Deuteronomio 5:4 - Li Santil hu

⁴ Li Ka̱cuaꞌ quia̱tinac e̱riqꞌuin chi tzꞌakal saꞌ li xam aran saꞌ li tzu̱l.

Q'eqchi Bible

⁴ Li Qaawa' kexraatina chi xnaq' eeru chiru li tzuul, sa' xyi li xam.

Deuteronomio 5:4 ပူးပေါင်းရင်းမြစ်များ

Deuteronomio 34:10

Chalen saꞌ li cutan aꞌan, ma̱ jun chic profeta quicuan saꞌ xya̱nkeb laj Israel joꞌ laj Moisés queꞌril ta ru li Dios chi tzꞌakal joꞌ quixba̱nu aꞌan.

Deuteronomio 4:36

Toj saꞌ choxa quia̱tinac chak e̱riqꞌuin re xcꞌutbal che̱ru cꞌaꞌru te̱ba̱nu. Ut arin saꞌ ruchichꞌochꞌ quixcꞌut che̱ru li xam ut querabi lix ya̱b xcux saꞌ li xam nak quexra̱tina.

Deuteronomio 4:33

¿Ma cuanqueb ta biꞌ jalan tenamit queꞌabin re nak li Dios quia̱tinac chak saꞌ li xam ut incꞌaꞌ queꞌcam xban? Abanan la̱ex querabi nak quia̱tinac li Dios ut incꞌaꞌ quexcam.

Éxodo 19:9

Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Éxodo 33:11

Ut naa̱tinac li Dios riqꞌuin laj Moisés joꞌ nak nequeꞌa̱tinac cuib li rami̱gueb rib. Nak nasukꞌi laj Moisés saꞌ xmuheba̱l, laj Josué laj cꞌanjel chiru, nacana saꞌ li tabernáculo. Li sa̱j cui̱nk aꞌin, aꞌan li ralal laj Nun.

Números 14:14

Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

Éxodo 20:1

Ut li Dios quia̱tinac ut quixye chixjunil li a̱tin aꞌin:

Deuteronomio 4:12

Ut li Ka̱cuaꞌ quia̱tinac e̱riqꞌuin saꞌ li xam. La̱ex querabi li xya̱b xcux li Ka̱cuaꞌ abanan incꞌaꞌ queril ru.

Deuteronomio 4:15

Nak li Dios quia̱tinac e̱riqꞌuin saꞌ li xam saꞌ li tzu̱l Sinaí, incꞌaꞌ queꞌril ru chi tzꞌakal. Caꞌaj cuiꞌ lix ya̱b xcux querabi. Cheba̱nuhak cue̱nt.

Deuteronomio 5:22

Aꞌaneb aꞌin li chakꞌrab li quixqꞌue e̱re li Ka̱cuaꞌ nak chꞌutchꞌu̱quex che̱junilex saꞌ xto̱n li tzu̱l. Li Ka̱cuaꞌ quia̱tinac chi cau xya̱b xcux saꞌ li xam, ut saꞌ li chok li kꞌojyi̱n ru. Ut ma̱cꞌaꞌ chic quixye. Chirix aꞌan quixtzꞌi̱ba li chakꞌrab aꞌan chiru li cuib chi perpo̱quil pec, ut quixqꞌue cue li pec aꞌan.