Deuteronomio 7:4 - Li Santil hu

⁴ Cui texsumla̱k riqꞌuineb, teꞌrisi ribeb le̱ ralal e̱cꞌajol riqꞌuin li Ka̱cuaꞌ ut teꞌoc chixlokꞌoninquil li jalanil dios. Riqꞌuin aꞌan ta̱cha̱lk xjoskꞌil li Ka̱cuaꞌ saꞌ e̱be̱n ut saꞌ junpa̱t ta̱sachekꞌ e̱ru chi junaj cua.

Q'eqchi Bible

⁴ xb'aan naq te'xluktasi xch'ooleb' laawalal li tine'xkanab' ut a' chik eb' li jalanil yos te'xloq'oni. Rik'in a'an taachalq xjosq'il li Qaawa' sa' eeb'een ut texxsach chi junpaat.

Deuteronomio 7:4 ပူးပေါင်းရင်းမြစ်များ

Deuteronomio 6:15

Xban nak li Ka̱cuaꞌ le̱ Dios li cuan e̱riqꞌuin najoskꞌoꞌ nak te̱lokꞌoni li jalanil dios. Naru najoskꞌoꞌ saꞌ e̱be̱n ut ma̱re tixsach e̱ru chi junaj cua.

Jueces 2:20

Cꞌajoꞌ nak quijoskꞌoꞌ li Ka̱cuaꞌ saꞌ xbe̱neb laj Israel. Ut quixye: —Eb li tenamit aꞌin xeꞌxkꞌet li contrato li quinba̱nu riqꞌuineb lix xeꞌto̱nil xyucuaꞌeb. Incꞌaꞌ nequeꞌraj xba̱nunquil li cꞌaꞌru ninye reheb.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Deuteronomio 20:18

Cui incꞌaꞌ te̱sach ruheb, eb aꞌan teꞌxcꞌut che̱ru li incꞌaꞌ us joꞌ nequeꞌxba̱nu eb aꞌan nak nequeꞌxlokꞌoni li jalanil dios. Ut la̱ex texma̱cobk chiru li Ka̱cuaꞌ le̱ Dios.

Josué 23:12

Abanan cui te̱canab xlokꞌoninquil li Ka̱cuaꞌ, ut cui te̱junaji e̱rib riqꞌuineb li tenamit li toj cuanqueb saꞌ e̱ya̱nk, ut cui texsumla̱k riqꞌuineb, ut cui te̱rochbeniheb,

Jueces 3:6

Ut eb laj Israel queꞌxsumubeb li ralal xcꞌajol riqꞌuineb li ralal xcꞌajoleb li tenamit li queꞌcana aran. Ut queꞌxcꞌam ribeb saꞌ usilal riqꞌuineb ut queꞌxlokꞌoni ajcuiꞌ lix dioseb.

Éxodo 34:16

Cui la̱ex te̱sumub le̱ ralal riqꞌuin lix rabineb, aꞌan ajcuiꞌ ta̱cꞌamok xbeheb le̱ ralal chixlokꞌoninquil lix dioseb xban nak eb aꞌan nequeꞌxlokꞌoni li jalanil dios.

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.

1 Reyes 16:31

Incꞌaꞌ quicꞌoxlac chixba̱nunquil li ma̱c li quixba̱nu laj Jeroboam li ralal laj Nabat. Ut kꞌaxal cuiꞌchic yibru quixba̱nu nak quixcꞌam chok rixakil lix Jezabel lix rabin laj Et-baal lix reyeb laj Sidón. Ut laj Acab quixlokꞌoni li jalanil dios Baal.