Deuteronomio 8:6 - Li Santil hu

⁶ Joꞌcan nak cheba̱nuhak li cꞌaꞌru nequexchakꞌrabi cuiꞌ li Ka̱cuaꞌ le̱ Dios. Cheba̱nu li cꞌaꞌru naraj li Dios ut chexucua ru.

Q'eqchi Bible

⁶ “Chak'uula sa' laach'ool eb' li xchaq'rab' li Qaawa' laaYos, chataaqe li xb'e ut chawoxloq'iiq.

Deuteronomio 8:6 ပူးပေါင်းရင်းမြစ်များ

Deuteronomio 5:33

Cheba̱nu chixjunil li naxye e̱re li Ka̱cuaꞌ le̱ Dios re nak cua̱nk le̱ yuꞌam ut us tex-e̱lk riqꞌuin li cꞌaꞌru te̱ba̱nu ut re ajcuiꞌ nak najt texcua̱nk saꞌ li naꞌajej li quixqꞌue e̱re li Ka̱cuaꞌ re te̱re̱chani.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Salmos 128:1

Us xak reheb li nequeꞌxucuan ru li Dios ut nequeꞌxba̱nu li cꞌaꞌru naraj aꞌan.

2 Crónicas 6:31

Cui ta̱ba̱nu chi joꞌcan riqꞌuineb, teꞌxxucua a̱cuu ut teꞌxba̱nu li cꞌaꞌru nacacuaj joꞌ najtil teꞌcua̱nk saꞌ li chꞌochꞌ li caqꞌue reheb li kaxeꞌto̱nil yucuaꞌ.

1 Samuel 12:24

Qꞌuehomak e̱chꞌo̱l chi cꞌanjelac chiru li Ka̱cuaꞌ ut chexucua ru. Cheqꞌuehak retal li sachba chꞌo̱lej ut li xni̱nkal usilal quixba̱nu e̱re.

Éxodo 18:20

Ta̱chꞌolob xya̱lal lix chakꞌrab li Dios chiruheb. La̱at tatyehok reheb cꞌaꞌru teꞌxba̱nu.

Deuteronomio 8:5

Chijulticokꞌ e̱re nak li Ka̱cuaꞌ le̱ Dios naxtijeb li ralal xcꞌajol joꞌ nak li yucuaꞌbej naxtij li ralal xcꞌajol.

Deuteronomio 8:7

Li Ka̱cuaꞌ le̱ Dios yo̱ che̱cꞌambal saꞌ jun li cha̱bil naꞌajej. Aran cuan nabal li rok haꞌ, li yuꞌam haꞌ, ut li nimaꞌ, joꞌ eb ajcuiꞌ li haꞌ li nequeꞌel chak saꞌ eb li tzu̱l.

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.