Deuteronomio 8:2 - Li Santil hu

² Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Q'eqchi Bible

² “Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Deuteronomio 8:2 ပူးပေါင်းရင်းမြစ်များ

Santiago 1:3

La̱ex nequenau nak riqꞌuin li yalecꞌ nakacꞌul, nacacuu li kachꞌo̱l saꞌ li kapa̱ba̱l.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.

Éxodo 16:4

Li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu. La̱in tintakla chak le̱ cua saꞌ choxa. Rajlal cutan eb li cristian teꞌxxoc li joꞌ qꞌuial teꞌxcuaꞌ chiru li jun cutan. Tincuil ma yo̱queb chixpa̱banquil lin chakꞌrab.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

Éxodo 15:25

Ut laj Moisés quitijoc chiru li Ka̱cuaꞌ Dios. Li Dios quixcꞌut jun to̱n li cheꞌ chiru laj Moisés. Laj Moisés quixcut li cheꞌ aꞌan saꞌ li haꞌ ut quicha̱biloꞌ li haꞌ. Sa chic rucꞌbal. Li Ka̱cuaꞌ Dios quixqꞌue jun li chakꞌrab reheb ut quixyaleb saꞌ lix pa̱ba̱leb.

Santiago 4:10

Checubsihak e̱rib chiru li Dios ut aꞌan tixqꞌue e̱cuanquil.

San Juan 2:25

Incꞌaꞌ tento nak ta̱chꞌoloba̱k chiru chanru lix cꞌaꞌuxeb xban nak ac naxnau chanru lix naꞌleb li junju̱nk.

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

Deuteronomio 29:5

Chiru caꞌcꞌa̱l chihab nak la̱in xincꞌamoc be che̱ru saꞌ li chaki chꞌochꞌ, incꞌaꞌ x-osoꞌ le̱ rakꞌ chi moco le̱ xa̱b li cuan che̱rok.

San Lucas 18:14

La̱in ninye e̱re nak laj titzꞌol toj, aꞌan li quisukꞌi saꞌ rochoch chi ti̱cobresinbil chic lix chꞌo̱l. Ut laj fariseo incꞌaꞌ, xban nak li ani naxnimobresi rib, aꞌan ta̱cubsi̱k xcuanquil. Ut li ani naxcubsi rib, aꞌan ta̱qꞌuehekꞌ xcuanquil, chan li Jesús.

Amós 2:10

La̱in xin-isin chak e̱re aran Egipto ut caꞌcꞌa̱l (40) chihab xexinberesi saꞌ li chaki chꞌochꞌ. Ut la̱in xinqꞌuehoc e̱re lix naꞌajeb laj amorreo.

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.

Salmos 136:16

Aꞌan li quiberesin ke la̱o aj Israel nak yo̱co chi numecꞌ saꞌ li chaki chꞌochꞌ xban nak kꞌaxal nim li ruxta̱n saꞌ kabe̱n junelic.

Salmos 106:7

Eb li kaxeꞌto̱nil yucuaꞌ incꞌaꞌ queꞌxqꞌue saꞌ xchꞌo̱leb li sachba chꞌo̱lej li caba̱nu nak cuanqueb aran Egipto. Quisach saꞌ xchꞌo̱leb nak cꞌajoꞌ nak cacuuxta̱naheb ru. Ut nak cuanqueb chire li Caki Palau queꞌxkꞌet la̱ cua̱tin.

Salmos 81:7

Nak cuanquex saꞌ raylal xetzꞌa̱ma e̱tenkꞌanquil chicuu ut la̱in xexincol. La̱in xinsume toj saꞌ li chok li na-ecꞌan cuiꞌ li ca̱k. Ut aran cuan cuiꞌ li haꞌ Meriba quinyal rix le̱ pa̱ba̱l.

Salmos 77:11

Ta̱julticokꞌ cue li cꞌanjel quixba̱nu li Ka̱cuaꞌ. Junelic cua̱nk saꞌ inchꞌo̱l li sachba chꞌo̱lej li quixba̱nu junxil.

Li xHu LAJ JOB 33:17

Naxye reheb nak teꞌxcanab xba̱nunquil li incꞌaꞌ us. Ut naxye ajcuiꞌ reheb nak incꞌaꞌ teꞌxnimobresi ribeb.

2 Crónicas 33:12

Nak ac cuan chic saꞌ raylal, laj Manasés quitijoc chiru li Ka̱cuaꞌ lix Dios. Quixcubsi rib chiru li Ka̱cuaꞌ, lix Dioseb lix xeꞌto̱nil yucuaꞌ.

Deuteronomio 13:3

me̱pa̱b li cꞌaꞌru tixye e̱re li profeta aꞌan, chi moco li naxye xya̱lal li matcꞌ. Li Ka̱cuaꞌ le̱ Dios yo̱k chixyalbal e̱rix re rilbal ma nequera li Ka̱cuaꞌ chi anchal e̱chꞌo̱l ut chi anchal e̱metzꞌe̱u.

Deuteronomio 7:18

Abanan, mexxucuac chiruheb. Chinak ban saꞌ e̱chꞌo̱l cꞌaꞌru quixba̱nu li Ka̱cuaꞌ le̱ Dios re laj faraón ut reheb chixjunileb laj Egipto.

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Deuteronomio 1:3

Saꞌ li xbe̱n cutan nak yo̱ li junlaju po re li caꞌcꞌa̱l chihab li reliqueb Egipto nak laj Moisés quia̱tinac riqꞌuineb laj Israel ut quixye reheb chixjunil li quiyeheꞌ re xban li Ka̱cuaꞌ.

Génesis 22:1

Mokon chic li Dios quixyal rix lix pa̱ba̱l laj Abraham. Li Dios quixye re: —Abraham.— Ut aꞌan quixye: —Cueꞌquin, Ka̱cuaꞌ.—

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

2 Crónicas 33:19

Ut tzꞌi̱banbil retalil lix tij li rey Manasés ut chanru nak li Dios quixsume. Tzꞌi̱banbil ajcuiꞌ retalil li ma̱usilal li quixba̱nu nak toj ma̱jiꞌ nayotꞌeꞌ xchꞌo̱l ut najal xcꞌaꞌux. Tzꞌi̱banbil retalil li incꞌaꞌ us quixba̱nu ut tzꞌi̱banbil retalil li naꞌajej li najt xteram li quilajxyi̱b re xlokꞌoninquil li jalanil dios, joꞌ ajcuiꞌ lix jalam u̱ch li yi̱banbil dios xAsera. Chixjunil li cꞌaꞌak re ru aꞌin tzꞌi̱banbil retalil saꞌ li hu li queꞌxtzꞌi̱ba eb li profeta.

Éxodo 16:35

Caꞌcꞌa̱l (40) chihab queꞌxcuaꞌ li maná toj retal queꞌcuulac saꞌ li nuba̱l re li cha̱bil naꞌajej. Canaán xcꞌabaꞌ li naꞌajej aꞌan.

Éxodo 20:20

Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

Números 14:33

Eb le̱ ralal e̱cꞌajol teꞌcua̱nk saꞌ li chaki chꞌochꞌ. Chiru caꞌcꞌa̱l chihab teꞌxbeni ribeb. Teꞌxcꞌul chi joꞌcan toj ta̱cuulak xkꞌehil nak texca̱mk che̱junilex saꞌ li chaki chꞌochꞌ xban nak xekꞌetkꞌeti e̱rib.

Jueces 2:22

Tinba̱nu chi joꞌcaꞌin re xyalbal rixeb laj Israel ma teꞌxba̱nu na li cꞌaꞌru ninye joꞌ queꞌxba̱nu lix xeꞌto̱nil xyucuaꞌeb malaj ut incꞌaꞌ, chan li Ka̱cuaꞌ.

Jueces 3:4

Eb aꞌan queꞌcanaba̱c aran re xyalbal rixeb laj Israel ut re rilbal ma teꞌxba̱nu na li cꞌaꞌru tzꞌi̱banbil saꞌ li chakꞌrab li quiqꞌueheꞌ re laj Moisés xban li Ka̱cuaꞌ reheb lix xeꞌto̱nil xyucuaꞌeb.

Nehemías 9:19

Xban xnimal la̱ cuusilal la̱at incꞌaꞌ catzꞌekta̱naheb nak yo̱queb chak chi numecꞌ saꞌ li chaki chꞌochꞌ. La̱at ban catcꞌamoc be chiruheb xban nak li chok incꞌaꞌ quisach chiruheb nak yo̱queb chi be̱c chi cutan. Joꞌcan ajcuiꞌ chiru kꞌojyi̱n, incꞌaꞌ quisach li xam chiruheb li yo̱ chi cꞌutuc lix beheb nak yo̱queb chi xic.

Ezequiel 20:19

La̱in li Ka̱cuaꞌ le̱ Dios. Cheqꞌuehak saꞌ e̱chꞌo̱l li naxye saꞌ lin chakꞌrab. Cheba̱nuhak chi tzꞌakal li cꞌaꞌru ninye e̱re.

Deuteronomio 32:7

Chijulticokꞌ e̱re cꞌaꞌru quicꞌulman junxil. Ut cꞌoxlankex chirixeb li chihab li ac xelajeꞌnumeꞌ. Ut patzꞌomak reheb le̱ yucuaꞌ. Aꞌan teꞌxye e̱re lix ya̱lal. Ut eb li ti̱xil cui̱nk teꞌxserakꞌi e̱re cꞌaꞌru quicꞌulman.

Salmos 103:2

Tinlokꞌoni ru li Ka̱cuaꞌ ut incꞌaꞌ ta̱sachk saꞌ inchꞌo̱l nak aꞌan kꞌaxal cha̱bil cuiqꞌuin.

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.