Deuteronomio 8:8 - Li Santil hu

⁸ Saꞌ li chꞌochꞌ aꞌan na-el chi us li acui̱mk. Na-el li trigo, li cebada, li uvas, li higos ut li granadas. Ut na-el ajcuiꞌ li olivo. Ut cuan chi nabal li aceite ut li xyaꞌal cab.

Q'eqchi Bible

⁸ A'an jun li ch'och' b'arwi' na'elk li triiw, li seb'aad, li uub', li iig ut li ki'il q'een, li aseeyt ut li xya'al kab';

Deuteronomio 8:8 ပူးပေါင်းရင်းမြစ်များ

San Juan 6:13

Queꞌxxoc cablaju chacach relaꞌ li caxlan cua yi̱banbil riqꞌuin cebada. Aꞌan li qui-elaꞌan nak queꞌrakeꞌ chi cuaꞌac chixjunileb li cuanqueb aran.

Salmos 147:14

Aꞌan ta̱qꞌuehok e̱re chi cua̱nc saꞌ tuktu̱quil usilal saꞌ le̱ tenamit. Ut aꞌan ajcuiꞌ ta̱qꞌuehok e̱re chi nabal li cꞌaꞌru e̱re.

Deuteronomio 32:14

Quixqꞌue le̱ cuacax re ta̱cua̱nk le̱ leche ut le̱ queso. Quixqꞌue le̱ cha̱bil carner ut chiba̱t li cuanqueb Basán re nak ta̱cua̱nk le̱ tib. Ut quixqꞌue ajcuiꞌ li cha̱bil trigo. Ut querucꞌ li xyaꞌal li uvas li chanchan quicꞌ xban xcakal.

San Juan 6:9

—Cuan jun li al arin cuan cuib li car riqꞌuin ut o̱b li caxlan cua yi̱banbil riqꞌuin cebada. Abanan aꞌin ma̱ jokꞌe ta̱tzꞌaklok reheb li qꞌuila tenamit, chan.

Habacuc 3:17

La̱in sahak saꞌ inchꞌo̱l riqꞌuin li Ka̱cuaꞌ. Usta incꞌaꞌ chic ta̱atzꞌumak lix to̱nal li higo ut incꞌaꞌ chic ta̱u̱chi̱nk li uvas, ut usta incꞌaꞌ chic ta̱u̱chi̱nk lix to̱nal li olivo, ut usta ma̱cꞌaꞌakeb chic li carner saꞌ eb li corral ut ma̱cꞌaꞌakeb chic li cuacax saꞌ eb lix naꞌaj, ta̱sahokꞌ saꞌ inchꞌo̱l.

Miqueas 4:4

Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

Oseas 2:22

Ut saꞌ li chꞌochꞌ ta̱e̱lk li trigo ut li uvas ut li olivo. Ut la̱ex te̱ye: “Jezreel”. Chi jalbil ru naraj naxye “Li Ka̱cuaꞌ, aꞌan li na-acuoc”.

Oseas 2:8

Li ixk aꞌan incꞌaꞌ quixqꞌue retal nak la̱in xinqꞌuehoc re lix trigo, ut lix vino ut lix aceite olivo. Ut la̱in xinqꞌuehoc re chi nabal lix oro ut lix plata li quixmayeja chiru laj Baal.

Ezequiel 27:17

Eb laj Judá ut eb laj Israel queꞌyacoc e̱riqꞌuin. Queꞌxjal li cꞌaꞌru e̱re riqꞌuin li trigo li nachal saꞌ eb li tenamit Minit ut Panag. Queꞌxjal ajcuiꞌ riqꞌuin li xyaꞌal cab, li aceite olivo ut li sununquil ban.

Jeremías 5:17

Aꞌaneb chic teꞌyalok xsahil ru le̱ racui̱mk. Ut aꞌaneb chic li teꞌtzaca̱nk re le̱ tzacae̱mk. Teꞌxcamsiheb le̱ ralal e̱cꞌajol. Ut teꞌxcamsi le̱ carner re teꞌxtiu joꞌ ajcuiꞌ le̱ cuacax. Ut teꞌxtzaca li ru le̱ uvas joꞌ ajcuiꞌ li ru le̱ higo. Teꞌsachekꞌ ruheb li tenamit li cauresinbil chi us re te̱col cuiꞌ e̱rib, li cꞌojcꞌo cuiꞌ e̱chꞌo̱l.

Isaías 7:23

Ut ta̱cꞌulma̱nk ajcuiꞌ saꞌ eb li cutan aꞌan nak li naꞌajej li na-el cuiꞌ nabal li uvas ta̱cana̱k chokꞌ xnaꞌaj li qꞌuix ut li pim. Ut aꞌan raj li naꞌajej li naqꞌuehoc jun mil chi tumin plata.

1 Reyes 5:11

Ut li rey Salomón quixtakla lix tzacae̱mkeb li cuanqueb saꞌ li rochoch laj Hiram. Rajlal chihab quixtakla junmay mil bis li trigo ut cuukub mil riqꞌuin ca̱hib ciento litros li cha̱bil aceite.

2 Samuel 4:6

Joꞌcan ajcuiꞌ li ixk, li nacꞌacꞌalen re li oqueba̱l, quicube xcuara nak yo̱ chi tzꞌiloc trigo. Joꞌcan nak laj Recab ut laj Baana li ri̱tzꞌin queꞌoc saꞌ li cab ut ma̱ ani qui-iloc reheb.

Salmos 81:16

Abanan li Dios tixqꞌue raj reheb lix tenamit chixjunil li cꞌaꞌru teꞌxtzaca. Tixqꞌue raj li cha̱bil trigo reheb ut tixqꞌue raj reheb li xyaꞌal cab li nacuan saꞌ qꞌuicheꞌ.

Génesis 49:11

La̱at, Judá, kꞌaxal cuiꞌchic ta̱nabalokꞌ la̱ biomal la̱at, joꞌ ajcuiꞌ reheb la̱ cualal a̱cꞌajol. Xban aꞌan naru te̱bacꞌ le̱ bu̱r saꞌ junak xto̱nal li quiꞌil kꞌe̱n uvas xcꞌabaꞌ. Te̱bacꞌ ajcuiꞌ li ral le̱ bu̱r saꞌ lix to̱nal li uvas li kꞌaxal cha̱bil. Xban nak numtajenak le̱ biomal, naru te̱puchꞌ le̱ tꞌicr saꞌ li vino ut naru te̱puchꞌ le̱ rakꞌ saꞌ xyaꞌal li uvas.

Deuteronomio 8:7

Li Ka̱cuaꞌ le̱ Dios yo̱ che̱cꞌambal saꞌ jun li cha̱bil naꞌajej. Aran cuan nabal li rok haꞌ, li yuꞌam haꞌ, ut li nimaꞌ, joꞌ eb ajcuiꞌ li haꞌ li nequeꞌel chak saꞌ eb li tzu̱l.

Deuteronomio 8:9

Saꞌ li naꞌajej aꞌan ma̱cꞌaꞌ ta̱paltok e̱re. Incꞌaꞌ ta̱paltokꞌ che̱ru le̱ tzacae̱mk. Saꞌ eb li pec li cuanqueb aran te̱risi li hierro. Ut saꞌ eb li tzu̱l te̱risi li cobre.

Deuteronomio 32:13

Li Ka̱cuaꞌ quixqꞌue e̱cuanquil saꞌ xbe̱neb li tenamit ut saꞌ xbe̱neb li tzu̱l. Ut quixqꞌue li ru li acui̱mk re te̱tzaca. Saꞌ xya̱nkeb li pec quetau li xyaꞌal cab ut saꞌ xya̱nkeb li sako̱nac quicuan le̱ cheꞌ olivo.

Números 13:23

Eb laj qꞌuehol etal queꞌcuulac cuan cuiꞌ li rok haꞌ Escol xcꞌabaꞌ. Aran queꞌxset jun rukꞌ li uvas cuan jun cu̱t li ru ut queꞌxpako saꞌ cuibal chi tuytu chiru jun li cheꞌ. Ut queꞌxcꞌam ajcuiꞌ li ru li granadas ut li higos.

Deuteronomio 6:3

La̱ex aj Israel, abihomak li yo̱quin chixyebal. Qꞌuehomak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak us tex-e̱lk ut re nak texnabalokꞌ nak cua̱nkex saꞌ li cha̱bil naꞌajej li na-el cuiꞌ chi nabal li sahil echej joꞌ quixye e̱re li Ka̱cuaꞌ lix Dioseb le̱ xeꞌto̱nil yucuaꞌ.

2 Reyes 18:32

toj retal nak texincꞌam chi cua̱nc saꞌ junak chic naꞌajej kꞌaxal cha̱bil joꞌ le̱ naꞌaj. Aran na-el nabal li uvas ut na-el nabal li trigo. Cua̱nk e̱vino ut cua̱nk e̱caxlan cua. Cua̱nk nabal li olivos ut li aceite joꞌ ajcuiꞌ li xyaꞌal cab. Cui te̱ba̱nu li cꞌaꞌru ninye la̱in, sa chic texcua̱nk ut incꞌaꞌ texca̱mk. Me̱pa̱b li cꞌaꞌru naxye laj Ezequías xban nak yo̱ che̱balakꞌinquil nak naxye e̱re nak li Ka̱cuaꞌ ta̱colok e̱re.

Jeremías 2:7

La̱in quincꞌamoc reheb saꞌ li naꞌajej li na-el cuiꞌ nabal li acui̱mk re nak teꞌxtzaca li ru li cheꞌ ut li ru li cha̱bil acui̱mk li na-el aran. Abanan eb aꞌan incꞌaꞌ us queꞌxba̱nu. Queꞌxmux ban ru li naꞌajej li quinqꞌue reheb.