Deuteronomio 9:11 - Li Santil hu

¹¹ Nak ac xnumeꞌ li caꞌcꞌa̱l cutan ut li caꞌcꞌa̱l kꞌojyi̱n li Ka̱cuaꞌ quixqꞌue cue li perpo̱quil pec li tzꞌi̱banbil cuiꞌ li contrato li quixba̱nu e̱riqꞌuin.

Q'eqchi Bible

¹¹ Naq ak ke'nume'k li ka'k'aal kutan ut li ka'k'aal q'oqyink, li Qaawa' kixq'axtesi we li wiib' chi tz'alam pek b'arwi' tz'iib'anb'il li Sumwank,

Deuteronomio 9:11 ပူးပေါင်းရင်းမြစ်များ

Deuteronomio 9:9

Nak la̱in quintakeꞌ saꞌ xbe̱n li tzu̱l chixcꞌulbal li perpo̱quil pec li tzꞌi̱banbil cuiꞌ lix contrato li Dios, quincana saꞌ li tzu̱l caꞌcꞌa̱l cutan ut caꞌcꞌa̱l kꞌojyi̱n. Incꞌaꞌ quincuaꞌac chi moco quin-ucꞌac.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Números 10:33

Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

Éxodo 32:1

Eb li cristian queꞌxqꞌue retal nak laj Moisés quibay chak chi sukꞌi̱c saꞌ li tzu̱l. Queꞌxchꞌutub rib chiru laj Aarón ut queꞌxye re: —Ta̱yi̱b kadios re teꞌcꞌamok be chiku. Incꞌaꞌ nakanau cꞌaꞌru xcꞌul chak laj Moisés, li qui-isin chak ke saꞌ li tenamit Egipto, chanqueb.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.