Eclesiastés 10:1 - Li Santil hu

¹ Li camenak raxya̱t naxpoꞌ li sununquil ban ut nachuhoꞌ. Joꞌcan ajcuiꞌ li to̱ntil naꞌleb naru tixpoꞌ ru li naꞌleb li kꞌaxal lokꞌ.

Q'eqchi Bible

¹ Jun kamenaq utz' naxk'e chi tz'eqe'k jun sek'aq chi sununkil b'an. Jo'kan ajwi' kach'in li memil na'leb' q'axal chik nak'eemank reetal chiru li na'leb' jwal loq'.

Eclesiastés 10:1 ပူးပေါင်းရင်းမြစ်များ

Nehemías 13:26

La̱in quinye ajcuiꞌ reheb: —¿Ma ma̱cuaꞌ ta biꞌ aꞌan li quiqꞌuehoc re chi ma̱cobc laj Salomón li quicuan chokꞌ xreyeb laj Israel junxil? Ma̱ ani chic rey quicuan xcuanquil joꞌ aꞌan. Li Dios quirahoc re ut aꞌan ajcuiꞌ li quixakaban re saꞌ xbe̱neb chixjunileb laj Israel. Abanan, eb li ixk li jalaneb xtenamit queꞌqꞌuehoc re chi ma̱cobc li rey Salomón.

2 Crónicas 19:2

Li profeta Jehú li ralal laj Hanani co̱ chixcꞌulbal li rey Josafat ut quixye re: —Nacatenkꞌaheb li incꞌaꞌ useb xnaꞌleb. Nacaraheb li xicꞌ nequeꞌiloc re li Ka̱cuaꞌ Dios. Li Dios xjoskꞌoꞌ saꞌ a̱be̱n xban li cꞌaꞌru xaba̱nu.

Éxodo 30:25

Riqꞌuin chixjunil aꞌin te̱yi̱b chi cha̱bil li sununquil ban re xqꞌuebal saꞌ xbe̱neb li teꞌkꞌaxtesi̱k chi cꞌanjelac chicuu.

Nehemías 6:13

Queꞌxtumina ru aꞌan yal re tineꞌxseꞌbesi ut re nak tinma̱cobk. Ut riqꞌuin aꞌan ta̱e̱lk resil nak incꞌaꞌ us yo̱quin ut incꞌaꞌ chic tineꞌxqꞌue saꞌ ruheb li tenamit.

Li xHu LAJ JOB 6:3

kꞌaxal raj cuiꞌchic a̱l chiru ra̱lal li samaib li cuan chire li palau. Joꞌcan nak yo̱quin chixyebal li a̱tin aꞌin chi kꞌaxal ra saꞌ inchꞌo̱l.

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

Hageo 2:12

Cui junak aj tij tixcꞌam li mayejanbil tib saꞌ lix tꞌicr ut cui lix tꞌicr ta̱nak saꞌ xbe̱n li caxlan cua, malaj ut saꞌ li vino, malaj ut saꞌ li aceite, malaj ut saꞌ xbe̱n cꞌaꞌ chic re ru chi tzacae̱mk, ¿ma santobresinbilak chic ta̱cana̱k li tzacae̱mk li quinak cuiꞌ? chan. Ut eb laj tij queꞌchakꞌoc ut queꞌxye nak incꞌaꞌ.

Hageo 2:13

Tojoꞌnak laj Hageo quixpatzꞌ cuiꞌchic reheb ut quixye: —Cui cuan junak ac xmux rib riqꞌuin xchꞌeꞌbal junak li camenak ut cui tixchꞌeꞌ li cꞌaꞌ re ru chi tzacae̱mk, ¿ma muxbil chic ru ta̱cana̱k li tzacae̱mk? chan. Ut eb laj tij queꞌchakꞌoc ut queꞌxye: —Muxbil chic ru ta̱cana̱k, chanqueb.