Eclesiastés 1:8 - Li Santil hu

⁸ Nocolub riqꞌuin chixjunil li cꞌaꞌak re ru aꞌin, ut ma̱ ani nequeꞌru xyebal chanru nak nequeꞌtitzꞌ xban. Usta nabal nequeꞌrabi ut usta nabal nequeꞌril, abanan incꞌaꞌ nequeꞌcꞌojla xchꞌo̱leb.

Q'eqchi Bible

⁸ Jwal ch'a'aj xch'olob'ankil naq ink'a' nak'ojlaak li qach'ool xb'aan chixjunil a'an. Maajun natawaak chi ilok, maajun natawaak chi ab'ink!

Eclesiastés 1:8 ပူးပေါင်းရင်းမြစ်များ

Proverbios 27:20

Li xbalba ut li mukleba̱l ma̱ jokꞌe nequeꞌnujac riqꞌuin li joꞌ qꞌuial nequeꞌxcꞌul. Joꞌcaneb ajcuiꞌ li cristian. Incꞌaꞌ nequeꞌcꞌojla xchꞌo̱l riqꞌuin li joꞌ qꞌuial cuan reheb. Toj nequeꞌxrahi ru xtzꞌakob.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Eclesiastés 2:11

Nak quin-oc chi cꞌoxlac chirix li cꞌanjel li quinba̱nu, quinqꞌue retal nak ma̱cꞌaꞌ na-oc cuiꞌ li cꞌanjel li quinba̱nu. Caꞌaj cuiꞌ raylal naxqꞌue. Riqꞌuin aꞌin nacꞌutun nak ma̱cꞌaꞌ xinra chirix li cꞌanjel li xinba̱nu saꞌ ruchichꞌochꞌ.

Salmos 63:5

Cꞌojcꞌo̱k inchꞌo̱l a̱cuiqꞌuin joꞌ junak ac xrakeꞌ chixcuaꞌbal li cha̱bil tzacae̱mk. Ut chi sa saꞌ inchꞌo̱l tinqꞌue a̱lokꞌal.

Eclesiastés 1:7

Ut eb li nimaꞌ nequeꞌbe̱c rok ut nequeꞌxic saꞌ li palau. Abanan li palau incꞌaꞌ nanujac xbaneb. Li bar nequeꞌnumeꞌ cuiꞌ rajlal, aran cuiꞌchic nequeꞌnumeꞌ li haꞌ.

Hageo 1:9

Nabal nequesicꞌ ut caꞌchꞌin ajcuiꞌ nequetau. La̱in chanchan apunbil tinba̱nu nak tinmakꞌ che̱ru li cꞌaꞌru nequexoc saꞌ le̱ rochoch, xban nak moco ra ta chicuu nak tinba̱nu. ¿Cꞌaꞌut nak tinba̱nu e̱re chi joꞌcan? chan li nimajcual Dios. Xban nak kꞌaxal nequeqꞌue e̱chꞌo̱l chixyi̱banquil chi us le̱ rochoch ut incꞌaꞌ nequecꞌoxla xyi̱banquil lin templo, chan.

Eclesiastés 6:7

Li cui̱nk naxcamsi rib chi cꞌanjelac yal re tixtzaca. Abanan incꞌaꞌ nacꞌojla xchꞌo̱l riqꞌuin chixjunil li naxsicꞌ.