Deuteronomio 7:13 - Li Santil hu

¹³ Li Ka̱cuaꞌ texra ut texrosobtesi ut tixqꞌue chi qꞌuia̱nc le̱ ralal e̱cꞌajol ut ta̱rosobtesiheb. Ut tixqꞌue ajcuiꞌ chi nabalocꞌ li ru le̱ racui̱mk. Tixqꞌue nabal le̱ trigo, le̱ vino ut le̱ aceite. Tixqꞌue nabal li ral le̱ cuacax ut le̱ carner saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ.

Q'eqchi Bible

¹³ Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Deuteronomio 7:13 ပူးပေါင်းရင်းမြစ်များ

San Juan 14:21

Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

San Juan 15:10

Cui te̱ba̱nu li cꞌaꞌru ninye e̱re, la̱in texinra junelic. La̱in xinba̱nu li cꞌaꞌru xye cue lin Yucuaꞌ ut aꞌan junelic niquinixra la̱in.

San Juan 16:27

Lin Yucuaꞌ nequexra la̱ex xban nak la̱ex niquine̱ra la̱in ut xban nak xepa̱b nak riqꞌuin li Dios xinchal chak.

Éxodo 23:25

Chexcꞌanjelak ban chicuu, la̱in li Ka̱cuaꞌ le̱ Dios. Ut la̱in texcuosobtesi ut tinqꞌue le̱ cua e̱rucꞌa. Ut incꞌaꞌ texinqꞌue chi yaje̱rc.

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Proverbios 10:22

Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

Li xHu LAJ JOB 42:12

Cꞌajoꞌ nak qui-osobtesi̱c laj Job xban li Dios. Kꞌaxal cuiꞌchic nabal li quiqꞌueheꞌ re xban li Dios chiru li quiqꞌueheꞌ re junxil. Ca̱laju mil lix carner, cuakib mil lix camello, jun mil sumal lix bo̱yx ut jun mil lix bu̱r quiqꞌueheꞌ re.

Deuteronomio 28:11

Li Ka̱cuaꞌ tixqꞌue nabal le̱ ralal e̱cꞌajol ut nabal le̱ queto̱mk ut nabal le̱ racui̱mk saꞌ li naꞌajej li tixqꞌue e̱re joꞌ quixyechiꞌi riqꞌuin juramento reheb le̱ xeꞌto̱nil yucuaꞌ.

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

Deuteronomio 7:7

Moco xban ta nak kꞌaxal nabalex joꞌ eb li tenamit jun chꞌol chic nak quixsicꞌ e̱ru li Dios ut quexra, xban nak la̱ex moco qꞌuihex ta.

Salmos 11:7

Li Ka̱cuaꞌ Dios ti̱c xchꞌo̱l ut naxra li ti̱quilal. Ut eb li ti̱queb xchꞌo̱l teꞌcua̱nk riqꞌuin li Dios saꞌ choxa.

Levítico 26:9

La̱in tinba̱nu usilal e̱re. Texcuosobtesi ut texnabalokꞌ. Junelic xakxo̱k xcuanquil li contrato li quinba̱nu e̱riqꞌuin.

Deuteronomio 13:17

Ut me̱xoc chokꞌ e̱re li cꞌaꞌru ac kꞌaxtesinbil re sachecꞌ re nak ta̱numekꞌ xjoskꞌil li Ka̱cuaꞌ. Ut li Ka̱cuaꞌ ta̱ril xtokꞌoba̱l e̱ru ut aꞌan ta̱uxta̱na̱nk e̱ru. Texqꞌue chi nabalocꞌ joꞌ quixye reheb le̱ xeꞌto̱nil yucuaꞌ riqꞌuin juramento.

Deuteronomio 30:5

Texcꞌam cuiꞌchic saꞌ li naꞌajej li quiqꞌueheꞌ reheb le̱ xeꞌto̱nil yucuaꞌ ut la̱ex te̱re̱chani li naꞌajej. Texrosobtesi ut kꞌaxal cuiꞌchic texta̱mk chiruheb le̱ xeꞌto̱nil yucuaꞌ ut kꞌaxal biomakex.

Salmos 127:3

Eb li kacocꞌal, aꞌan jun kama̱tan xban li nimajcual Dios. Aꞌan eb jun kosobtesinquil naxqꞌue li Ka̱cuaꞌ.

Salmos 146:8

Li Ka̱cuaꞌ naxqꞌueheb chi iloc li mutzꞌ. Ut naxqꞌue xcacuilal xchꞌo̱leb li yo̱queb chi chꞌina̱nc xchꞌo̱l. Li Ka̱cuaꞌ naxraheb li ti̱queb xchꞌo̱l.

Proverbios 15:9

Li Ka̱cuaꞌ xicꞌ naril li cꞌaꞌru nequeꞌxba̱nu li incꞌaꞌ useb xnaꞌleb. Abanan naxraheb li nequeꞌxba̱nu li ti̱quilal.

Deuteronomio 1:8

Qꞌuehomak retal. La̱in xinqꞌue e̱re li naꞌajej aꞌin. Texxic ut te̱re̱chani li naꞌajej joꞌ quinye riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob ut reheb ajcuiꞌ li ralal xcꞌajoleb li teꞌcua̱nk mokon, chan li Dios.

Deuteronomio 28:1

Cui la̱ex tex-abi̱nk chiru li Ka̱cuaꞌ ut te̱ba̱nu chi anchal e̱chꞌo̱l li cꞌaꞌru naxye ut cui te̱ba̱nu lix chakꞌrab li yo̱quin chixyebal e̱re anakcuan, kꞌaxal cuiꞌchic tixnimobresi le̱ cuanquil saꞌ xya̱nkeb chixjunileb li tenamit saꞌ ruchichꞌochꞌ.

Nehemías 9:32

Aꞌut anakcuan, at Ka̱cuaꞌ, at kaDios, la̱at li kꞌaxal nim a̱cuanquil. Kꞌaxal cau a̱cuib ut xiu xiu a̱cuu. Junelic nacaba̱nu li cꞌaꞌru caye saꞌ li contrato ut kꞌaxal nim la̱ cuuxta̱n. Incꞌaꞌ taxak ta̱cana̱k yal chi joꞌcan li raylal li queꞌxcꞌul li karey, eb li nequeꞌcꞌamoc be chiku, eb laj tij, eb li kaprofeta, eb li kaxeꞌto̱nil yucuaꞌ, joꞌqueb ajcuiꞌ chixjunileb la̱ cualal a̱cꞌajol. Chalen saꞌ eb li cutan nak queꞌcuan lix reyeb laj Asiria ut toj anakcuan yo̱co chixcꞌulbal li raylal.

Li xHu LAJ JOB 1:10

¿Ma ma̱cuaꞌ ta biꞌ la̱at yo̱cat chi coloc rix lix jun cablal ut chixjunil li cꞌaꞌru cuan re? Ut la̱at ajcuiꞌ yo̱cat chi osobtesi̱nc re riqꞌuin chixjunil li cꞌaꞌru naxba̱nu. Joꞌcan nak yo̱ chi qꞌuia̱nc li cꞌaꞌru re saꞌ ruchichꞌochꞌ.

Salmos 107:38

Li Dios quirosobtesiheb lix tenamit ut nabaleb li ralal xcꞌajol queꞌcuan. Ut queꞌnabaloꞌ ajcuiꞌ lix queto̱mk.