Deuteronomio 5:2 - Li Santil hu

² Li Ka̱cuaꞌ li kaDios quixba̱nu jun li contrato kiqꞌuin saꞌ li tzu̱l Horeb.

Q'eqchi Bible

² “Li Qaawa' li qaYos kixk'ojob' jun Sumwank qik'in chiru li tzuul Horeb.

Deuteronomio 5:2 ပူးပေါင်းရင်းမြစ်များ

Deuteronomio 4:23

Cheba̱nu cue̱nt re nak incꞌaꞌ ta̱sachk saꞌ e̱chꞌo̱l li contrato li quixba̱nu li Ka̱cuaꞌ le̱ Dios e̱riqꞌuin. Me̱yi̱b e̱pechꞌbil dios joꞌ xjalam u̱ch li cꞌaꞌak re ru li quixye li Dios nak incꞌaꞌ naru te̱lokꞌoni,

Éxodo 24:8

Ut laj Moisés quixchap li quicꞌ li xocbil saꞌ eb li ucꞌal ut quixrachrachi saꞌ xbe̱neb li tenamit. Ut quixye: —Li quicꞌ aꞌin, aꞌan retalil li contrato li quixba̱nu li Dios e̱riqꞌuin joꞌ tzꞌi̱banbil saꞌ li hu aꞌin, chan.

Éxodo 19:1

Saꞌ li xbe̱n cutan re li rox po reliqueb saꞌ li tenamit Egipto nak queꞌcuulac laj Israel saꞌ li chaki chꞌochꞌ Sinaí xcꞌabaꞌ.

Éxodo 34:10

Ut li Dios quixye: —La̱in tinba̱nu lin contrato e̱riqꞌuin. Chiruheb chixjunileb li cristian tincꞌut lin cuanquilal. Ma̱ jun cua e̱rilom saꞌ ruchichꞌochꞌ li tinba̱nu la̱in. Ut chixjunileb laj Israel teꞌril li tinba̱nu ut teꞌxnau nak aꞌan xba̱nuhom li Dios xban nak nimla sachba chꞌo̱lej li tinba̱nu e̱riqꞌuin.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 29:1

Aꞌan aꞌin li contrato li quixye li Dios re laj Moisés re tixba̱nu riqꞌuineb laj Israel nak cuanqueb saꞌ li naꞌajej Moab. Aꞌan aꞌin lix comon li contrato li quixba̱nu li Dios riqꞌuineb saꞌ li tzu̱l Horeb.

Jeremías 31:32

Ma̱cuaꞌ joꞌ li contrato li quinba̱nu riqꞌuineb lix xeꞌto̱nil yucuaꞌ nak quebinchꞌilo chak chi rukꞌeb nak quicuisiheb chak saꞌ li tenamit Egipto. Usta la̱in chanchanin jun li be̱lomej chokꞌ reheb, abanan eb aꞌan queꞌxsach xcuanquil li contrato quinba̱nu riqꞌuineb junxil.

Jeremías 34:13

—La̱in li Ka̱cuaꞌ lix Dioseb laj Israel. La̱in quinba̱nu jun li contrato riqꞌuineb le̱ xeꞌto̱nil yucuaꞌ nak quicuisiheb saꞌ li naꞌajej Egipto li queꞌcuan cuiꞌ chak chokꞌ rahobtesinbil mo̱s. Quinye reheb:

Malaquías 4:4

Misach saꞌ e̱chꞌo̱l li chakꞌrab li quinqꞌue re laj Moisés laj cꞌanjel chicuu saꞌ xbe̱n li tzu̱l Horeb li quinqꞌue e̱re che̱junilex la̱ex aj Israel.

Deuteronomio 1:6

Quixye: —Nak cuanco Horeb, li Ka̱cuaꞌ li kaDios quia̱tinac kiqꞌuin ut quixye ke chi joꞌcaꞌin. Ac junxil nequex-oc chi cua̱nc saꞌ li tzu̱l aꞌin.

Deuteronomio 4:13

Ut li Dios quixba̱nu li contrato e̱riqꞌuin ut quixqꞌue e̱re li laje̱b chi chakꞌrab li quixtzꞌi̱ba chiru li cuib pere̱l li pec ti̱c ru. Quixye e̱re nak tento te̱ba̱nu li cꞌaꞌru naxye li chakꞌrab.

2 Reyes 17:35

Nak li Ka̱cuaꞌ quixba̱nu li contrato riqꞌuineb laj Israel quixchakꞌrabiheb ut quixye reheb: —Me̱lokꞌoni li jalanil dios, chi moco te̱cuikꞌib e̱rib chiruheb. Incꞌaꞌ texcꞌanjelak chiruheb chi moco texmayejak chiruheb.

Jeremías 11:4

Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.