Deuteronomio 6:4 - Li Santil hu

⁴ Abihomak, la̱ex aj Israel, li Ka̱cuaꞌ li kaDios, aꞌan jun ajcuiꞌ.

Q'eqchi Bible

⁴ “Ab'i, Israel: li Qaawa', li qaYos, a'an jun ajwi' chi Qaawa'.

Deuteronomio 6:4 ပူးပေါင်းရင်းမြစ်များ

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

1 Timoteo 2:5

Ut li ya̱l, aꞌan aꞌin: nak jun ajcuiꞌ li Dios cuan ut jun ajcuiꞌ li na-oquen ut naa̱tinac chikix chiru li Dios. Aꞌan li Ka̱cuaꞌ Jesucristo li quitzꞌejcualoꞌ nak quicꞌulun saꞌ ruchichꞌochꞌ.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Juan 10:30

La̱in ut li Yucuaꞌbej junajo chi kibil kib, chan li Jesús.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

Isaías 42:8

La̱in li Ka̱cuaꞌ. “Nimajcual Dios” incꞌabaꞌ. La̱in incꞌaꞌ nacuaj te̱qꞌue lin lokꞌal re jalan chic, chi moco naru te̱lokꞌoni li yi̱banbil dios xban nak caꞌaj cuiꞌ la̱in li tzꞌakal Dios.

1 Crónicas 29:10

Joꞌcan ajcuiꞌ li rey David. Cꞌajoꞌ nak quisahoꞌ saꞌ xchꞌo̱l. Ut quixlokꞌoni li Ka̱cuaꞌ Dios chiruheb chixjunileb li chꞌutchꞌu̱queb aran ut quixye: —Lokꞌoninbilat taxak, at nimajcual Dios. La̱at lix Dios laj Israel li kaxeꞌto̱nil yucuaꞌ chalen chak junxil ut toj chalen anakcuan.

1 Reyes 18:21

Ut laj Elías quijiloc cuanqueb cuiꞌ chixjunil li tenamit ut quixye reheb: —¿Joꞌ najtil chic texcua̱nk chi cuib ru le̱ cꞌaꞌux? Cui li Ka̱cuaꞌ, aꞌan li tzꞌakal Dios, ¿cꞌaꞌut nak incꞌaꞌ te̱pa̱b? Ut cui laj Baal, aꞌan li tzꞌakal Dios, ta̱kehomak aꞌan, chan. Ut eb li tenamit ma̱ jun a̱tin queꞌxye.

Deuteronomio 5:6

Ut li Ka̱cuaꞌ quixye, “La̱in li Ka̱cuaꞌ le̱ Dios. La̱in quin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

2 Reyes 19:5

Queꞌxye re laj Isaías li cꞌaꞌru quixye laj Ezequías.

San Mateo 22:37

Li Jesús quichakꞌoc ut quixye re: —Li chakꞌrab li kꞌaxal nim xcuanquil, aꞌan aꞌin: Ta̱ra li Ka̱cuaꞌ la̱ Dios chi anchal a̱chꞌo̱l ut chi anchal la̱ cua̱m ut chi anchal la̱ cꞌaꞌux.

San Lucas 10:27

Ut aꞌan quichakꞌoc ut quixye: —Chara li Ka̱cuaꞌ la̱ Dios chi anchal a̱chꞌo̱l, chi anchal a̱cua̱m, chi anchal a̱metzꞌe̱u ut chi anchal a̱cꞌaꞌux. Ut chara la̱ cuas a̱cui̱tzꞌin joꞌ nak nacara a̱cuib la̱at, chan.

Romanos 3:30

Nakanau nak jun ajcuiꞌ li Dios. Ut aꞌan naxti̱cobresi xchꞌo̱leb laj judío xban lix pa̱ba̱leb joꞌ ajcuiꞌ li ma̱cuaꞌeb aj judío.

Efesios 4:6

Jun ajcuiꞌ li Dios cuan ut aꞌan li kaYucuaꞌ chikajunilo. Aꞌan li cuan saꞌ kabe̱n chikajunilo. Aꞌan li nacꞌanjelac saꞌ li ka̱m chikajunilo ut aꞌan ajcuiꞌ li cuan kiqꞌuin chikajunilo.

Santiago 2:19

La̱at nacapa̱b nak li Dios jun ajcuiꞌ. Us ajcuiꞌ nak nacapa̱b. Aban joꞌcan ajcuiꞌ eb li ma̱us aj musikꞌej nequeꞌxpa̱b nak jun ajcuiꞌ li Dios cuan ut nequeꞌsicsot xban xxiuheb.

Deuteronomio 4:39

Joꞌcan nak junelic cua̱nk saꞌ e̱chꞌo̱l nak li Ka̱cuaꞌ, aꞌan li nimajcual Dios, joꞌ saꞌ choxa joꞌ saꞌ ruchichꞌochꞌ. Ma̱ jun chic Dios cuan. Caꞌaj cuiꞌ aꞌan.

2 Crónicas 17:9

Queꞌxcꞌam li hu li tzꞌi̱banbil cuiꞌ lix chakꞌrab li Dios. Ut queꞌxbeni saꞌ chixjunileb li tenamit li cuanqueb Judá. Queꞌxchꞌolob xya̱lal li naxye li chakꞌrab.

Nehemías 9:6

Ut laj Esdras quitijoc ut quixye: —At Ka̱cuaꞌ, caꞌaj cuiꞌ la̱at li Dios. Ma̱ ani chic junak Dios. Caꞌaj cuiꞌ la̱at. La̱at catyi̱ban re li choxa joꞌ ajcuiꞌ chixjunil li cuan chiru. La̱at catyi̱ban re li ruchichꞌochꞌ ut chixjunil li cuan chiru. La̱at catyi̱ban re li palau joꞌ ajcuiꞌ chixjunil li cuan chi saꞌ. La̱at nacaqꞌue xyuꞌameb chixjunil li cꞌaꞌru cuan. Joꞌcan nak chixjunileb li cuanqueb saꞌ choxa nacateꞌxlokꞌoni.

Salmos 78:5

Quixqꞌue jun li chakꞌrab re laj Jacob ut quixye cꞌaꞌru teꞌxba̱nu eb laj Israel. Ut quixye ajcuiꞌ reheb li kaxeꞌto̱nil yucuaꞌ nak teꞌxcꞌut chiruheb li ralal xcꞌajol li cꞌaꞌru quixye nak tento teꞌxba̱nu.

Salmos 86:10

Teꞌxqꞌue a̱lokꞌal xban nak kꞌaxal nim a̱cuanquil ut sachba chꞌo̱lej li nalaja̱ba̱nu. Caꞌaj cuiꞌ la̱at li tzꞌakal Dios.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.