Deuteronomio 7:7 - Li Santil hu

⁷ Moco xban ta nak kꞌaxal nabalex joꞌ eb li tenamit jun chꞌol chic nak quixsicꞌ e̱ru li Dios ut quexra, xban nak la̱ex moco qꞌuihex ta.

Q'eqchi Bible

⁷ “Moko xb'aan ta naq numtajenaqex chiru chixjunileb' li tenamit naq koho ta xch'ool li Qaawa' cherix re xsik'b'al eeru (laa'ex jun ch'ina tenamit ink'a' k'ihex),

Deuteronomio 7:7 ပူးပေါင်းရင်းမြစ်များ

Deuteronomio 10:22

Laje̱b xca̱cꞌa̱leb (70) ajcuiꞌ le̱ xeꞌto̱nil yucuaꞌ nak queꞌco̱eb Egipto najter. Abanan li Ka̱cuaꞌ le̱ Dios xexqꞌue chi qꞌuia̱nc joꞌ xqꞌuial li chahim li cuanqueb chiru choxa.

Romanos 11:6

Moco riqꞌuin ta xyehom xba̱nuhomeb nak quixsiqꞌueb ru. Yal riqꞌuin ban lix nimal ruxta̱n li Dios nak quixsiqꞌueb ru. Cui ta quixsiqꞌueb ru saꞌ xcꞌabaꞌ xyehom xba̱nuhomeb, aꞌan ma̱cuaꞌ raj chic xban xnimal ruxta̱n li Dios.

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

Romanos 9:21

Aꞌ yal re laj pacꞌonel chanru nak tixyi̱b li tixpacꞌ. Cui naraj naru tixyi̱b cuib chi ucꞌal riqꞌuin junaj chi seb. Naru tixpacꞌ junak secꞌ cha̱bil, sicꞌbil ru lix cꞌanjel, ut li jun chic ma̱re re ta̱cꞌanjelak re yalak cꞌaꞌru.

Salmos 115:1

At Ka̱cuaꞌ, la̱at taxak chiqꞌuehekꞌ a̱lokꞌal. Ma̱cuaꞌ taxak la̱o. La̱at taxak chiqꞌuehekꞌ a̱lokꞌal xban nak la̱at li nacatcꞌutuc lix ya̱lal chiku ut la̱at li nacat-uxta̱nan ku.

Romanos 9:18

Joꞌcan nak li Dios naril xtokꞌoba̱l ru li ani naraj xtokꞌobanquil ru ut naxcacuubresi xchꞌo̱l li ani naraj xcacuubresinquil xchꞌo̱l saꞌ li ma̱usilal.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

San Mateo 7:14

Abanan li oqueba̱l ut li be li naxic saꞌ li junelic yuꞌam, aꞌan caꞌchꞌin ru ut incꞌaꞌ qꞌuiheb li nequeꞌoc aran.

Isaías 51:2

Chijulticokꞌ e̱re le̱ xeꞌto̱nil yucuaꞌ laj Abraham ut lix Sara. Saꞌ xcꞌabaꞌ aꞌan nak cuanquex la̱ex. Nak la̱in xinsicꞌ ru laj Abraham, aꞌan jun ajcuiꞌ. Abanan la̱in quicuosobtesi ut queꞌnabaloꞌ li ralal xcꞌajol.

1 Juan 3:1

Cheqꞌuehak retal nak li Acuabej Dios cꞌajoꞌ nocoxra. Nocoxqꞌue chokꞌ ralal xcꞌajol. Relic chi ya̱l nak la̱o ralal xcꞌajol. Joꞌcan nak li ma̱jiꞌ nequeꞌpa̱ban incꞌaꞌ nequeꞌxtau ru li kanaꞌleb xban nak ma̱jiꞌ nequeꞌxnau xya̱lal xpa̱banquil li Dios.

Deuteronomio 1:10

Li Ka̱cuaꞌ li kaDios xoxqꞌue chi ta̱mc. Anakcuan chanchano chic xqꞌuial li chahim chiru li choxa.

Deuteronomio 4:37

Cꞌajoꞌ nak quixraheb le̱ xeꞌto̱nil yucuaꞌ. Joꞌcan nak quixsiqꞌueb ru li ralal xcꞌajoleb chokꞌ xtenamit. Aꞌan qui-isin chak e̱re Egipto riqꞌuin xnimal xcuanquil.

1 Crónicas 16:19

Moco nabaleb ta laj Israel nak quiyechiꞌi̱c lix naꞌajeb xban li Dios. Ut yal aj numeleb saꞌ li naꞌajej li cuanqueb cuiꞌ.

Salmos 44:3

Eb li kaxeꞌto̱nil yucuaꞌ incꞌaꞌ queꞌre̱chani li naꞌajej riqꞌuin li ple̱t queꞌxba̱nu chi moco xban xcuanquileb. La̱at ban cattenkꞌan reheb riqꞌuin la̱ cuanquilal xban nak cacuil xtokꞌoba̱l ruheb ut cacuuxta̱na ruheb.

Salmos 105:12

Moco nabaleb ta laj Israel nak quiyechiꞌi̱c lix naꞌajeb xban li Dios. Ut yal aj numeleb saꞌ li naꞌajej li cuanqueb cuiꞌ.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Ezequiel 36:22

Joꞌcan ut ye reheb li tenamit Israel: Joꞌcaꞌin ninye la̱in li nimajcual Dios. Ma̱cuaꞌ xban nak e̱cꞌulub la̱ex aj Israel nak tinba̱nu li us e̱re; re ban xqꞌuebal xcuanquil lin santil cꞌabaꞌ xban nak xemux ru lin cꞌabaꞌ chiruheb li tenamit bar xexcuan cuiꞌ chak.

Deuteronomio 14:2

La̱ex jun santil tenamit chiru li Ka̱cuaꞌ le̱ Dios. Saꞌ xya̱nkeb chixjunileb li xni̱nkal ru tenamit li cuanqueb saꞌ ruchichꞌochꞌ li Dios quixsicꞌ e̱ru ut la̱ex li tenamit li kꞌaxal lokꞌ saꞌ xya̱nkeb li jun chꞌol chic.

Salmos 105:6

La̱ex li ralal xcꞌajolex laj Abraham chijulticokꞌ e̱re li sachba chꞌo̱lej li quixba̱nu li Ka̱cuaꞌ. La̱ex li ralal xcꞌajolex laj Jacob li sicꞌbil ru xban li Dios, chijulticokꞌ e̱re li cꞌaꞌru quixba̱nu li Ka̱cuaꞌ.

Ezequiel 20:5

Ta̱ye reheb nak la̱in li Ka̱cuaꞌ quintaksi li cuukꞌ ut quinba̱nu li juramento saꞌ li cutan nak quinsicꞌ ruheb chokꞌ intenamit laj Israel li ralal xcꞌajol laj Jacob. Ut quincꞌutbesi cuib chiruheb nak cuanqueb Egipto. Quintaksi li cuukꞌ ut quinye reheb: La̱inak li Ka̱cuaꞌ le̱ Dios.