Deuteronomio 4:6 - Li Santil hu

⁶ Cheqꞌue e̱chꞌo̱l chixba̱nunquil le̱ taklanquil xban li Ka̱cuaꞌ xban nak cui te̱ba̱nu chi joꞌcan chixjunileb li tenamit teꞌxqꞌue retal nak cuan e̱naꞌleb. Eb aꞌan teꞌrabi resil lix chakꞌrab li Dios ut teꞌxye: “Relic chi ya̱l li nimla tenamit aꞌan cuanqueb xnaꞌleb ut nequeꞌxnau xya̱lal” chaꞌkeb.

Q'eqchi Bible

⁶ Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.

Deuteronomio 4:6 ပူးပေါင်းရင်းမြစ်များ

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Salmos 111:10

Li ani ta̱raj ta̱cua̱nk xnaꞌleb, tento nak tixxucua ru li Dios. Li Ka̱cuaꞌ naxqꞌue xnaꞌlebeb chixjunileb li nequeꞌxba̱nu li cꞌaꞌru naxye lix chakꞌrab. Lokꞌoninbil taxak li Ka̱cuaꞌ chi junelic kꞌe cutan.

2 Timoteo 3:15

Chalen chak toj saꞌ a̱caꞌchꞌinal ac nacanau xsaꞌ li Santil Hu. Nacanau nak aꞌan li nacꞌutuc lix ya̱lal chiku nak li colba-ib natauman riqꞌuin xpa̱banquil li Jesucristo.

1 Reyes 4:34

Eb li rey li cuanqueb yalak bar queꞌrabi resil nak laj Salomón cuan xnaꞌleb ut queꞌcuulac li tenamit chirabinquil li naꞌleb li naxqꞌue. Joꞌcan ajcuiꞌ eb li tenamit queꞌcuulac chirabinquil.

Santiago 3:13

Li ani cuanqueb xnaꞌleb saꞌ e̱ya̱nk ut nequeꞌxnau xya̱lal chi us, cheꞌxcꞌutak saꞌ tu̱lanil lix cha̱bilaleb aꞌ yal chanru lix naꞌlebeb.

Jeremías 8:9

Teꞌcꞌutekꞌ xxuta̱neb li cuanqueb xnaꞌleb. Teꞌsachk xnaꞌlebeb ut incꞌaꞌ chic teꞌxnau cꞌaꞌru teꞌxba̱nu. Queꞌxtzꞌekta̱na li cua̱tin. ¿Ma cuan ta biꞌ chic xnaꞌlebeb anakcuan eb aꞌan?

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Salmos 19:7

Lix chakꞌrab li Dios tzꞌakal re ru ut nax-acꞌobresi li kayuꞌam. Li ra̱tin li Ka̱cuaꞌ Dios, aꞌan tzꞌakal ya̱l ut naxqꞌue xnaꞌleb li ma̱cꞌaꞌ xnaꞌleb.

Malaquías 3:12

Ut chixjunileb li xni̱nkal ru tenamit teꞌxye nak osobtesinbilex xban nak cꞌajoꞌak chic xchꞌinaꞌusal le̱ naꞌaj, chan li nimajcual Dios.

Daniel 1:20

Chixjunil li cꞌaꞌru queꞌpatzꞌeꞌ reheb xban li rey, li ca̱hib chi cui̱nk aꞌin kꞌaxal cha̱bil queꞌxsume. Kꞌaxal cuiꞌchic cha̱bil queꞌxsume chiruheb chixjunileb li cuanqueb rubel xcuanquil li rey joꞌ laj kꞌe ut eb li nequeꞌtzoloc chirix li chahim.

Proverbios 14:8

Li ani se̱b xchꞌo̱l cuan xnaꞌleb chixqꞌuebal retal chanru lix yuꞌam. Abanan li ma̱cꞌaꞌeb xnaꞌleb incꞌaꞌ nequeꞌxnau xqꞌuebal retal chanru lix yuꞌameb. Xjuneseb nequeꞌxbalakꞌi rib.

Daniel 4:9

Ut quinye re: —La̱at laj cꞌamol be saꞌ xya̱nkeb laj kꞌe. At Beltsasar, la̱in ninnau nak qꞌuebil a̱naꞌleb xbaneb la̱ dios santo. Ninnau nak ma̱cꞌaꞌ mukmu cha̱cuu. Ye cue cꞌaꞌru naxye lin matcꞌ.

Deuteronomio 29:9

Cheba̱nu chi tzꞌakal re ru chixjunil li naxye saꞌ li contrato aꞌin re nak us tex-e̱lk riqꞌuin li cꞌaꞌru te̱ba̱nu.

Deuteronomio 32:46

Tojoꞌnak quixye reheb: —Qꞌuehomak retal chixjunil li xinye e̱re chiru li cutan aꞌin ut cheba̱nuhak. Ut te̱ye reheb le̱ ralal e̱cꞌajol nak teꞌxba̱nu chixjunil li naxye saꞌ li chakꞌrab aꞌin.

Deuteronomio 32:47

Li chakꞌrab li quixqꞌue li Dios ma̱cuaꞌ yal a̱tin. Cuan ban rajbal xban nak aꞌan ta̱qꞌuehok e̱yuꞌam. Cui te̱ba̱nu li cꞌaꞌru naxye saꞌ li chakꞌrab, najt texcua̱nk saꞌ li naꞌajej li xic e̱re chire̱chaninquil jun pacꞌal li nimaꞌ Jordán, chan laj Moisés.

Ezequiel 5:5

Joꞌcaꞌin xye li Ka̱cuaꞌ li nimajcual Dios: —La̱in xinxakaban re li nimla tenamit Jerusalén saꞌ xyi li xni̱nkal tenamit li cuanqueb chixjun sutam.

Oseas 8:12

Quintzꞌi̱ba chokꞌ reheb lix nimal xcuanquil lin chakꞌrab, abanan ma̱cꞌaꞌ qui-oc cuiꞌ chiruheb.

Salmos 19:8

Lix chakꞌrab li Ka̱cuaꞌ Dios, aꞌan tzꞌakal ti̱c ut incꞌaꞌ najala, ut naxqꞌue sahil chꞌo̱lej. Li chakꞌrab canabanbil xban li Ka̱cuaꞌ Dios, aꞌan tzꞌakal ya̱l ut naxcutanobresi li kanaꞌleb.

Proverbios 1:4

Ut tixtenkꞌaheb ajcuiꞌ chi cua̱nc xcꞌaꞌuxeb li incꞌaꞌ nequeꞌxnau cꞌoxlac. Ut naxqꞌue xnaꞌlebeb li toj sa̱jeb re nak teꞌxcꞌoxla chi us cꞌaꞌru teꞌxba̱nu.

Proverbios 1:5

Li ani cuan xnaꞌleb ut se̱b xchꞌo̱l chixqꞌuehak retal li a̱tin aꞌin re nak tixtau xtzꞌakob lix naꞌleb.

Proverbios 14:34

Junak li tenamit li cuan saꞌ ti̱quilal cuan xlokꞌal. Ut li tenamit li incꞌaꞌ nacuan saꞌ ti̱quilal xuta̱nal na-el.

Isaías 42:21

Li Ka̱cuaꞌ nacuulac chiru xba̱nunquil chixjunil saꞌ ti̱quilal. Joꞌcan nak quixqꞌue xcuanquil li chakꞌrab ut quixqꞌue ajcuiꞌ xlokꞌal.