Deuteronomio 4:9 - Li Santil hu

⁹ Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

Q'eqchi Bible

⁹ Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

Deuteronomio 4:9 ပူးပေါင်းရင်းမြစ်များ

Deuteronomio 6:7

Ut te̱chꞌolob xya̱lal chiruheb le̱ ralal e̱cꞌajol. Rajlal te̱cꞌut lix ya̱lal chiruheb saꞌ le̱ rochoch, ut nak yo̱kex chi be̱c, joꞌ ajcuiꞌ nak oc e̱re chi cua̱rc ut nak texcuacli̱k.

Deuteronomio 11:19

Ut te̱cꞌut ajcuiꞌ li ra̱tin li Dios chiruheb le̱ ralal e̱cꞌajol. Junelic te̱serakꞌi reheb nak cua̱nkex saꞌ le̱ rochoch ut nak yo̱kex chi be̱c, nak oc e̱re chi cua̱rc, ut joꞌcan ajcuiꞌ nak texcuacli̱k.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Deuteronomio 32:46

Tojoꞌnak quixye reheb: —Qꞌuehomak retal chixjunil li xinye e̱re chiru li cutan aꞌin ut cheba̱nuhak. Ut te̱ye reheb le̱ ralal e̱cꞌajol nak teꞌxba̱nu chixjunil li naxye saꞌ li chakꞌrab aꞌin.

Efesios 6:4

Ex naꞌbej ex yucuaꞌbej, me̱chikꞌ xjoskꞌileb le̱ ralal e̱cꞌajol chi ma̱cꞌaꞌ rajbal. Cheqꞌuiresihakeb ban saꞌ xya̱lal riqꞌuin xkꞌusbaleb ut riqꞌuin xtijbaleb saꞌ xcꞌabaꞌ li Ka̱cuaꞌ Jesucristo.

Deuteronomio 29:29

Cuan li naꞌleb li incꞌaꞌ quixcꞌutbesi chiku li Ka̱cuaꞌ xban nak aꞌan re li Ka̱cuaꞌ li kaDios. Abanan li cꞌaꞌru quixcꞌutbesi chiku, aꞌan ke la̱o ut reheb li kalal kacꞌajol li teꞌcua̱nk mokon re nak takaba̱nu li cꞌaꞌru naxye saꞌ li chakꞌrab aꞌin.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

Proverbios 1:8

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal naxqꞌue le̱ yucuaꞌ. Ut me̱tzꞌekta̱na le̱ tijbal naxqꞌue le̱ naꞌ.

Salmos 71:18

At inDios, mina̱canab injunes anakcuan nak ac ti̱xin chic ut sak chic injolom xban nak tento tinye resil la̱ cuanquilal reheb li tenamit aꞌin ut reheb li alal cꞌajolbej li teꞌyoꞌla̱k mokon.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

Proverbios 3:21

Ex cualal incꞌajol, me̱canab xba̱nunquil li cha̱bil naꞌleb. Junelic ban cua̱nk saꞌ e̱chꞌo̱l li us.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

Josué 4:21

Ut quixye reheb laj Israel: —Mokon eb le̱ ralal e̱cꞌajol teꞌxpatzꞌ e̱re: “¿Cꞌaꞌru aj e li pec aꞌin?” chaꞌkeb.

Proverbios 7:1

Ex cualal incꞌajol, checꞌu̱la taxak saꞌ le̱ chꞌo̱l li cua̱tin ut cheba̱nu li naxye lin chakꞌrab.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

Isaías 38:19

Caꞌaj cuiꞌ li yoꞌyo̱queb teꞌqꞌuehok a̱lokꞌal. Joꞌ la̱in yoꞌyo̱quin ut yo̱quin chixqꞌuebal a̱lokꞌal anakcuan. Eb li yucuaꞌbej nequeꞌxserakꞌi reheb li ralal xcꞌajol nak kꞌaxal cha̱bilat.

Deuteronomio 4:23

Cheba̱nu cue̱nt re nak incꞌaꞌ ta̱sachk saꞌ e̱chꞌo̱l li contrato li quixba̱nu li Ka̱cuaꞌ le̱ Dios e̱riqꞌuin. Me̱yi̱b e̱pechꞌbil dios joꞌ xjalam u̱ch li cꞌaꞌak re ru li quixye li Dios nak incꞌaꞌ naru te̱lokꞌoni,

Santiago 2:22

¿Ma incꞌaꞌ nacaqꞌue retal nak laj Abraham quixba̱nu li us ut riqꞌuin aꞌan quicꞌutun lix pa̱ba̱l? Ut riqꞌuin li quixba̱nu quitzꞌakloc ru lix pa̱ba̱l.

Deuteronomio 31:19

Chatzꞌi̱ba biꞌ li bich aꞌin ut ta̱cꞌut chiruheb laj Israel re nak aꞌaneb teꞌxbicha. Li bich aꞌin tixchꞌolob xya̱lal chiruheb nak incꞌaꞌ us queꞌxba̱nu.

San Lucas 8:18

Joꞌcan ut cheqꞌuehak retal li cꞌaꞌru te̱rabi xban nak li ani naxqꞌue xchꞌo̱l chixtaubal ru lix ya̱lal, ta̱qꞌuehekꞌ mas xnaꞌleb. Abanan li incꞌaꞌ naxqꞌue xchꞌo̱l chixtaubal ru, ta̱makꞌekꞌ chiru li naxcꞌoxla nak naxnau, chan.

Josué 1:18

Chixjunileb li incꞌaꞌ teꞌabi̱nk cha̱cuu, ut incꞌaꞌ teꞌxba̱nu li cꞌaꞌru ta̱ye, eb aꞌan teꞌcamsi̱k. Li cꞌaꞌru nakaj la̱o, aꞌan nak incꞌaꞌ ta̱chꞌina̱nk a̱chꞌo̱l. Cauhak ban a̱chꞌo̱l chi cꞌamoc be chiku, chanqueb li tenamit re laj Josué.

Deuteronomio 4:15

Nak li Dios quia̱tinac e̱riqꞌuin saꞌ li xam saꞌ li tzu̱l Sinaí, incꞌaꞌ queꞌril ru chi tzꞌakal. Caꞌaj cuiꞌ lix ya̱b xcux querabi. Cheba̱nuhak cue̱nt.

Éxodo 10:2

Chi joꞌcan la̱ex te̱ye reheb le̱ ralal e̱cꞌajol chanru xinba̱nu riqꞌuineb laj Egipto nak xincꞌutbesi lin cuanquilal chiruheb. La̱ex te̱nau nak relic chi ya̱l nak la̱in li Ka̱cuaꞌ Dios, chan.

Éxodo 23:13

Cheba̱nu chixjunil li xinye e̱re. Incꞌaꞌ te̱lokꞌoni li jalanil dios chi moco te̱patzꞌ xcꞌabaꞌeb.

Deuteronomio 4:10

Chijulticokꞌ e̱re li cutan nak quexinchꞌutub chiru li Ka̱cuaꞌ le̱ Dios aran Horeb nak quixye cue li Ka̱cuaꞌ, “Chꞌutubeb chixjunileb li tenamit re teꞌrabi lin chakꞌrab re nak teꞌxqꞌue inlokꞌal joꞌ najtil chic yoꞌyo̱keb. Ut re ajcuiꞌ nak teꞌxcꞌut chiruheb li ralal xcꞌajol”, chan li Dios.

Deuteronomio 6:2

Tincꞌut li chakꞌrab che̱ru re nak la̱ex ut eb le̱ ralal e̱cꞌajol ut eb le̱ ri te̱xucua ru li Ka̱cuaꞌ le̱ Dios. Junelic te̱ba̱nu lix chakꞌrab ut le̱ taklanquil xban re nak ta̱najtokꞌ rok le̱ yuꞌam.

Deuteronomio 6:12

Nak sa cua̱nkex, incꞌaꞌ taxak ta̱sachk saꞌ e̱chꞌo̱l li Ka̱cuaꞌ le̱ Dios, li qui-isin chak e̱re Egipto, li quexcuan cuiꞌ chak chokꞌ rahobtesinbil mo̱s.

Deuteronomio 6:20

Ut saꞌ eb li cutan teꞌcha̱lk eb le̱ ralal e̱cꞌajol teꞌxpatzꞌ e̱re cꞌaꞌru aj e chixjunil li chakꞌrab ut li taklanquil li quixqꞌue ke li Ka̱cuaꞌ li kaDios.

Deuteronomio 8:11

Cheqꞌuehak retal chi us re nak incꞌaꞌ te̱canab xpa̱banquil li Ka̱cuaꞌ le̱ Dios. Junelic te̱ba̱nu li chakꞌrab li quixqꞌue e̱re. Cheba̱nuhak le̱ taklanquil li quixqꞌue. Junelic taxak te̱ba̱nu chixjunil li yo̱quin chixyebal e̱re anakcuan.

Deuteronomio 8:14

Nak acak xtam li cꞌaꞌru e̱re, incꞌaꞌ taxak te̱nimobresi e̱rib. Ut incꞌaꞌ taxak ta̱sachk saꞌ e̱chꞌo̱l nak li Ka̱cuaꞌ le̱ Dios, aꞌan li qui-isin chak e̱re Egipto, li quexcuan cuiꞌ chak chokꞌ rahobtesinbil mo̱s.

Deuteronomio 12:1

Aꞌaneb aꞌin li chakꞌrab ut le̱ taklanquil li tento te̱ba̱nu nak cua̱nkex saꞌ li naꞌajej li tixqꞌue e̱re li Ka̱cuaꞌ lix Dioseb le̱ xeꞌto̱nil yucuaꞌ. Cheba̱nu li cꞌaꞌru naxye saꞌ li chakꞌrab aꞌin joꞌ najtil texcua̱nk saꞌ li naꞌajej li tixqꞌue e̱re li Ka̱cuaꞌ.

Deuteronomio 16:3

Incꞌaꞌ te̱tzaca tib riqꞌuin li caxlan cua cuan xchꞌamal. Chiru cuukub cutan te̱cuaꞌ li caxlan cua ma̱cꞌaꞌ xchꞌamal, li caxlan cua re rahil chꞌo̱lej. Te̱ba̱nu chi joꞌcan re nak junelic ta̱julticokꞌ e̱re chanru nak quex-el chak Egipto saꞌ junpa̱t, li bar quexrahobtesi̱c cuiꞌ.

Deuteronomio 17:19

Li chakꞌrab aꞌan cua̱nk riqꞌuin ut rajlal cutan ta̱ril xsaꞌ joꞌ najtil yoꞌyo re nak tixtzol rib chixxucuanquil ru li Ka̱cuaꞌ lix Dios ut re ajcuiꞌ nak tixba̱nu lix taklanquil joꞌ ajcuiꞌ li cꞌaꞌru tzꞌi̱banbil saꞌ li chakꞌrab.

Jueces 3:7

Eb laj Israel queꞌxba̱nu li ma̱usilal chiru li Ka̱cuaꞌ. Queꞌxcanab xlokꞌoninquil li Ka̱cuaꞌ lix Dioseb. Aꞌ chic eb li yi̱banbil dios Baal ut eb li yi̱banbil dios Asera queꞌxlokꞌoni.

Jueces 8:34

Ut eb laj Israel incꞌaꞌ chic quijulticoꞌ reheb li Ka̱cuaꞌ Dios li quicoloc reheb chiruheb li xicꞌ nequeꞌiloc reheb, li cuanqueb chi xjun sutam lix naꞌajeb.

Jeremías 17:21

Aꞌan aꞌin li naxye li Ka̱cuaꞌ: Cui nequera le̱ yuꞌam, mex-i̱kan saꞌ li hiloba̱l cutan chi moco te̱rocsi li cꞌaꞌak re ru saꞌ eb li oqueba̱l re li tenamit Jerusalén.

Josué 23:11

Joꞌcan nak tento te̱ba̱nu cue̱nt ut cherahak li Ka̱cuaꞌ le̱ Dios.

Isaías 42:20

La̱ex aj Israel, nabal li cꞌaꞌru xeril, abanan incꞌaꞌ xetau ru li cꞌaꞌru xeril. Nequex-abin, abanan incꞌaꞌ nequeqꞌue retal li cꞌaꞌru nequerabi, chan li Dios.