Deuteronomio 7:12 - Li Santil hu

¹² Cui la̱ex te̱qꞌue retal li chakꞌrab aꞌin ut cui te̱qꞌue e̱chꞌo̱l chixba̱nunquil, li Ka̱cuaꞌ le̱ Dios tixba̱nu joꞌ quixye saꞌ li contrato ut ta̱ruxta̱na e̱ru joꞌ quixyechiꞌi reheb le̱ xeꞌto̱nil yucuaꞌ.

Q'eqchi Bible

¹² “Wi taak'e reetal eb' li chaq'rab' a'in, wi taapaab' ut taak'anjela ruheb', relik chi yaal naq li xSumwank li Qaawa' laaYos ut li xrahom twanq aawik'in, jo' kixyeechi'i reheb' laana' laayuwa'.

Deuteronomio 7:12 ပူးပေါင်းရင်းမြစ်များ

Deuteronomio 7:9

Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

Miqueas 7:20

La̱at toa̱cuosobtesi joꞌ cayechiꞌi re laj Jacob, li kaxeꞌto̱nil yucuaꞌ. La̱at ta̱cuuxta̱na cuiꞌchic ku joꞌ cayechiꞌi re laj Abraham li kaxeꞌto̱nil yucuaꞌ najter kꞌe cutan.

San Lucas 1:55

xban nak joꞌcan quixyechiꞌi reheb li kaxeꞌto̱nil yucuaꞌ. Quixyechiꞌi re laj Abraham nak ta̱ruxta̱na ruheb li ralal xcꞌajol chi junelic, chan lix María.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

Deuteronomio 7:11

Joꞌcan nak cheqꞌuehak retal ut te̱ba̱nu chixjunil li naxye li chakꞌrab ut te̱ba̱nu le̱ taklanquil li quixqꞌue li Dios. Te̱ba̱nu chixjunil li tinye e̱re anakcuan.

Deuteronomio 11:13

Joꞌcan nak cheba̱nu li cꞌaꞌru naxye saꞌ li chakꞌrab li xinqꞌue e̱re anakcuan. Te̱ra li Ka̱cuaꞌ le̱ Dios ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Salmos 149:9

Eb li ralal xcꞌajol li Dios teꞌrakok a̱tin saꞌ xbe̱neb joꞌ quixye li Ka̱cuaꞌ. Aꞌan li lokꞌal li quixqꞌue li Dios reheb li ralal xcꞌajol. ¡Lokꞌoninbil taxak li Ka̱cuaꞌ!

Jeremías 11:5

Cui la̱ex te̱ba̱nu li cꞌaꞌru tinye e̱re, la̱in tinba̱nu li quinye reheb le̱ xeꞌto̱nil yucuaꞌ riqꞌuin juramento. Quinye nak tinqꞌue reheb jun li cha̱bil naꞌajej li na-el cuiꞌ chi us li racui̱mkeb. Aꞌan li naꞌajej li cuanquex cuiꞌ anakcuan,” chan li Dios. Ut la̱in quinye re li Dios: —Joꞌcan taxak, at Ka̱cuaꞌ.—

Deuteronomio 1:8

Qꞌuehomak retal. La̱in xinqꞌue e̱re li naꞌajej aꞌin. Texxic ut te̱re̱chani li naꞌajej joꞌ quinye riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob ut reheb ajcuiꞌ li ralal xcꞌajoleb li teꞌcua̱nk mokon, chan li Dios.

Deuteronomio 5:10

Ut nacuuxta̱naheb ru chixjunileb li nequeꞌrahoc cue li nequeꞌxpa̱b lin chakꞌrab.

1 Reyes 8:23

Quixye: —At Ka̱cuaꞌ, at kaDios la̱o aj Israel, ma̱cꞌaꞌ junak chic Dios joꞌ la̱at, chi moco saꞌ choxa, chi moco saꞌ ruchichꞌochꞌ. La̱at nacaba̱nu li cꞌaꞌru nacayechiꞌi. Ut nacacuuxta̱na ruheb li nequeꞌcꞌanjelac cha̱cuu chi anchaleb xchꞌo̱l ut nequeꞌcuan saꞌ ti̱quilal cha̱cuu.

Nehemías 1:5

Ut quinye: —At Ka̱cuaꞌ, at inDios, li cuancat saꞌ choxa, kꞌaxal nim a̱cuanquil ut xiu xiu a̱cuu. Nintzꞌa̱man cha̱cuu xban nak la̱at junelic nacaba̱nu li cꞌaꞌru cayechiꞌi xba̱nunquil saꞌ li contrato li caba̱nu riqꞌuineb la̱ tenamit. Nacacuuxta̱na ruheb li nequeꞌrahoc a̱cue ut eb li nequeꞌba̱nun re li cꞌaꞌru naxye saꞌ la̱ chakꞌrab.

Nehemías 9:32

Aꞌut anakcuan, at Ka̱cuaꞌ, at kaDios, la̱at li kꞌaxal nim a̱cuanquil. Kꞌaxal cau a̱cuib ut xiu xiu a̱cuu. Junelic nacaba̱nu li cꞌaꞌru caye saꞌ li contrato ut kꞌaxal nim la̱ cuuxta̱n. Incꞌaꞌ taxak ta̱cana̱k yal chi joꞌcan li raylal li queꞌxcꞌul li karey, eb li nequeꞌcꞌamoc be chiku, eb laj tij, eb li kaprofeta, eb li kaxeꞌto̱nil yucuaꞌ, joꞌqueb ajcuiꞌ chixjunileb la̱ cualal a̱cꞌajol. Chalen saꞌ eb li cutan nak queꞌcuan lix reyeb laj Asiria ut toj anakcuan yo̱co chixcꞌulbal li raylal.

Salmos 103:18

Junelic ta̱rosobtesiheb li nequeꞌxba̱nu li cꞌaꞌru queꞌxye saꞌ li contrato. Ta̱rosobtesiheb li nequeꞌxba̱nu li cꞌaꞌru naxye saꞌ lix chakꞌrab.

Daniel 9:4

Ut quintijoc chiru li Ka̱cuaꞌ lin Dios ut quintzꞌa̱ma xcuybal xma̱queb lin tenamit chiru. Quinye re: —At Ka̱cuaꞌ, at nimajcual Dios, a̱cꞌulub nak ta̱xucua̱k a̱cuu. La̱at nacaba̱nu li cꞌaꞌru nacaye saꞌ li contrato ut nacacuuxta̱na ruheb li nequeꞌrahoc a̱cue ut nequeꞌba̱nun re li chakꞌrab li xaqꞌue.