Eclesiastés 1:10 - Li Santil hu

¹⁰ ¿Ma cuan ta biꞌ junak naru tixye, “Aꞌin toj acꞌ?” Incꞌaꞌ naru naxye chi joꞌcan xban nak chixjunil li cꞌaꞌru cuan anakcuan, ac cuan ajcuiꞌ chak junxil chiku la̱o.

Q'eqchi Bible

¹⁰ Wi wank junaq naxye: “A'in relik chi yaal naq toj ak'”, ab'an li k'aru nayeemank naq ak', ak wank ajwi' chaq junxil chiqu laa'o.

Eclesiastés 1:10 ပူးပေါင်းရင်းမြစ်များ

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

San Mateo 5:12

Mirahoꞌ e̱chꞌo̱l. Chisahokꞌ ban e̱chꞌo̱l riqꞌuin li cꞌaꞌru ta̱uxk e̱re xban nak kꞌaxal nim le̱ kꞌajca̱munquil ta̱qꞌuehekꞌ e̱re saꞌ choxa. Moco caꞌaj cuiꞌ ta la̱ex yo̱quex chi cꞌuluc re li raylal. Joꞌcan aj ban cuiꞌ queꞌxcꞌul li profeta li queꞌcuan junxil.

2 Timoteo 3:8

Eb a cui̱nk aꞌan yo̱queb chixba̱nunquil joꞌ queꞌxba̱nu laj Janes ut laj Jambres nak queꞌxcuechꞌi rix laj Moisés. Nequeꞌxtzꞌekta̱na li ya̱l. Incꞌaꞌ useb lix naꞌlebeb ut ma̱cꞌaꞌ nequeꞌoc cuiꞌ xban nak tzꞌekta̱nanbil li pa̱ba̱l xbaneb.

Eclesiastés 1:9

¿Ma cuan ta biꞌ cꞌaꞌak re ru toj acꞌ saꞌ ruchichꞌochꞌ anakcuan? Ma̱cꞌaꞌ. Chixjunil li cꞌaꞌru cuan anakcuan, ac cuan ajcuiꞌ chak junxil. Ma̱cꞌaꞌ cꞌaꞌru toj xyi̱baman anakcuan xban nak ac yi̱banbil chak junxil.

Eclesiastés 1:11

Chixjunil li cꞌaꞌak re ru ac xnumeꞌ, ac xsach saꞌ xchꞌo̱leb. Joꞌcan ajcuiꞌ chixjunil li cꞌaꞌru talajcha̱lk mokon, ta̱sachk ajcuiꞌ saꞌ xchꞌo̱leb.

Eclesiastés 2:12

Chirix aꞌin quin-oc chi cꞌoxlac chirix li naꞌleb li cha̱bil ut chirix li naꞌleb li incꞌaꞌ us, li ma̱cꞌaꞌ na-oc cuiꞌ. ¿Cꞌaꞌru tixba̱nu li rey li ta̱oc nak ma̱ anihakin chic la̱in? Ma̱cꞌaꞌ. Tixba̱nu joꞌ xinba̱nu la̱in.

Eclesiastés 6:10

Li cꞌaꞌru nacꞌulman anakcuan ac chꞌolchꞌo nak joꞌcan ta̱cꞌulma̱nk. Joꞌcan nak incꞌaꞌ naru xcuechꞌinquil rix li cꞌaꞌru naxba̱nu li Dios.