Eclesiastés 10:10 - Li Santil hu

¹⁰ Cui li ma̱l na-el li xkꞌesnal re, ut cui incꞌaꞌ ta̱qꞌue xkꞌesnal, tento nak tatyocꞌok chi cau. Joꞌcan nak kꞌaxal us nak cua̱nk a̱naꞌleb chixcꞌoxlanquil chanru ta̱ba̱nu re nak ta̱ba̱nu chi us li cꞌaꞌak re ru.

Q'eqchi Bible

¹⁰ Wi naxereto'k li ch'iich' ut ink'a' nak'eemank xq'esnal, tento naq kaw chik tatyok'oq chiru. Q'axal us xb'aanunkil chixjunil sa' xyaalal ut rik'in chaab'il na'leb'.

Eclesiastés 10:10 ပူးပေါင်းရင်းမြစ်များ

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

Colosenses 4:5

Chexcua̱nk saꞌ xya̱lal riqꞌuineb li ma̱cuaꞌeb aj pa̱banel ut yalak bar cua̱nkex chi kꞌek chi cutan junelic te̱chꞌolob xya̱lal li colba-ib chiruheb.

Eclesiastés 10:15

Li ani ma̱cꞌaꞌ xnaꞌleb naxcamsi rib chi cꞌanjelac chi ma̱cꞌaꞌ aj e ut incꞌaꞌ naxnau bar ta̱xic mokon.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

1 Reyes 3:9

Nintzꞌa̱ma cha̱cuu nak ta̱qꞌue taxak innaꞌleb re nak tinnau takla̱nc saꞌ xbe̱neb la̱ tenamit saꞌ ti̱quilal. Tinnau taxak xqꞌuebal retal bar cuan li us ut bar cuan li incꞌaꞌ us. Cui incꞌaꞌ tina̱tenkꞌa, ¿chan ta cuiꞌ ru nak ta̱ru̱k tintakla̱nk saꞌ xbe̱neb li tenamit aꞌin? chan laj Salomón.

Romanos 16:19

Chixjunileb nequeꞌnaꞌoc re nak la̱ex cau e̱chꞌo̱l saꞌ le̱ pa̱ba̱l. Joꞌcan nak nasahoꞌ inchꞌo̱l e̱riqꞌuin. Aban nacuaj nak te̱qꞌue e̱chꞌo̱l chixba̱nunquil li us ut me̱ba̱nu li incꞌaꞌ us.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

1 Crónicas 12:32

Saꞌ xya̱nkeb li ralal xcꞌajol laj Isacar cuanqueb cuib ciento chi cui̱nk. Eb li cui̱nk aꞌin cuanqueb xnaꞌleb. Queꞌxnau cꞌaꞌru us teꞌxba̱nu eb laj Israel. Li cꞌaꞌru nequeꞌxye aꞌan, aꞌan li nequeꞌxba̱nu li rech tenamitil.

Deuteronomio 32:41

La̱in tinqꞌue xkꞌesnal lin chꞌi̱chꞌ ut la̱in tinrakok a̱tin. La̱in tinqꞌue re̱kaj reheb li xicꞌ nequeꞌiloc cue ut tinqꞌueheb chixtojbal xma̱queb.

Eclesiastés 2:13

La̱in xinqꞌue retal nak kꞌaxal us li cha̱bil naꞌleb chiru li naꞌleb ma̱cꞌaꞌ na-oc cuiꞌ, joꞌ li cutan kꞌaxal us chiru li kꞌojyi̱n.

Eclesiastés 10:9

Li ani najoroc pec naru naxtochꞌ rib riqꞌuin li pec. Ut li ani najoroc siꞌ naru naxyocꞌ rib.

Eclesiastés 10:11

¿Cꞌaꞌ ta cuiꞌ ru aj e nak junak tixnau xtu̱lanobresinquil li cꞌantiꞌ cui ta̱tiꞌekꞌ xban, nak toj ma̱jiꞌ naxtu̱lanobresi?

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.