Deuteronomio 5:5 - Li Santil hu

⁵ La̱in quinqꞌue cuib saꞌ e̱yi la̱ex ut li Ka̱cuaꞌ re nak tinye e̱re cꞌaꞌru naxye li Ka̱cuaꞌ. La̱ex quexxucuac xban li xam. Joꞌcan nak incꞌaꞌ quextakeꞌ saꞌ li tzu̱l.

Q'eqchi Bible

⁵ Sa' li kutan a'an laa'in wankin sa' yiib'ej rik'in li Qaawa' ut laa'ex, re xq'axtesinkil eere li raatin, xb'aan naq laa'ex yo eexiw chiru li xam ut ink'a' kextaqe'k chiru li tzuul. A'aneb' a'in li aatin kixye:

Deuteronomio 5:5 ပူးပေါင်းရင်းမြစ်များ

Gálatas 3:19

¿Cꞌaꞌru aj e nak quiqꞌueheꞌ li chakꞌrab? Aꞌan quiqꞌueheꞌ re nak tixcꞌut chiruheb li tenamit nak aꞌaneb aj kꞌetol chakꞌrab. Ut li chakꞌrab aꞌan quicuan xcuanquil toj quicꞌulun li Jesucristo li quiyoꞌla saꞌ xya̱nkeb li ralal xcꞌajol laj Abraham, li yechiꞌinbil xban li Dios. Eb li ángel queꞌcꞌanjelac chiru li Dios nak queꞌxye li chakꞌrab re laj Moisés; ut laj Moisés, aꞌan li quiyehoc re chiruheb li tenamit.

Éxodo 19:16

Saꞌ rox li cutan toj ekꞌela, natenloc li ca̱k ut nareploc li rakꞌ ca̱k. Quicuan jun chok kꞌaxal moymo ru saꞌ xbe̱n li tzu̱l. Chixjunileb li tenamit queꞌrabi xya̱b li trompeta chi cau ut nequeꞌsicsot xbaneb xxiu.

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

Jeremías 30:21

Saꞌ xya̱nkeb ajcuiꞌ aꞌan ta̱e̱lk chak li ta̱cꞌamok be chiruheb. Li ani ta̱takla̱nk saꞌ xbe̱neb la̱in tinsicꞌ ru saꞌ xya̱nkeb. Aꞌan ta̱a̱tinak cuiqꞌuin ut la̱in tincuabi. ¿Ma cuan ta biꞌ junak ta̱ru̱k ta̱a̱tinak cuiqꞌuin cui la̱in incꞌaꞌ tinbok?

Salmos 106:23

Li Dios quixye nak tixsach ruheb laj Israel lix tenamit. Abanan laj Moisés li sicꞌbil ru xban quia̱tinac chirixeb re nak li Dios incꞌaꞌ tixsach ruheb. Ut quinumeꞌ caꞌchꞌin lix joskꞌil li Dios saꞌ xbe̱neb ut incꞌaꞌ quixsach ruheb.

Deuteronomio 5:27

At Ka̱cuaꞌ Moisés, tatjilok cuiꞌchic la̱at ut ta̱cuabi chixjunil li cꞌaꞌru tixye li Ka̱cuaꞌ li kaDios. Chirix aꞌan ta̱ye ke cꞌaꞌru tixye ut la̱o takabi ut takaba̱nu li cꞌaꞌru tixye ke”, chanqueb.

Números 16:48

Laj Aarón quixakli saꞌ xyiheb li camenak ut li yoꞌyo̱queb. Ut queꞌxcanab ca̱mc xban li caki yajel.

Génesis 18:22

Eb li cuib chi cui̱nk queꞌco̱eb aran Sodoma. Ut laj Abraham quicana rochben li Ka̱cuaꞌ Dios.

Éxodo 19:21

Li Ka̱cuaꞌ quixye re laj Moisés: —Cuben. Ayu. Ta̱ye reheb li cristian nak meꞌjiloc chak arin chicuilbal. Cui nequeꞌjiloc chak arin teꞌca̱mk.

Éxodo 19:25

Ut laj Moisés quicube chak ut quixye reheb chixjunil li cꞌaꞌru quiyeheꞌ re xban li Dios.

2 Reyes 18:4

Laj Ezequías quixjuqꞌui li naꞌajej najt xteram li nequeꞌxlokꞌoni cuiꞌ li yi̱banbil dios. Quixjori li ni̱nki jalam u̱ch Asera xcꞌabaꞌ. Ut quixpuqꞌui li yi̱banbil dios. Ut quixjori ajcuiꞌ li cꞌantiꞌ yi̱banbil riqꞌuin bronce li quixyi̱b laj Moisés xban nak eb laj Israel yo̱queb chixcꞌatbal lix incienso chiru. Nehustán quiqꞌueheꞌ chokꞌ xcꞌabaꞌ li cꞌantiꞌ aꞌan.