Deuteronomio 9:9 - Li Santil hu

⁹ Nak la̱in quintakeꞌ saꞌ xbe̱n li tzu̱l chixcꞌulbal li perpo̱quil pec li tzꞌi̱banbil cuiꞌ lix contrato li Dios, quincana saꞌ li tzu̱l caꞌcꞌa̱l cutan ut caꞌcꞌa̱l kꞌojyi̱n. Incꞌaꞌ quincuaꞌac chi moco quin-ucꞌac.

Q'eqchi Bible

⁹ Naq laa'in kintaqe'k sa' xb'een li tzuul chi xk'ulb'aleb' li tz'alam pek li tz'iib'anb'ileb' wi' li Sumwank kixk'ojob' li Qaawa' eerik'in, kinwank chaq chi tzuul ka'k'aal kutan ut ka'k'aal q'oqyink chi ink'a' kinwa'ak chi moko kin'uk'ak.

Deuteronomio 9:9 ပူးပေါင်းရင်းမြစ်များ

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

Éxodo 24:18

Tojoꞌnak laj Moisés mas cuiꞌchic quitakeꞌ chiru li tzu̱l ut qui-oc saꞌ li chok. Ut caꞌcꞌa̱l (40) cutan ut caꞌcꞌa̱l kꞌojyi̱n quicuan aran.

1 Reyes 19:8

Quicuacli laj Elías, quicuaꞌac ut qui-ucꞌac. Riqꞌuin lix tzacae̱mk li quixtzaca, cau chic rib re ta̱be̱k chiru caꞌcꞌa̱l cutan ut caꞌcꞌa̱l kꞌojyi̱n toj ta̱cuulak saꞌ li tzu̱l Horeb li nequeꞌxlokꞌoni cuiꞌ li Ka̱cuaꞌ.

Éxodo 24:15

Tojoꞌnak laj Moisés quitakeꞌ chiru li tzu̱l ut li tzu̱l aꞌan sutsu saꞌ chok.

Éxodo 24:12

Li Dios quixye re laj Moisés: —Taken chak saꞌ xbe̱n li tzu̱l li cuanquin cuiꞌ. Ut aran tat-oybeni̱nk. La̱in tinqꞌue a̱cue li perpo̱quil pec li xintzꞌi̱ba cuiꞌ lin chakꞌrab re xchꞌolobanquil xya̱lal chiruheb li tenamit, chan li Dios.

San Mateo 4:2

Nak ac xba̱nu x-ayu̱n caꞌcꞌa̱l cutan caꞌcꞌa̱l kꞌojyi̱n quitzꞌoca.

Deuteronomio 9:18

Ut quincut cuib saꞌ chꞌochꞌ chiru li Ka̱cuaꞌ joꞌ quinba̱nu junxil. Ut chiru caꞌcꞌa̱l cutan ut caꞌcꞌa̱l kꞌojyi̱n incꞌaꞌ quincuaꞌac chi moco quin-ucꞌac xban chixjunil li ma̱c li queba̱nu. Queba̱nu li ma̱usilal chiru li Ka̱cuaꞌ ut quechikꞌ xjoskꞌil.

Gálatas 4:24

Cuan xya̱lal nak quixcꞌul chi joꞌcaꞌin laj Abraham. Aꞌan aꞌin lix ya̱lal: Li cuib chi ixk, aꞌaneb retalil li cuib chi contrato li quixba̱nu li Dios riqꞌuineb laj Abraham ut laj Moisés. Lix Agar, li lokꞌbil mo̱s, aꞌan retalil li contrato quixba̱nu li Dios saꞌ li tzu̱l Sinaí. Ut li toj cuanqueb rubel xcuanquil li najter chakꞌrab chanchaneb li lokꞌbil mo̱s joꞌ li ralal xcꞌajol lix Agar.

2 Reyes 6:22

Quichakꞌoc li profeta ut quixye: —Incꞌaꞌ ta̱camsiheb. ¿Ma nacacamsiheb ta biꞌ li nequeꞌchapeꞌ chak nak nequexxic chi pletic riqꞌuin le̱ chꞌi̱chꞌ ut le̱ tzimaj? Chaqꞌueheb ban xcua rucꞌaheb ut ta̱canabeb chi sukꞌi̱c riqꞌuin lix reyeb, chan.

Deuteronomio 9:15

Ut la̱in quincube chak saꞌ li tzu̱l nak toj lochlo li xam. Ut cuanqueb saꞌ cuukꞌ li cuib chi perpo̱quil pec li tzꞌi̱banbil cuiꞌ li contrato.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Deuteronomio 8:3

Usta quexcanab chixcuybal raylal ut chixcuybal e̱tzꞌocajic, abanan mokon quixqꞌue li maná re te̱cuaꞌ, li ma̱ jun sut e̱cuaꞌom chi moco le̱ xeꞌto̱nil yucuaꞌ queꞌcuaꞌoc re. Quixba̱nu chi joꞌcan re nak te̱qꞌue retal nak ma̱cuaꞌ caꞌaj cuiꞌ riqꞌuin li cua yoꞌyo cuiꞌ li cui̱nk. Riqꞌuin ban li a̱tin li naxye li Ka̱cuaꞌ.

Deuteronomio 9:11

Nak ac xnumeꞌ li caꞌcꞌa̱l cutan ut li caꞌcꞌa̱l kꞌojyi̱n li Ka̱cuaꞌ quixqꞌue cue li perpo̱quil pec li tzꞌi̱banbil cuiꞌ li contrato li quixba̱nu e̱riqꞌuin.

Éxodo 32:1

Eb li cristian queꞌxqꞌue retal nak laj Moisés quibay chak chi sukꞌi̱c saꞌ li tzu̱l. Queꞌxchꞌutub rib chiru laj Aarón ut queꞌxye re: —Ta̱yi̱b kadios re teꞌcꞌamok be chiku. Incꞌaꞌ nakanau cꞌaꞌru xcꞌul chak laj Moisés, li qui-isin chak ke saꞌ li tenamit Egipto, chanqueb.