Ut, ¿ma cuan ta biꞌ junak ta̱yehok re cꞌaꞌru ta̱cꞌulma̱nk nak acak xcam?

Eclesiastés 5:3

Incꞌaꞌ us nak yo̱kex chi cꞌoxlac chirix li cꞌaꞌak re ru, xban nak cui yo̱kex chi cꞌoxlac, yalak cꞌaꞌru tixcꞌut rib che̱ru saꞌ le̱ matcꞌ. Ut cui junes a̱tinac nequeba̱nu, yo̱quex chixba̱nunquil joꞌ nequeꞌxba̱nu li ma̱cꞌaꞌeb xnaꞌleb.

Eclesiastés 3:22

Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

Proverbios 10:19

Li ani nacuulac chiru a̱tinac chi nabal naru nama̱cob riqꞌuin li cꞌaꞌru naxye. Abanan li ani cuan xnaꞌleb incꞌaꞌ naa̱tinac chi ma̱cꞌaꞌ rajbal.

Li xHu LAJ JOB 35:16

At Job, la̱at yo̱cat chi a̱tinac chi ma̱cꞌaꞌ rajbal. Nabal yo̱cat chixyebal xban xma̱cꞌaꞌil a̱naꞌleb.

Li xHu LAJ JOB 34:37

Moco caꞌaj cuiꞌ ta li ma̱c aꞌan naxba̱nu. Yo̱ aj ban cuiꞌ chixkꞌetkꞌetinquil rib chiru li Dios. Ut chiku yo̱ chixhobbal ut yo̱ ajcuiꞌ chixcuechꞌinquil.

Eclesiastés 7:14

Chisahokꞌ saꞌ e̱chꞌo̱l nak nequex-el chi us riqꞌuin li cꞌaꞌru nequeba̱nu. Ut cui nachal li raylal saꞌ e̱be̱n, cheqꞌuehak retal nak li Dios naqꞌuehoc sahil chꞌo̱lej ut naxqꞌue ajcuiꞌ li rahil chꞌo̱lej. Ma̱ ani naxnau cꞌaꞌru ta̱cha̱lk chiru mokon.

Eclesiastés 9:1

Relic chi ya̱l la̱in quinqꞌue inchꞌo̱l chixtzolbal rix chixjunil li cꞌaꞌak re ru aꞌin. Ut quinqꞌue retal nak li ti̱queb xchꞌo̱l ut li cuanqueb xnaꞌleb cuanqueb saꞌ rukꞌ li Dios, joꞌ ajcuiꞌ li cꞌaꞌru nequeꞌxba̱nu. Ma̱ ani naxnau ma nequeꞌraheꞌ malaj ut xicꞌ nequeꞌileꞌ. Ut incꞌaꞌ nequeꞌxnau cꞌaꞌru teꞌxcꞌul mokon.

Eclesiastés 10:15

Li ani ma̱cꞌaꞌ xnaꞌleb naxcamsi rib chi cꞌanjelac chi ma̱cꞌaꞌ aj e ut incꞌaꞌ naxnau bar ta̱xic mokon.

Ezequiel 35:13

Xekꞌetkꞌeti e̱rib chicuu nak xeye li incꞌaꞌ us chicuix. Nabal xex-a̱tinac. Ut la̱in xcuabi li cꞌaꞌru xeye nak xine̱hob.