Deuteronomio 9:7 - Li Santil hu

⁷ Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

Q'eqchi Bible

⁷ “Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Deuteronomio 9:7 ပူးပေါင်းရင်းမြစ်များ

Números 21:5

Queꞌxcuechꞌi rix li Dios ut queꞌxcuechꞌi ajcuiꞌ laj Moisés ut queꞌxye: —¿Cꞌaꞌut nak xoa̱cuisi chak Egipto? ¿Ma xoa̱cꞌam chak saꞌ li chaki chꞌochꞌ re toca̱mk? Arin ma̱cꞌaꞌ haꞌ re takucꞌ ut ma̱cꞌaꞌ cua. Xotitzꞌ riqꞌuin li tzacae̱mk aꞌin. Incꞌaꞌ sa, chanqueb.

Éxodo 16:2

Ut aran saꞌ li chaki chꞌochꞌ aꞌan chixjunileb queꞌoc chixchꞌiꞌchꞌiꞌinquil laj Moisés ut laj Aarón.

Éxodo 14:11

Ut queꞌxye re laj Moisés: —¿Ma ma̱cꞌaꞌ mukleba̱l aran Egipto? ¿Cꞌaꞌut nak xoa̱cꞌam chak arin chi ca̱mc saꞌ li chaki chꞌochꞌ? ¿Cꞌaꞌut nak xaba̱nu ke chi joꞌcaꞌin? ¿Cꞌaꞌru rajbal nak xoa̱cuisi saꞌ li tenamit Egipto?

Números 25:2

Eb li ixk aꞌan nequeꞌxbok li cui̱nk aj Israel saꞌ lix ninkꞌeheb nak nequeꞌmayejac chiru lix dioseb. Ut eb laj Israel queꞌxlokꞌoni li jalanil dios Baal-peor ut queꞌxcuaꞌ li tzacae̱mk li mayejanbil chiruheb li yi̱banbil dios.

Números 11:4

Saꞌ xya̱nkeb laj Israel cuanqueb li jalaneb xtenamit. Eb aꞌan junes cha̱bil tzacae̱mk teꞌraj xtzacanquil. Ut eb laj Israel queꞌoc cuiꞌchic chi cuechꞌi̱nc ut queꞌxye: Cuan ta ani ta̱qꞌuehok katib re takatzaca.

Efesios 2:11

Chijulticokꞌ e̱re chanru nak quexcuan chak junxil. La̱ex li ma̱cuaꞌex aj judío tzꞌekta̱nanbilex xbaneb laj judío li queꞌxcꞌul li circuncisión, ut eb aꞌan queꞌxye nak incꞌaꞌ tzꞌakal e̱re e̱ru xban nak incꞌaꞌ quecꞌul li circuncisión.

1 Corintios 15:9

La̱in cubenak incuanquil chiruheb chixjunileb li apóstol ut ma̱cuaꞌ raj incꞌulub nak la̱inak apóstol xban nak la̱in xinrahobtesiheb chak laj pa̱banel.

Ezequiel 36:31

Nak ta̱julticokꞌ e̱re li incꞌaꞌ us xeba̱nu, texxuta̱na̱k xban le̱ ma̱usilal ut xban le̱ ma̱c.

Ezequiel 20:43

Ut ta̱nak saꞌ e̱chꞌo̱l li ma̱usilal li quilaje̱ba̱nu nak quemux e̱rib. La̱ex ajcuiꞌ xicꞌ te̱ril e̱rib riqꞌuin li ma̱usilal li nequeba̱nu.

Deuteronomio 31:27

La̱in ninnau nak aj kꞌetoleb a̱tin li tenamit aꞌin ut kꞌaxal cauheb xchꞌo̱l. Xeꞌxkꞌetkꞌeti ribeb chiru li Ka̱cuaꞌ nak cuanquin riqꞌuineb. Ut kꞌaxal cuiꞌchic teꞌxba̱nu nak ac xincam nak ma̱ anihakin chic riqꞌuineb.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Éxodo 17:2

Ut eb laj Israel queꞌoc cuiꞌchic chixcuechꞌinquil laj Moisés. —Qꞌue kucꞌa, chanqueb re. Laj Moisés quixye reheb: —¿Cꞌaꞌut nak yo̱quex chincuechꞌinquil? ¿Cꞌaꞌut nak nequecuechꞌi rix li Dios? chan.

Éxodo 14:10

Nak queꞌril laj Israel nak yo̱queb chi nachꞌoc laj faraón rochbeneb chak lix soldado quilajeꞌsach xchꞌo̱l ut cꞌajoꞌ nak queꞌxucuac. Japjo̱queb re chiru li Ka̱cuaꞌ Dios.

Éxodo 23:21

Chex-abi̱nk chiru ut cheba̱nu li cꞌaꞌru naxye. Me̱kꞌetkꞌeti e̱rib chiru xban nak aꞌan incꞌaꞌ tixcuy e̱ma̱c. Li cꞌaꞌru tixba̱nu aꞌan, tixba̱nu saꞌ incꞌabaꞌ la̱in.

Números 14:22

tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

Números 17:10

Ut li Ka̱cuaꞌ quixye re laj Moisés: —Ta̱xoc lix xukꞌ laj Aarón ut ta̱qꞌue chiru li Lokꞌlaj Ca̱x chokꞌ retalil chiruheb li nequeꞌcuechꞌin. Riqꞌuin aꞌin teꞌxcanab li cuechꞌi̱nc chicuix re nak incꞌaꞌ teꞌca̱mk, chan.

Deuteronomio 9:4

Nak li Ka̱cuaꞌ le̱ Dios ta̱risiheb li cristian aꞌan saꞌ li tenamit li xic cuiꞌ e̱re, me̱ye nak xban xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Li Dios xrisiheb aꞌan xban lix ma̱usilaleb.

Deuteronomio 9:24

Junelic yo̱quex chixkꞌetkꞌetinquil e̱rib chiru li Ka̱cuaꞌ chalen saꞌ li cutan nak quinnau e̱ru.

Isaías 48:8

Incꞌaꞌ xerabi chi moco xetau ru. Chalen najter incꞌaꞌ nequetau xya̱lal. La̱in ninnau chanru le̱ naꞌleb. La̱in ninnau nak kꞌetkꞌetex chalen saꞌ le̱ yoꞌlajic.

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Jeremías 32:30

Eb laj Israel ut eb laj Judá junes ma̱usilal nequeꞌxba̱nu chicuu chalen chak saꞌ xsa̱jilaleb. Ut nequeꞌxchikꞌ injoskꞌil riqꞌuin li jalanil dios li nequeꞌxyi̱b.

Ezequiel 20:8

Abanan queꞌxkꞌetkꞌeti ribeb ut incꞌaꞌ queꞌabin chicuu. Incꞌaꞌ queꞌrisi saꞌ xya̱nkeb li jalanil dios li queꞌcuulac chiruheb xlokꞌoninquil, chi moco queꞌxtzꞌekta̱na lix jalanil dioseb laj Egipto. Joꞌcan nak quinye nak tinqꞌueheb chixtojbal lix ma̱queb aran Egipto toj retal nak tincuisi lin joskꞌil saꞌ xbe̱neb.

Jeremías 44:9

¿Ma xsach saꞌ e̱chꞌo̱l li ma̱usilal li queꞌxba̱nu le̱ xeꞌto̱nil yucuaꞌ ut eb li rey ut eb li rixakileb saꞌ li naꞌajej Judá? ¿Ma xsach saꞌ e̱chꞌo̱l li ma̱usilal li xeba̱nu la̱ex ut eb le̱ rixakil aran Judá ut aran Jerusalén?

Ezequiel 20:13

Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.