Deuteronomio 4:5 - Li Santil hu

⁵ Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.

Q'eqchi Bible

⁵ Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

Deuteronomio 4:5 ပူးပေါင်းရင်းမြစ်များ

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Hebreos 3:5

Relic chi ya̱l nak laj Moisés quipa̱ban chiru li Dios ut quicꞌamoc be chiruheb laj Israel. Quixchꞌolob xya̱lal li cꞌaꞌru ta̱cꞌulma̱nk mokon. Laj Moisés yal aj cꞌanjel chiru li Dios.

Deuteronomio 4:1

Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

1 Corintios 15:3

Li cꞌaꞌru quixcꞌut li Ka̱cuaꞌ chicuu, aꞌan ajcuiꞌ li xinchꞌolob che̱ru. Lix ya̱lal aꞌan kꞌaxal nim xcuanquil ut aꞌan aꞌin: nak li Ka̱cuaꞌ Jesucristo quicam re xtojbal rix li kama̱c joꞌ tzꞌi̱banbil najter saꞌ li Santil Hu xbaneb li profeta.

1 Corintios 11:28

Joꞌcan ut li junju̱nk tento tixqꞌue retal ma ti̱c lix yuꞌam saꞌ lix pa̱ba̱l nak toj ma̱jiꞌ naxcꞌul li caxlan cua ut li ucꞌa.

Éxodo 18:20

Ta̱chꞌolob xya̱lal lix chakꞌrab li Dios chiruheb. La̱at tatyehok reheb cꞌaꞌru teꞌxba̱nu.

Levítico 7:38

Li Ka̱cuaꞌ quixqꞌue li chakꞌrab aꞌin re laj Moisés saꞌ li tzu̱l Sinaí nak cuanqueb saꞌ li chaki chꞌochꞌ. Quixqꞌue reheb saꞌ li cutan nak quixye reheb laj Israel nak teꞌmayejak chiru.

Levítico 26:46

Aꞌaneb aꞌin li chakꞌrab, li tijleb ut lix taklanquileb li quixqꞌue li Ka̱cuaꞌ re laj Moisés saꞌ li tzu̱l Sinaí chokꞌ reheb laj Israel.

Levítico 27:34

Aꞌaneb aꞌin li chakꞌrab li quixqꞌue li Dios reheb laj Israel, li quixqꞌue re laj Moisés saꞌ li tzu̱l Sinaí.

Deuteronomio 4:2

Incꞌaꞌ te̱risi junak a̱tin saꞌ xya̱nkeb li tinye e̱re chi moco te̱qꞌue xtzꞌakob. Cheba̱nu chi tzꞌakal li naxye lix chakꞌrab li Ka̱cuaꞌ le̱ Dios, li yo̱quin chixyebal e̱re.

Deuteronomio 4:4

Abanan che̱junilex la̱ex li incꞌaꞌ quetzꞌekta̱na li Ka̱cuaꞌ toj yoꞌyo̱quex anakcuan.

Salmos 71:17

At inDios, chalen chak saꞌ incaꞌchꞌinal la̱at xacꞌut lix ya̱lal chicuu. Ut toj chalen anakcuan yo̱quin ajcuiꞌ xyebal resil li nacaba̱nu riqꞌuin xnimal la̱ cuanquil.

Levítico 19:19

Cheba̱nu li chakꞌrab li yo̱quin chixqꞌuebal e̱re. Me̱qꞌue chi batzꞌu̱nc le̱ queto̱mk riqꞌuin li xul li jalan pa̱y ru. Ut incꞌaꞌ te̱rau cuib pa̱y ru li iyaj saꞌ jun chi naꞌajej. Ut incꞌaꞌ te̱rocsi le̱ rakꞌ li jalan jala̱nk pa̱y ru lix nokꞌil.

Deuteronomio 4:40

Junelic cheba̱nu li cꞌaꞌru naxye saꞌ li chakꞌrab ut te̱ba̱nu le̱ taklanquil xban li Dios li yo̱quin chixyebal e̱re anakcuan re nak us tex-e̱lk, joꞌqueb ajcuiꞌ le̱ ralal e̱cꞌajol; ut re ajcuiꞌ nak najt texcua̱nk saꞌ li cha̱bil naꞌajej li yo̱ chixqꞌuebal e̱re anakcuan li Ka̱cuaꞌ le̱ Dios re te̱re̱chani chi junaj cua.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 7:11

Joꞌcan nak cheqꞌuehak retal ut te̱ba̱nu chixjunil li naxye li chakꞌrab ut te̱ba̱nu le̱ taklanquil li quixqꞌue li Dios. Te̱ba̱nu chixjunil li tinye e̱re anakcuan.

Deuteronomio 8:11

Cheqꞌuehak retal chi us re nak incꞌaꞌ te̱canab xpa̱banquil li Ka̱cuaꞌ le̱ Dios. Junelic te̱ba̱nu li chakꞌrab li quixqꞌue e̱re. Cheba̱nuhak le̱ taklanquil li quixqꞌue. Junelic taxak te̱ba̱nu chixjunil li yo̱quin chixyebal e̱re anakcuan.

Deuteronomio 11:32

Nak ac xere̱chani li naꞌajej ut nak cua̱nkex chic aran, te̱ba̱nu chixjunil li chakꞌrab ut le̱ taklanquil li yo̱quin chixchꞌolobanquil che̱ru anakcuan.

Jeremías 11:6

Ut li Ka̱cuaꞌ quixye cue: —Ta̱ye li a̱tin aꞌin saꞌ eb li tenamit li cuanqueb Judá ut saꞌ li tenamit Jerusalén. Ta̱ye reheb chi joꞌcaꞌin: Abihomak li cꞌaꞌru naxye li contrato aꞌin ut te̱ba̱nu li cꞌaꞌru naxye.

Ezequiel 20:11

La̱in quinqꞌue lin chakꞌrab reheb ut quincꞌut chiruheb chanru teꞌxba̱nu xban nak li ani naxba̱nu li cꞌaꞌru ninye, cua̱nk xyuꞌam.