Deuteronomio 7:16 - Li Santil hu

¹⁶ Tento nak te̱sach ruheb chixjunileb li tenamit li tixkꞌaxtesi saꞌ e̱rukꞌ li Ka̱cuaꞌ le̱ Dios. Incꞌaꞌ te̱ruxta̱na ruheb chi moco te̱ril xtokꞌoba̱l ruheb. Ut me̱lokꞌoniheb lix yi̱banbil dios re nak incꞌaꞌ ta̱sachekꞌ e̱ru.

Q'eqchi Bible

¹⁶ Jo'kan utan, chasacheb' ru chixjunileb' li tenamit li tixk'e sa' laawuq' li Qaawa' laaYos; maak'e reetal xtoq'ob'aal ruheb' chi moko chaloq'oni ru li xyoseb', xb'aan naq a'anaq aara'lenkil.

Deuteronomio 7:16 ပူးပေါင်းရင်းမြစ်များ

Éxodo 23:33

Incꞌaꞌ te̱canabeb chi cua̱nc saꞌ le̱ naꞌaj re nak incꞌaꞌ texqꞌue chi ma̱cobc chicuu. Naru nequex-oc chixlokꞌoninquil lix dioseb, ut riqꞌuin aꞌan te̱tzꞌek e̱rib.

Jueces 8:27

Ut riqꞌuin li caꞌxic li quikꞌaxtesi̱c re, laj Gedeón quixyi̱b jun li efod oro ut quixqꞌue aran Ofra saꞌ lix tenamit. Ut chixjunileb laj Israel queꞌxcanab xlokꞌoninquil li Ka̱cuaꞌ lix Dioseb. Aꞌ chic li efod queꞌxqꞌue xlokꞌal. Joꞌcan nak laj Gedeón quixbalakꞌi rib ut quixbalakꞌiheb ajcuiꞌ li ralal xcꞌajol.

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

Deuteronomio 25:12

li ixk aꞌan ta̱isi̱k li rukꞌ. Incꞌaꞌ ta̱cuyekꞌ xma̱c.

Deuteronomio 19:21

Incꞌaꞌ te̱ril xtokꞌoba̱l ruheb li nequeꞌxba̱nu li ma̱usilal. Cui junak tixcamsi ras ri̱tzꞌin, ta̱camsi̱k ajcuiꞌ aꞌan. Cui junak ta̱risi xnakꞌ ru li ras ri̱tzꞌin, ta̱isi̱k ajcuiꞌ xnakꞌ ru aꞌan; cui junak ta̱risi ruch re li ras ri̱tzꞌin, ta̱isi̱k ajcuiꞌ ruch re aꞌan; cui junak ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan; cui junak ta̱risi li rok li ras ri̱tzꞌin, ta̱isi̱k ajcuiꞌ li rok aꞌan.

Deuteronomio 19:13

Incꞌaꞌ te̱ril xtokꞌoba̱l ru li ani nama̱cob riqꞌuin xcamsinquil ras ri̱tzꞌin. Tento nak te̱risi li ma̱c saꞌ le̱ naꞌaj re nak us tex-e̱lk.

Deuteronomio 13:8

Me̱ba̱nu li cꞌaꞌru naxye chi moco te̱rabi. Me̱ril xtokꞌoba̱l ru, chi moco te̱ruxta̱na ru, chi moco te̱col rixeb.

Salmos 106:36

Eb lix tenamit li Dios queꞌxlokꞌoni li yi̱banbil dios ut xban li ma̱c aꞌan queꞌxqꞌue ribeb chi sachecꞌ.

Deuteronomio 7:2

Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Jueces 3:6

Ut eb laj Israel queꞌxsumubeb li ralal xcꞌajol riqꞌuineb li ralal xcꞌajoleb li tenamit li queꞌcana aran. Ut queꞌxcꞌam ribeb saꞌ usilal riqꞌuineb ut queꞌxlokꞌoni ajcuiꞌ lix dioseb.

Jueces 2:3

Joꞌcan nak la̱in ninye e̱re nak incꞌaꞌ tincuisiheb li tenamit che̱ru saꞌ li naꞌajej aꞌin. Xicꞌ tex-ilekꞌ xbaneb ut texqꞌuehekꞌ chi ma̱cobc xbaneb lix dioseb, chan li ángel.

Números 33:55

Abanan cui incꞌaꞌ te̱risiheb saꞌ li naꞌajej li cuanqueb cuiꞌ anakcuan, raylal te̱cꞌul mokon xbaneb. Chanchanakeb lix cꞌaj li cheꞌ x-oc saꞌ xnakꞌ e̱ru, malaj ut chanchanakeb li qꞌuix saꞌ le̱ tibel. Ra te̱cꞌul xbaneb nak ac cua̱nkex chic saꞌ li naꞌajej aꞌan.

Jueces 2:12

Queꞌxtzꞌekta̱na li Ka̱cuaꞌ, lix Dioseb lix xeꞌto̱nil yucuaꞌ, li qui-isin chak reheb saꞌ li naꞌajej Egipto. Ut queꞌxtiquib xlokꞌoninquileb li yi̱banbil dios li nequeꞌxlokꞌoni li tenamit li cuanqueb chi nachꞌ riqꞌuineb. Ut riqꞌuin xlokꞌoninquil li yi̱banbil dios, queꞌxchikꞌ xjoskꞌil li Ka̱cuaꞌ.

Deuteronomio 7:25

Te̱cꞌat chixjunileb lix yi̱banbil dios. Me̱rahi ru li plata ut li oro li cuan chiru lix dioseb ut me̱xoc chokꞌ e̱re ma̱re anchal te̱tzꞌek e̱rib xbaneb, xban nak li Ka̱cuaꞌ xicꞌ narileb lix yi̱banbil dios.

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

Salmos 106:34

Li Dios quixye reheb nak tento teꞌxsach ruheb li tenamit li nequeꞌlokꞌonin jalanil dios. Abanan eb laj Israel incꞌaꞌ queꞌxba̱nu joꞌ quiyeheꞌ reheb xban li Dios.

Deuteronomio 13:9

Abanan te̱camsi li xyehoc e̱re nak te̱lokꞌoniheb li jalanil dios. Ut la̱ex xbe̱n texcutuk re chi pec. Ut chirix aꞌan, eb li tenamit teꞌcutuk re chi pec.