Deuteronomio 7:2 - Li Santil hu

² Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Q'eqchi Bible

² naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Deuteronomio 7:2 ပူးပေါင်းရင်းမြစ်များ

Jueces 2:2

Abanan tento nak la̱ex incꞌaꞌ te̱ba̱nu junak contrato riqꞌuineb li cuanqueb saꞌ li naꞌajej aꞌin. Te̱juqꞌui ban lix artaleb.” Abanan la̱ex incꞌaꞌ xeba̱nu li quinye e̱re. Xekꞌet ban li cua̱tin.

Jueces 1:24

Queꞌril jun li cui̱nk eb laj qꞌuehol etal nak yo̱ chi e̱lc saꞌ li tenamit ut queꞌxye re: —Ta̱cꞌut chiku chanru naru to-oc saꞌ li tenamit ut takuxta̱na a̱cuu nak tonumta̱k saꞌ xbe̱n li tenamit, chanqueb re.

Josué 10:30

Li Ka̱cuaꞌ Dios quixkꞌaxtesi ajcuiꞌ li tenamit aꞌan saꞌ rukꞌeb laj Israel. Queꞌxcamsi chi chꞌi̱chꞌ chixjunileb li cuanqueb saꞌ li naꞌajej aꞌan. Ma̱ jun chic queꞌcana chi yoꞌyo. Ut queꞌxcamsi ajcuiꞌ lix reyeb joꞌ nak queꞌxcamsi li rey re Jericó.

Josué 2:14

Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

Deuteronomio 23:14

Te̱ba̱nu chi joꞌcan xban nak li Ka̱cuaꞌ le̱ Dios cua̱nk saꞌ li naꞌajej li cua̱nkex cuiꞌ re texcol ut re ajcuiꞌ nak texqꞌue chi numta̱c saꞌ xbe̱neb li xicꞌ nequeꞌiloc e̱re. Joꞌcan nak li naꞌajej li cua̱nkex cuiꞌ santak re nak li Ka̱cuaꞌ le̱ Dios incꞌaꞌ ta̱ril li cꞌaꞌak re ru tzꞌaj saꞌ e̱ya̱nk. Ut re ajcuiꞌ nak incꞌaꞌ texcanab e̱junes yal xban li cꞌaꞌak re ru incꞌaꞌ us.

2 Samuel 21:2

Laj David quixbokeb li cuanqueb Gabaón re ta̱a̱tinak riqꞌuineb. (Eb li cuanqueb Gabaón ma̱cuaꞌ xcomoneb li ralal xcꞌajol laj Israel. Xcomoneb ban laj amorreo. Ut eb laj Israel queꞌxye junxil saꞌ juramento nak incꞌaꞌ teꞌxcamsiheb. Abanan laj Saúl quixsicꞌ xya̱lal chanru nak tixcamsiheb xban nak quiraj li us chokꞌ reheb li ralal xcꞌajol laj Israel ut reheb li ralal xcꞌajol laj Judá.)

Jueces 1:4

Joꞌcan nak eb li ralal xcꞌajol laj Judá queꞌco̱eb chi pletic. Ut li Ka̱cuaꞌ Dios quixtenkꞌaheb chi numta̱c saꞌ xbe̱neb laj cananeo ut laj ferezeo. Queꞌxcamsiheb laje̱b mil (10,000) chi cui̱nk saꞌ li naꞌajej Bezec.

Josué 21:44

Ut li Ka̱cuaꞌ quixba̱nu li cꞌaꞌru quixyechiꞌi reheb. Quixqꞌueheb chi cua̱nc saꞌ usilal saꞌ lix tenamiteb. Ut ma̱ jun reheb li xicꞌ nequeꞌiloc reheb queꞌru chi pletic riqꞌuineb xban nak li Ka̱cuaꞌ naxqꞌueheb laj Israel chi numta̱c saꞌ xbe̱neb.

Josué 10:42

Saꞌ li ple̱t aꞌan laj Josué quinumta saꞌ xbe̱neb chixjunileb li rey ut queꞌre̱chani lix naꞌajeb xban nak li Ka̱cuaꞌ yo̱ chi tenkꞌa̱nc reheb laj Israel.

Josué 10:40

Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.

Josué 10:32

Ut saꞌ xcab li cutan li Ka̱cuaꞌ quixkꞌaxtesi li tenamit saꞌ rukꞌeb laj Israel. Joꞌ nak quilajeꞌxcamsi chixjunileb saꞌ li naꞌajej Libna, joꞌcan cuiꞌchic queꞌxba̱nu aran Laquis. Ma̱ jun chic queꞌcana chi yoꞌyo saꞌ li tenamit aꞌan.

Josué 10:28

Saꞌ eb li cutan aꞌan laj Josué ut eb lix soldado queꞌpletic riqꞌuineb li cuanqueb saꞌ li tenamit Maceda. Queꞌnumta saꞌ xbe̱neb ut queꞌxcamsiheb. Ma̱ jun chic queꞌcana chi yoꞌyo saꞌ li tenamit aꞌan. Joꞌ nak quixcamsi lix reyeb laj Jericó, joꞌcan cuiꞌchic quixba̱nu re lix reyeb laj Maceda.

Josué 9:24

Eb aꞌan queꞌxye re laj Josué: —La̱o xexkabalakꞌi xban kaxiu. Xkabi resil nak li Ka̱cuaꞌ le̱ Dios quixye re laj Moisés laj cꞌanjel chiru nak tixkꞌaxtesi e̱re li naꞌajej aꞌin ut te̱sach ruheb chixjunileb li cuanqueb arin. La̱o xkacꞌoxla nak toe̱camsi.

Josué 8:24

Nak queꞌrakeꞌ chixcamsinquileb chixjunileb li soldado li queꞌa̱linan reheb toj saꞌ li chaki chꞌochꞌ, eb li soldados aj Israel queꞌsukꞌi cuiꞌchic saꞌ li tenamit ut queꞌxcamsiheb li joꞌ qꞌuial chic queꞌcana saꞌ li tenamit Hai.

Deuteronomio 13:8

Me̱ba̱nu li cꞌaꞌru naxye chi moco te̱rabi. Me̱ril xtokꞌoba̱l ru, chi moco te̱ruxta̱na ru, chi moco te̱col rixeb.

Deuteronomio 3:3

Joꞌcan nak li Ka̱cuaꞌ li kaDios quixkꞌaxtesi saꞌ kukꞌ laj Og lix reyeb laj Basán rochbeneb chixjunileb lix soldado. Kasach ruheb chixjunileb. Ma̱ jun chic queꞌcana.

Números 33:52

te̱risiheb chixjunileb li cuanqueb saꞌ li naꞌajej aꞌan. Te̱sach ruheb chixjunileb lix dioseb li queꞌxyi̱b riqꞌuin pec ut riqꞌuin chꞌi̱chꞌ. Te̱tꞌan chixjunileb li naꞌajej li najt xteram li nequeꞌlokꞌonin cuiꞌ.

Génesis 14:20

Lokꞌoninbil taxak li Ka̱cuaꞌ Dios li kꞌaxal nim xcuanquil. Aꞌan xkꞌaxtesi saꞌ a̱cuukꞌ li xicꞌ nequeꞌiloc a̱cue, chan. Laj Abram quixsi re laj Melquisedec li junju̱nk saꞌ xlaje̱tkil re chixjunil li cꞌaꞌru quire̱chani chak.

Éxodo 22:20

Li ani ta̱mayejak chiruheb li jalanil dios, ut cui incꞌaꞌ tixqꞌue lix mayej re li tzꞌakal Dios, aꞌan tento ta̱camsi̱k.

Números 31:17

Anakcuan tento nak te̱camsiheb chixjunileb li cocꞌ te̱lom ut te̱camsiheb ajcuiꞌ li ixk li ac cuanjenakeb riqꞌuin cui̱nk.

Deuteronomio 2:33

Ut li Ka̱cuaꞌ li kaDios quixkꞌaxtesiheb saꞌ kukꞌ. Ut kasach ruheb laj Sehón rochbeneb li ralal ut chixjunileb lix soldado.

Deuteronomio 2:34

Ut conumta saꞌ xbe̱neb chixjunileb lix tenamit ut kasach ruheb chixjunileb joꞌ cui̱nk, joꞌ ixk, joꞌ cocꞌal. Ma̱ jun chic queꞌcana.

Deuteronomio 7:16

Tento nak te̱sach ruheb chixjunileb li tenamit li tixkꞌaxtesi saꞌ e̱rukꞌ li Ka̱cuaꞌ le̱ Dios. Incꞌaꞌ te̱ruxta̱na ruheb chi moco te̱ril xtokꞌoba̱l ruheb. Ut me̱lokꞌoniheb lix yi̱banbil dios re nak incꞌaꞌ ta̱sachekꞌ e̱ru.

Deuteronomio 19:13

Incꞌaꞌ te̱ril xtokꞌoba̱l ru li ani nama̱cob riqꞌuin xcamsinquil ras ri̱tzꞌin. Tento nak te̱risi li ma̱c saꞌ le̱ naꞌaj re nak us tex-e̱lk.

Deuteronomio 25:12

li ixk aꞌan ta̱isi̱k li rukꞌ. Incꞌaꞌ ta̱cuyekꞌ xma̱c.

Deuteronomio 31:5

Li Ka̱cuaꞌ tixkꞌaxtesiheb saꞌ e̱rukꞌ ut texnumta̱k saꞌ xbe̱neb. Tento nak te̱ba̱nu reheb chixjunil li xinye e̱re.

Deuteronomio 33:27

Li Ka̱cuaꞌ li cuan chi junelic, aꞌan li nacoloc e̱re. Aꞌan natenkꞌan e̱re riqꞌuin lix cuanquil li incꞌaꞌ na-osoꞌ. Aꞌan li ta̱isi̱nk reheb li xicꞌ nequeꞌiloc e̱re saꞌ li naꞌajej li tixqꞌue e̱re. Aꞌan li quixye e̱re nak te̱sach ruheb.

Josué 9:7

Ut eb laj Israel queꞌxchakꞌbe laj heveo ut queꞌxye: —Ma̱re anchal nachꞌ cuanquex kiqꞌuin. ¿Chanru nak takaba̱nu junak contrato e̱riqꞌuin la̱ex?—

Esdras 10:3

Anakcuan la̱o takaba̱nu jun li contrato riqꞌuin li Dios. Takacanabeb li ixk aꞌan rochbeneb li kacocꞌal li cuan riqꞌuineb. Takaba̱nu joꞌ ta̱cuaj la̱at joꞌqueb ajcuiꞌ li nequeꞌxxucua ru li naxye li Dios. Chi-uxma̱nk taxak joꞌ tzꞌi̱banbil saꞌ li chakꞌrab.

Salmos 106:34

Li Dios quixye reheb nak tento teꞌxsach ruheb li tenamit li nequeꞌlokꞌonin jalanil dios. Abanan eb laj Israel incꞌaꞌ queꞌxba̱nu joꞌ quiyeheꞌ reheb xban li Dios.

Números 21:2

Joꞌcan nak eb laj Israel riqꞌuin juramento queꞌxye re li Dios: —Cui ta̱kꞌaxtesiheb saꞌ kukꞌ li tenamit aꞌin, la̱o takasach chi junaj cua lix tenamiteb, chanqueb.

Deuteronomio 9:3

Joꞌcan ut chenauhak nak li Ka̱cuaꞌ le̱ Dios ta̱xic che̱ru. Chanchanak li xam li yo̱ chixcꞌatbal chixjunil. Aꞌan ta̱numta̱k saꞌ xbe̱neb nak yo̱kex chi xic. Aꞌan ta̱tenkꞌa̱nk e̱re chirisinquileb saꞌ li naꞌajej aꞌan ut tixsach ruheb chi junpa̱t. Li Ka̱cuaꞌ tixba̱nu joꞌ quixyechiꞌi e̱re.

Deuteronomio 13:9

Abanan te̱camsi li xyehoc e̱re nak te̱lokꞌoniheb li jalanil dios. Ut la̱ex xbe̱n texcutuk re chi pec. Ut chirix aꞌan, eb li tenamit teꞌcutuk re chi pec.

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

1 Reyes 20:34

Laj Ben-adad quixye re: —Tinkꞌaxtesi cuiꞌchic a̱cue li tenamit li quixmakꞌ lin yucuaꞌ chiru la̱ yucuaꞌ, chan. Ut quixye ajcuiꞌ re: —Ut naru ajcuiꞌ ta̱yi̱b la̱ cꞌayiba̱l saꞌ li tenamit Damasco joꞌ quixba̱nu lin yucuaꞌ saꞌ li tenamit Samaria, chan. Ut laj Acab quixye re: —La̱in tinqꞌue a̱lese̱ns chi xic xban li contrato li xaba̱nu cuiqꞌuin, chan. Joꞌcaꞌin nak queꞌxba̱nu li contrato chi ribileb rib ut laj Acab quixcanab chi xic laj Ben-adad ut incꞌaꞌ quixcamsi.