Eclesiastés 10:12 - Li Santil hu

¹² Li a̱tin li naxye li cuan xnaꞌleb nasukꞌi usilal chokꞌ re. Abanan li cꞌaꞌru naxye li ma̱cꞌaꞌ xnaꞌleb, aꞌan ajcuiꞌ nasachoc re.

Q'eqchi Bible

¹² Naq na'aatinak li wank xna'leb', sa neke'rab'i chixjunileb'. Ab'an li jip naxsach rib' rik'in li naxye.

Eclesiastés 10:12 ပူးပေါင်းရင်းမြစ်များ

Colosenses 4:6

Junelic cha̱bil chex-a̱tinak. Sicꞌomak chanru tex-a̱tinak riqꞌuineb re nak teꞌxqꞌue xchꞌo̱l chirabinquil. Ut chenauhak chanru xsumenquil li cꞌaꞌru teꞌxpatzꞌ e̱re.

San Lucas 4:22

Chixjunileb li cuanqueb aran cha̱bil yo̱queb chixyebal chirix li Jesús ut sachso̱queb xchꞌo̱l chirabinquil li cha̱bil a̱tin li yo̱ chixyebal. Ut queꞌxye: —¿Ma ma̱cuaꞌ ta biꞌ aꞌin li ralal laj José? chanqueb.

Proverbios 22:11

Li ani nacuan saꞌ ti̱quilal ut cha̱bil naa̱tinac, li rey tixcꞌam rib saꞌ amiguil riqꞌuin.

Proverbios 15:2

Li a̱tin li naxye li cuan xnaꞌleb naxqꞌue xnaꞌleb li ani na-abin re. Abanan li a̱tin li nequeꞌxye li ma̱cꞌaꞌeb xnaꞌleb, aꞌan yal to̱ntil a̱tin nequeꞌxye.

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

San Lucas 19:22

Quichakꞌoc li rey ut quixye: —La̱at ma̱cꞌaꞌ nacat-oc cuiꞌ. Riqꞌuin ajcuiꞌ li cꞌaꞌru xaye, tinrak a̱tin saꞌ a̱be̱n. Nacanau nak joskꞌin ut nacanau nak nincꞌul li tumin li incꞌaꞌ nincꞌanjela ut ninkꞌoloc bar cuiꞌ incꞌaꞌ nin-au.

San Mateo 12:35

Li cha̱bil cui̱nk naa̱tinac chi cha̱bil xban nak cha̱bil li cuan saꞌ xchꞌo̱l. Ut li cui̱nk li incꞌaꞌ us lix naꞌleb, yibru naa̱tinac xban nak incꞌaꞌ us li cuan saꞌ xchꞌo̱l.

Proverbios 31:26

Riqꞌuin li cꞌaꞌru naxye nacꞌutun nak cuan xnaꞌleb. Ut riqꞌuin cha̱bilal naqꞌuehoc naꞌleb.

Proverbios 26:9

Junak li calajenak incꞌaꞌ narecꞌa xrahil li qꞌuix nak na-oc chi rukꞌ. Joꞌcan ajcuiꞌ li ma̱cꞌaꞌ xnaꞌleb. Ma̱cꞌaꞌ aj e xyebal li cha̱bil naꞌleb re.

Proverbios 19:5

Li ani naxic chi yehoc ticꞌtiꞌ chiru laj rakol a̱tin tixcꞌul xtojbal xma̱c. Ut ma̱cꞌaꞌ naru tixcol cuiꞌ rib.

Proverbios 15:23

Li ani naxnau xsumenquil junak li patzꞌoc nasahoꞌ saꞌ xchꞌo̱l. Ut kꞌaxal cuiꞌchic us nak teꞌxye junak a̱tin nak ta̱ajekꞌ ru.

Proverbios 12:18

Cuanqueb li nequeꞌa̱tinac chi incꞌaꞌ nequeꞌxcꞌoxla li cꞌaꞌru nequeꞌxye. Ut li a̱tin li nequeꞌxye ra nanak cuiꞌ. Abanan li a̱tin li nequeꞌxye li cuanqueb xnaꞌleb, aꞌan naxcꞌojob xchꞌo̱l li ani ra saꞌ xchꞌo̱l.

Proverbios 10:10

Li ani naxmutzꞌ li xnakꞌ ru re xmukbal li ma̱usilal, nabal raylal ta̱cha̱lk saꞌ xbe̱n. Ut li ani naa̱tinac chi incꞌaꞌ naxqꞌue retal li cꞌaꞌru naxye, xjunes naxsach rib.

Proverbios 10:8

Li ani cuan xnaꞌleb naxcꞌu̱luban lix tijbal. Ut li ani nacuulac chiru a̱tinac chi ma̱cꞌaꞌ rajbal ta̱osokꞌ.

Salmos 140:9

Ma̱qꞌueheb chi numta̱c saꞌ inbe̱n li incꞌaꞌ useb xnaꞌleb. Chisukꞌi̱k taxak saꞌ xbe̱neb li incꞌaꞌ us li teꞌraj xba̱nunquil cue.

Salmos 64:8

Ut saꞌ xbe̱neb ajcuiꞌ ta̱sukꞌi̱k li ra̱tineb. Ut teꞌseꞌe̱k xbaneb li teꞌilok reheb.

Salmos 37:30

Li ti̱queb xchꞌo̱l junelic nequeꞌqꞌuehoc cha̱bil naꞌleb ut junelic nequeꞌxye li ya̱l.

Li xHu LAJ JOB 16:5

Abanan incꞌaꞌ raj tinba̱nu chi joꞌcan. Tincꞌojob raj e̱chꞌo̱l riqꞌuin cha̱bil a̱tin. Ut riqꞌuin li cꞌaꞌru tinye, ta̱quehokꞌ raj ru le̱ raylal.

2 Samuel 1:16

Ut laj David quixye re li cui̱nk aj Amalec: —Xma̱c nak xaye nak xacamsi li rey li sicꞌbil ru xban li Dios, joꞌcan nak xatcamsi̱c la̱at, chan.

Eclesiastés 4:5

Li cui̱nk li ma̱cꞌaꞌ xnaꞌleb naxkꞌalu li rukꞌ saꞌ rochoch. Ma̱cꞌaꞌ cuan re xban nak incꞌaꞌ nacꞌanjelac.

Eclesiastés 9:17

Kꞌaxal us rabinquil lix ya̱lal li naxye li cuan xnaꞌleb, usta timil naxye, chiru rabinquil li cꞌaꞌru naxye li nacꞌamoc be saꞌ xya̱nkeb li ma̱cꞌaꞌeb xnaꞌleb usta tixjap re chixyebal.

Eclesiastés 12:11

Li naꞌleb li nequeꞌxye li cuanqueb xnaꞌleb nacꞌanjelac chiku joꞌ nak nacꞌanjelac li kꞌes ruꞌuj cheꞌ re xberesinquil li bo̱yx. Li cha̱bil naꞌleb qꞌuebil ke xban li tzꞌakal Pastor li na-iloc ke. Nacana saꞌ kachꞌo̱l. Chanchan li claux li natꞌojeꞌ saꞌ li cheꞌ.

Eclesiastés 5:2

Moco yalak cꞌaꞌru ta te̱ye chi incꞌaꞌ te̱cꞌoxla chi us. Incꞌaꞌ tex-oc xyechiꞌinquil re li Dios li cꞌaꞌru incꞌaꞌ naru te̱qꞌue xban nak li Dios saꞌ choxa cuan ut la̱ex saꞌ ruchichꞌochꞌ cuanquex. Cheba̱nuhak cue̱nt re nak incꞌaꞌ tex-a̱tinak nabal.

Eclesiastés 5:6

Cheqꞌuehak retal li cꞌaꞌru te̱ba̱nu re nak incꞌaꞌ texma̱cobk xban li cꞌaꞌru te̱yechiꞌi. Ma̱re mokon te̱ye re laj cꞌanjel chiru li Dios nak xma̱cꞌaꞌil e̱naꞌleb xeba̱nu cuiꞌ. Li Dios naru nasach ru li ac xeba̱nu. ¿Cꞌaꞌut nak te̱chikꞌ xjoskꞌil li Dios riqꞌuin li cꞌaꞌru nequeye?