Deuteronomio 7:6 - Li Santil hu

⁶ Te̱ba̱nu chi joꞌcan xban nak la̱ex jun xsantil tenamit li Ka̱cuaꞌ le̱ Dios. Li Ka̱cuaꞌ le̱ Dios quisicꞌoc e̱ru saꞌ xya̱nkeb chixjunileb li cuanqueb saꞌ ruchichꞌochꞌ re nak la̱exak lix tenamit. Ut kꞌaxal lokꞌex chiru li Dios.

Q'eqchi Bible

⁶ Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Deuteronomio 7:6 ပူးပေါင်းရင်းမြစ်များ

Deuteronomio 14:2

La̱ex jun santil tenamit chiru li Ka̱cuaꞌ le̱ Dios. Saꞌ xya̱nkeb chixjunileb li xni̱nkal ru tenamit li cuanqueb saꞌ ruchichꞌochꞌ li Dios quixsicꞌ e̱ru ut la̱ex li tenamit li kꞌaxal lokꞌ saꞌ xya̱nkeb li jun chꞌol chic.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Malaquías 3:17

Li nimajcual Dios quixye: —Saꞌ li cutan nak tinchꞌutub ruheb lin tenamit, kꞌaxal lokꞌakeb chicuu. Joꞌ jun yucuaꞌbej naril xtokꞌoba̱l ru li ralal li nacꞌanjelac chiru, joꞌcan ajcuiꞌ nak tincuil xtokꞌoba̱l ruheb lin tenamit la̱in.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Deuteronomio 26:19

Aꞌan ta̱tenkꞌa̱nk e̱re re nak la̱exak jun nimla tenamit. Kꞌaxal nimak e̱cuanquil ut e̱lokꞌal chiruheb chixjunileb li tenamit li quixyoꞌobtesi. Ut yalak bar ta̱abi̱k e̱resilal. La̱exak jun xsantil tenamit joꞌ quixye li Ka̱cuaꞌ le̱ Dios.

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Salmos 50:5

Li Dios tixye: —Chꞌutubomakeb ruheb li ti̱queb xchꞌo̱l chicuu. Aꞌan eb li queꞌxba̱nu li contrato cuiqꞌuin ut queꞌxxakab xcuanquil riqꞌuin li cꞌatbil mayej, chaꞌak reheb.

2 Pedro 2:5

Li Dios incꞌaꞌ quixcuy xma̱queb li queꞌcuan saꞌ ruchichꞌochꞌ najter. Quixtakla ban chak li butꞌi haꞌ saꞌ xbe̱n li ruchichꞌochꞌ re nak teꞌosokꞌ chixjunileb laj ma̱c. Caꞌaj cuiꞌ laj Noé laj yehol resil li ti̱quilal quicoleꞌ rochbeneb li cuukub chic lix comoneb.

Deuteronomio 28:9

Cui la̱ex te̱ba̱nu li cꞌaꞌru naxye li Ka̱cuaꞌ le̱ Dios ut incꞌaꞌ te̱kꞌet lix chakꞌrab, li Ka̱cuaꞌ texxakab chokꞌ jun xsantil tenamit joꞌ quixye e̱re.

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Hechos 13:17

Li Dios li nequeꞌxlokꞌoni li ralal xcꞌajol laj Israel, aꞌan quixsiqꞌueb ru li kaxeꞌto̱nil yucuaꞌ. Quirosobtesiheb ut quixtamresiheb nak cuanqueb aran Egipto. Ut riqꞌuin xnimal xcuanquil quirisiheb saꞌ li tenamit aꞌan.

Romanos 9:4

Aꞌan eb li ralal xcꞌajol laj Israel. Li Dios quixsiqꞌueb ru ut quixcꞌuleb chokꞌ ralal xcꞌajol, ut quixcꞌut lix lokꞌal chiruheb retalil nak cuan riqꞌuineb. Quixba̱nu li contrato riqꞌuineb ut quixqꞌue lix chakꞌrab reheb. Quicꞌuteꞌ chiruheb chanru teꞌxlokꞌoni li Dios saꞌ xya̱lal ut cuan cꞌaꞌ re ru quixyechiꞌi li Dios reheb.

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

Deuteronomio 26:18

Ut saꞌ ajcuiꞌ li cutan aꞌin li Ka̱cuaꞌ quixye nak la̱ex lix lokꞌlaj tenamit. Ut rehex chic chi tzꞌakal joꞌ quixyechiꞌi e̱re. Ut aꞌan naraj nak te̱ba̱nu chixjunil li chakꞌrab li quixqꞌue e̱re.

Deuteronomio 33:3

Li Ka̱cuaꞌ naxraheb lix tenamit ut naxcoleb. Joꞌcan nak nequeꞌxcuikꞌib ribeb chiru ut nequeꞌxba̱nu li cꞌaꞌru naxye.

1 Reyes 3:8

Abanan quina̱xakab chokꞌ xreyeb li nimla tenamit li sicꞌbileb ru a̱ban. Incꞌaꞌ naru rajlanquileb xban xqꞌuialeb.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Isaías 41:9

La̱in xin-isin chak e̱re saꞌ li najtil tenamit. Xexinbok nak cuanquex chak saꞌ xmaril li ruchichꞌochꞌ. Ut xinye e̱re: —La̱ex texcꞌanjelak chicuu. La̱in xinsicꞌoc e̱ru ut incꞌaꞌ xexintzꞌekta̱na.

Isaías 62:12

“Santil Tenamit” ta̱yehekꞌ reheb laj Israel ut ta̱yehekꞌ ajcuiꞌ reheb “Colbileb xban li Ka̱cuaꞌ”. Ut li tenamit Jerusalén tixcꞌabaꞌi “Li tenamit li raro, li incꞌaꞌ chic tzꞌekta̱nanbil”.—

Levítico 20:24

La̱in quinyechiꞌi e̱re li cha̱bil naꞌajej aꞌin li na-el cuiꞌ chi us li acui̱mk. La̱ex tex-e̱chani̱nk re li naꞌajej xban nak la̱in tinqꞌue e̱re re texcua̱nk. La̱in li Ka̱cuaꞌ le̱ Dios. La̱in quinsicꞌoc e̱ru saꞌ xya̱nkeb chixjunileb li xni̱nkal ru tenamit.

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

Deuteronomio 4:37

Cꞌajoꞌ nak quixraheb le̱ xeꞌto̱nil yucuaꞌ. Joꞌcan nak quixsiqꞌueb ru li ralal xcꞌajoleb chokꞌ xtenamit. Aꞌan qui-isin chak e̱re Egipto riqꞌuin xnimal xcuanquil.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Salmos 114:2

chixjunileb laj Israel cuanqueb rubel xcuanquil li Dios. Abanan lix templo quixqꞌue saꞌ lix tenamit laj Judá.

Salmos 135:4

Li Dios quixsicꞌ ru laj Jacob re nak li ralal xcꞌajol aꞌan teꞌcana̱k chokꞌ xtenamit. Joꞌcan nak eb laj Israel, aꞌaneb lix tenamit li Ka̱cuaꞌ, ut raro̱queb xban.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Ezequiel 20:5

Ta̱ye reheb nak la̱in li Ka̱cuaꞌ quintaksi li cuukꞌ ut quinba̱nu li juramento saꞌ li cutan nak quinsicꞌ ruheb chokꞌ intenamit laj Israel li ralal xcꞌajol laj Jacob. Ut quincꞌutbesi cuib chiruheb nak cuanqueb Egipto. Quintaksi li cuukꞌ ut quinye reheb: La̱inak li Ka̱cuaꞌ le̱ Dios.