Deuteronomio 8:5 - Li Santil hu

⁵ Chijulticokꞌ e̱re nak li Ka̱cuaꞌ le̱ Dios naxtijeb li ralal xcꞌajol joꞌ nak li yucuaꞌbej naxtij li ralal xcꞌajol.

Q'eqchi Bible

⁵ Chataw ru naq li Qaawa' laaYos xatxtij, jo' junaq yuwa'b'ej naxtij li ralal.

Deuteronomio 8:5 ပူးပေါင်းရင်းမြစ်များ

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Proverbios 3:12

Li Ka̱cuaꞌ naxkꞌus li ani naxra. Chanchan jun li yucuaꞌbej naxkꞌus li ralal xcꞌajol xban nak naxraheb.

2 Samuel 7:14

La̱inak lix yucuaꞌ ut aꞌanak li cualal. Nak tixba̱nu li incꞌaꞌ us, la̱in tinkꞌusuk re, ut tinqꞌue chixtojbal xma̱c, joꞌ nak naxkꞌus ut naxqꞌue chi tzꞌu̱m li ralal junak yucuaꞌbej.

1 Corintios 11:32

Ut nak narakman a̱tin saꞌ kabe̱n xban li Ka̱cuaꞌ nocokꞌuseꞌ re nak incꞌaꞌ tzꞌekta̱nanbilako kochbeneb li incꞌaꞌ nequeꞌpa̱ban.

Salmos 94:12

At Ka̱cuaꞌ, us xak reheb li nequeꞌxqꞌue saꞌ xchꞌo̱leb lix kꞌusbal nacaqꞌue. Us xak reheb li nacacꞌut lix ya̱lal la̱ chakꞌrab chiruheb.

Ezequiel 18:28

Xban nak quixqꞌue retal nak moco us ta nak yo̱ chi kꞌetoc a̱tin, joꞌcan nak quixcanab xba̱nunquil li ma̱usilal. Relic chi ya̱l li jun aꞌan ta̱cua̱nk xyuꞌam. Incꞌaꞌ ta̱ca̱mk.

Salmos 89:32

Tinqꞌueheb chixtojbal xma̱queb ut tinqꞌue li raylal saꞌ xbe̱neb xban li ma̱usilal teꞌxba̱nu.

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Ezequiel 12:3

Joꞌcan ut, at ralal cui̱nk, cauresi li cꞌaꞌru a̱cue re tatxic. Chi cutan ut chiruheb chixjunileb tat-e̱lk saꞌ la̱ naꞌaj li cuancat cuiꞌ ut tatxic saꞌ jalan naꞌajej. Ma̱re chi joꞌcan teꞌxtau xya̱lal, usta kꞌaxal kꞌetkꞌeteb.

Deuteronomio 4:23

Cheba̱nu cue̱nt re nak incꞌaꞌ ta̱sachk saꞌ e̱chꞌo̱l li contrato li quixba̱nu li Ka̱cuaꞌ le̱ Dios e̱riqꞌuin. Me̱yi̱b e̱pechꞌbil dios joꞌ xjalam u̱ch li cꞌaꞌak re ru li quixye li Dios nak incꞌaꞌ naru te̱lokꞌoni,

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Deuteronomio 4:36

Toj saꞌ choxa quia̱tinac chak e̱riqꞌuin re xcꞌutbal che̱ru cꞌaꞌru te̱ba̱nu. Ut arin saꞌ ruchichꞌochꞌ quixcꞌut che̱ru li xam ut querabi lix ya̱b xcux saꞌ li xam nak quexra̱tina.

Deuteronomio 8:6

Joꞌcan nak cheba̱nuhak li cꞌaꞌru nequexchakꞌrabi cuiꞌ li Ka̱cuaꞌ le̱ Dios. Cheba̱nu li cꞌaꞌru naraj li Dios ut chexucua ru.

Proverbios 13:24

Li ani incꞌaꞌ naxtij li ralal xcꞌajol incꞌaꞌ naxraheb. Aꞌut li ani naxra li ralal xcꞌajol naxtijeb chalen saꞌ xcaꞌchꞌinal.

Eclesiastés 7:14

Chisahokꞌ saꞌ e̱chꞌo̱l nak nequex-el chi us riqꞌuin li cꞌaꞌru nequeba̱nu. Ut cui nachal li raylal saꞌ e̱be̱n, cheqꞌuehak retal nak li Dios naqꞌuehoc sahil chꞌo̱lej ut naxqꞌue ajcuiꞌ li rahil chꞌo̱lej. Ma̱ ani naxnau cꞌaꞌru ta̱cha̱lk chiru mokon.

Deuteronomio 1:31

Ut queril chanru nak li Ka̱cuaꞌ quextenkꞌa nak cuanquex saꞌ li chaki chꞌochꞌ. Chanchan nak quexkꞌalu joꞌ jun li yucuaꞌbej naxkꞌalu li ralal. Ut quicꞌamoc be che̱ru toj chalen nak quexcꞌulun saꞌ li naꞌajej aꞌin.

Proverbios 3:11

Ex cualal incꞌajol, me̱tzꞌekta̱na le̱ kꞌusbal li naxqꞌue li Ka̱cuaꞌ. Chi moco chextitzꞌk chirabinquil le̱ tijbal li naxqꞌue.