Deuteronomio 4:4 - Li Santil hu

⁴ Abanan che̱junilex la̱ex li incꞌaꞌ quetzꞌekta̱na li Ka̱cuaꞌ toj yoꞌyo̱quex anakcuan.

Q'eqchi Bible

⁴ A'ut laa'ex li tiik eech'ool chirix li Qaawa' leeYos, toj yo'yookex anaqwan.

Deuteronomio 4:4 ပူးပေါင်းရင်းမြစ်များ

Deuteronomio 10:20

Chexucua ru li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Chexcua̱nk saꞌ ti̱quilal chiru. Ut caꞌaj cuiꞌ saꞌ xcꞌabaꞌ aꞌan te̱ba̱nu li juramento.

Josué 23:8

Junelic te̱pa̱b li Ka̱cuaꞌ le̱ Dios joꞌ yo̱quex chixba̱nunquil chalen anakcuan.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

Ezequiel 9:4

Ut li Ka̱cuaꞌ quixye re: —Ayu saꞌ li tenamit Jerusalén. Ta̱suti xsaꞌ li tenamit ut ta̱qꞌue retalileb saꞌ xpe̱quemeb li teꞌyotꞌekꞌ xban xrahileb xchꞌo̱l xban li ma̱usilal li yo̱queb chixba̱nunquil li tenamit, chan.

Isaías 26:20

Ex intenamit, ocankex saꞌ le̱ rochoch ut tzꞌapomak li oqueba̱l. Mukumak caꞌchꞌinak e̱rib toj ta̱numekꞌ xjoskꞌil li Dios.

Salmos 63:8

Junelic nacatincꞌoxla, at inDios. Incꞌaꞌ nacatsach saꞌ inchꞌo̱l. Ut saꞌ la̱ nim ukꞌ cuan lin yuꞌam.

Josué 22:5

Caꞌaj cuiꞌ li cꞌaꞌru nintzꞌa̱ma che̱ru, aꞌan nak te̱ba̱nu chi anchal e̱chꞌo̱l li cꞌaꞌru naxye saꞌ lix chakꞌrab li Ka̱cuaꞌ li quixqꞌue e̱re laj Moisés laj cꞌanjel chiru. La̱in nacuaj nak te̱ra li Ka̱cuaꞌ li kaDios. Ut texcua̱nk joꞌ naraj aꞌan. Chexocak saꞌ le̱ chꞌo̱l lix chakꞌrab. Chexpa̱ba̱nk ut chexcꞌanjelak chiru chi anchal e̱chꞌo̱l, chan laj Josué.

Deuteronomio 13:4

Aꞌ li Ka̱cuaꞌ le̱ Dios, aꞌan li te̱pa̱b ut aꞌan li te̱lokꞌoni. Cheba̱nuhak li chakꞌrab li quixqꞌue e̱re ut te̱ba̱nu le̱ taklanquil xban. Chexcꞌanjelak chiru ut chepa̱b chi anchal e̱chꞌo̱l.

Apocalipsis 20:4

Ut quicuileb li cꞌojariba̱l li queꞌcꞌojla cuiꞌ li queꞌqꞌueheꞌ xcuanquil chi rakoc a̱tin. Queꞌcuil li queꞌcamsi̱c xban nak queꞌxchꞌolob resil li Jesús ut xban nak queꞌxchꞌolob ra̱tin li Dios. Incꞌaꞌ queꞌxlokꞌoni li joskꞌ aj xul chi moco lix jalam u̱ch. Ut incꞌaꞌ quiqꞌueheꞌ retalil li xul saꞌ xpe̱quemeb chi moco chi rukꞌeb. Queꞌcuacli cuiꞌchic chi yoꞌyo ut queꞌcuan xcuanquil rochbeneb li Cristo chiru jun mil (1,000) chihab.

Deuteronomio 4:3

La̱ex queril riqꞌuin xnakꞌ e̱ru li cꞌaꞌru quixba̱nu li Ka̱cuaꞌ aran Baal-peor nak quixqꞌueheb chi sachecꞌ chixjunileb li queꞌlokꞌonin re li jalanil dios Baal-peor.

Deuteronomio 4:5

Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 30:20

Te̱ra taxak li Ka̱cuaꞌ le̱ Dios ut te̱ba̱nu taxak li cꞌaꞌru naxye aꞌan. Ti̱cak taxak le̱ chꞌo̱l chiru ut me̱jal taxak e̱cꞌaꞌux. Li Ka̱cuaꞌ ta̱qꞌuehok re le̱ yuꞌam re nak najt texcua̱nk saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob, chan laj Moisés.