Deuteronomio 7:9 - Li Santil hu

⁹ Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

Q'eqchi Bible

⁹ K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

Deuteronomio 7:9 ပူးပေါင်းရင်းမြစ်များ

Hebreos 10:23

Joꞌcan nak cauhak taxak kachꞌo̱l saꞌ li kapa̱ba̱l xban nak li Dios naxqꞌue li cꞌaꞌru naxyechiꞌi ke.

2 Timoteo 2:13

Cuan nak la̱o incꞌaꞌ nakaba̱nu li cꞌaꞌru nakaye, abanan li Dios ti̱c xchꞌo̱l ut junelic naxba̱nu li cꞌaꞌru naxye. Aꞌan incꞌaꞌ nacuiban xchꞌo̱l.

2 Ts 3:3

Aꞌut li Ka̱cuaꞌ Jesucristo, aꞌan ti̱c xchꞌo̱l ut junelic naxba̱nu li cꞌaꞌru naxye. Aꞌan ta̱qꞌuehok xcacuil e̱chꞌo̱l ut aꞌan ajcuiꞌ ta̱colok e̱re chiru laj tza.

Daniel 9:4

Ut quintijoc chiru li Ka̱cuaꞌ lin Dios ut quintzꞌa̱ma xcuybal xma̱queb lin tenamit chiru. Quinye re: —At Ka̱cuaꞌ, at nimajcual Dios, a̱cꞌulub nak ta̱xucua̱k a̱cuu. La̱at nacaba̱nu li cꞌaꞌru nacaye saꞌ li contrato ut nacacuuxta̱na ruheb li nequeꞌrahoc a̱cue ut nequeꞌba̱nun re li chakꞌrab li xaqꞌue.

1 Corintios 1:9

Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

Nehemías 1:5

Ut quinye: —At Ka̱cuaꞌ, at inDios, li cuancat saꞌ choxa, kꞌaxal nim a̱cuanquil ut xiu xiu a̱cuu. Nintzꞌa̱man cha̱cuu xban nak la̱at junelic nacaba̱nu li cꞌaꞌru cayechiꞌi xba̱nunquil saꞌ li contrato li caba̱nu riqꞌuineb la̱ tenamit. Nacacuuxta̱na ruheb li nequeꞌrahoc a̱cue ut eb li nequeꞌba̱nun re li cꞌaꞌru naxye saꞌ la̱ chakꞌrab.

1 Ts 5:24

Li Dios, li quisicꞌoc e̱ru, aꞌan ti̱c xchꞌo̱l chixba̱nunquil li cꞌaꞌru naxye ut aꞌan ta̱santobresi̱nk e̱re.

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

Deuteronomio 5:10

Ut nacuuxta̱naheb ru chixjunileb li nequeꞌrahoc cue li nequeꞌxpa̱b lin chakꞌrab.

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Santiago 1:12

Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.

2 Corintios 1:18

Li Dios naxnau nak incꞌaꞌ yo̱quin chixyebal e̱re us cui nacuecꞌa nak incꞌaꞌ ta̱ru̱k tinba̱nu.

Éxodo 20:6

Ut nacuuxta̱naheb ru li nequeꞌrahoc cue ut nequeꞌxpa̱b lin chakꞌrab.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

Salmos 119:75

At nimajcual Dios, la̱in ninnau nak nacatrakoc a̱tin saꞌ ti̱quilal. Ut xban nak cha̱bilat cuiqꞌuin, niquina̱kꞌus.

Hebreos 11:11

Xban lix pa̱ba̱leb, laj Abraham ut lix Sara quicuan jun lix cꞌulaꞌal saꞌ xti̱xilaleb, usta lix Sara aꞌan jun ixk incꞌaꞌ naqꞌuiresin. Aban queꞌxnau nak teꞌxcꞌul li cꞌaꞌru quiyechiꞌi̱c reheb xban li Dios.

Deuteronomio 4:35

Li Ka̱cuaꞌ quixba̱nu chixjunil aꞌin re xcꞌutbal che̱ru nak aꞌan li tzꞌakal Dios. Ut ma̱cꞌaꞌ chic junak Dios. Caꞌaj cuiꞌ aꞌan.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

1 Corintios 10:3

Ut chixjunileb queꞌxcuaꞌ li maná li choxahil cua li quixtakla chak li Dios.

1 Corintios 8:3

Abanan li ani narahoc re li Dios, li Dios naxnau nak aꞌan li ralal xcꞌajol.

1 Crónicas 16:15

Junelic jultic re li contrato li quixba̱nu riqꞌuineb laj Israel. Usta ta̱numekꞌ qꞌuila chihab, abanan ma̱ jokꞌe ta̱sachk saꞌ xchꞌo̱l.

Lamentaciones 3:23

Cuulaj cuulaj nocorosobtesi. Acꞌ chic li kosobtesinquil xban nak kꞌaxal nim li rusilal saꞌ kabe̱n.

Salmos 146:6

Li Ka̱cuaꞌ, aꞌan li quiyi̱ban re li choxa ut li ruchichꞌochꞌ. Aꞌan li quiyi̱ban re li palau ut chixjunil li cuan chi saꞌ. Aꞌan junelic naxba̱nu li cꞌaꞌru naxye.

Génesis 9:15

Relic chi ya̱l nak cua̱nk junelic saꞌ inchꞌo̱l li cꞌaꞌru xinyechiꞌi e̱re la̱ex joꞌ ajcuiꞌ reheb li xul. Ma̱ jun sut chic teꞌosokꞌ chixjunileb li cuanqueb saꞌ ruchichꞌochꞌ riqꞌuin butꞌi haꞌ.

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Números 14:18

La̱in li Ka̱cuaꞌ li nimajcual Dios. La̱in nin-uxta̱nan u ut nincuy li ma̱usilal nequeꞌxba̱nu li tenamit usta nequeꞌxkꞌetkꞌeti rib chicuu. La̱in incꞌaꞌ ninjoskꞌoꞌ chi junpa̱t. Numtajenak lin rahom. Incꞌaꞌ nincanabeb yal chi joꞌcan li cuanqueb xma̱c. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ li rox saꞌ xca̱ xtasalil li ralal xcꞌajoleb, chancat.

Deuteronomio 4:39

Joꞌcan nak junelic cua̱nk saꞌ e̱chꞌo̱l nak li Ka̱cuaꞌ, aꞌan li nimajcual Dios, joꞌ saꞌ choxa joꞌ saꞌ ruchichꞌochꞌ. Ma̱ jun chic Dios cuan. Caꞌaj cuiꞌ aꞌan.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

Jueces 2:1

Qui-el ut lix ángel li Ka̱cuaꞌ saꞌ li tenamit Gilgal ut co̱ toj Boquim. Quixye reheb laj Israel: —La̱in quin-isin chak e̱re Egipto ut la̱in xexincꞌam chak saꞌ li naꞌajej aꞌin li xinyechiꞌi reheb le̱ xeꞌto̱nil yucuaꞌ riqꞌuin juramento. Quinye e̱re, “La̱in ma̱ jaruj tinkꞌet li contrato li xinba̱nu e̱riqꞌuin.

1 Reyes 8:23

Quixye: —At Ka̱cuaꞌ, at kaDios la̱o aj Israel, ma̱cꞌaꞌ junak chic Dios joꞌ la̱at, chi moco saꞌ choxa, chi moco saꞌ ruchichꞌochꞌ. La̱at nacaba̱nu li cꞌaꞌru nacayechiꞌi. Ut nacacuuxta̱na ruheb li nequeꞌcꞌanjelac cha̱cuu chi anchaleb xchꞌo̱l ut nequeꞌcuan saꞌ ti̱quilal cha̱cuu.

2 Crónicas 6:14

—At Ka̱cuaꞌ, at kaDios la̱o aj Israel, ma̱cꞌaꞌ junak Dios juntakꞌe̱t a̱cuiqꞌuin la̱at, chi moco saꞌ choxa, chi moco saꞌ ruchichꞌochꞌ. Nacaba̱nu li cꞌaꞌru nacayechiꞌi ut nacacuuxta̱na ruheb li ti̱queb xchꞌo̱l li nequeꞌcꞌanjelac cha̱cuu chi anchaleb xchꞌo̱l.

Salmos 103:18

Junelic ta̱rosobtesiheb li nequeꞌxba̱nu li cꞌaꞌru queꞌxye saꞌ li contrato. Ta̱rosobtesiheb li nequeꞌxba̱nu li cꞌaꞌru naxye saꞌ lix chakꞌrab.

Salmos 105:8

Junelic jultic re li contrato li quixba̱nu riqꞌuineb laj Israel. Usta ta̱numekꞌ qꞌuila chihab, abanan ma̱ jokꞌe ta̱sachk saꞌ xchꞌo̱l.

Jeremías 32:18

La̱at nacacuuxta̱naheb ru li qꞌuila okꞌob chi cristian, abanan nacatakla li raylal saꞌ xbe̱n li tenamit re nak teꞌxtoj rix xma̱queb lix naꞌ xyucuaꞌeb. At Ka̱cuaꞌ, “Nimajcual Dios” a̱cꞌabaꞌ ut kꞌaxal nim la̱ cuanquil.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Nehemías 9:32

Aꞌut anakcuan, at Ka̱cuaꞌ, at kaDios, la̱at li kꞌaxal nim a̱cuanquil. Kꞌaxal cau a̱cuib ut xiu xiu a̱cuu. Junelic nacaba̱nu li cꞌaꞌru caye saꞌ li contrato ut kꞌaxal nim la̱ cuuxta̱n. Incꞌaꞌ taxak ta̱cana̱k yal chi joꞌcan li raylal li queꞌxcꞌul li karey, eb li nequeꞌcꞌamoc be chiku, eb laj tij, eb li kaprofeta, eb li kaxeꞌto̱nil yucuaꞌ, joꞌqueb ajcuiꞌ chixjunileb la̱ cualal a̱cꞌajol. Chalen saꞌ eb li cutan nak queꞌcuan lix reyeb laj Asiria ut toj anakcuan yo̱co chixcꞌulbal li raylal.

Salmos 36:6

At Ka̱cuaꞌ, lix ti̱quilal la̱ chꞌo̱l cuan chi junelic joꞌ eb li ni̱nki tzu̱l cuanqueb chi junelic. Kꞌaxal numtajenak la̱ naꞌleb chi rakoc a̱tin. Chanchan xchamal li nimla palau li incꞌaꞌ naru xbisbal. At Ka̱cuaꞌ, la̱at nacat-iloc reheb li cristian saꞌ ruchichꞌochꞌ joꞌ ajcuiꞌ eb li xul.