Deuteronomio 4:30 - Li Santil hu

³⁰ Mokon chic nak ac xecꞌul chixjunil li raylal aꞌin, cui la̱ex texsukꞌi̱k riqꞌuin li Ka̱cuaꞌ le̱ Dios ut te̱ba̱nu li cꞌaꞌru naxye, aꞌan ta̱ruxta̱na e̱ru.

Q'eqchi Bible

³⁰ Naq wanqex sa' rahilal ut sa' chixjunileb' li ch'a'ajkilal a'in sa' roso'jikeb' li kutan, wi texsutq'iiq chaq rik'in li Qaawa' leeYos ut teerab'i xyaab' xkux,

Deuteronomio 4:30 ပူးပေါင်းရင်းမြစ်များ

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Jeremías 23:20

Lix joskꞌil li Ka̱cuaꞌ incꞌaꞌ ta̱numekꞌ toj tixba̱nu li cꞌaꞌru quixcꞌoxla xba̱nunquil. Saꞌ eb li cutan ta̱cha̱lk te̱tau ru lix ya̱lal chi tzꞌakal.

Jeremías 7:23

Li cꞌaꞌru quinchakꞌrabiheb cuiꞌ chak junxil, aꞌan aꞌin: te̱ba̱nu li cꞌaꞌru ninye ut la̱inak le̱ Dios ut la̱exak lin tenamit. Chexcua̱nk joꞌ ninye e̱re re nak us tex-e̱lk, chanquin reheb.

Isaías 1:19

Cui tixcꞌul e̱chꞌo̱l xba̱nunquil li cꞌaꞌru ninye e̱re, te̱tzaca li ru li acui̱mk li na-el saꞌ li chꞌochꞌ.

Deuteronomio 31:29

La̱in ninnau nak chirix lin camic eb li tenamit teꞌxba̱nu li ma̱usilal ut teꞌxtzꞌekta̱na li cꞌaꞌru xinye reheb. Raylal ta̱cha̱lk saꞌ xbe̱neb chiruheb li cutan cha̱lel xban nak teꞌxba̱nu li ma̱usilal chiru li Ka̱cuaꞌ. Teꞌxqꞌue xjoskꞌil li Ka̱cuaꞌ riqꞌuin li cꞌaꞌru teꞌxyi̱b riqꞌuin li rukꞌeb.—

Génesis 49:1

Ut laj Jacob quixbokeb li ralal ut quixye reheb: —Jilonkex chak che̱junilex. Chi joꞌcan la̱in tinchꞌolob che̱ru cꞌaꞌru ta̱cha̱lk saꞌ e̱be̱n chiruheb li chihab ta̱cha̱lk.

Números 24:20

Ut laj Balaam qui-iloc saꞌ xjayal lix tenamit laj Amalec ut quixye li cꞌaꞌru teꞌxcꞌul. Quixye: —Laj Amalec, aꞌan li kꞌaxal nim xcuanquil saꞌ xya̱nkeb li xni̱nkal ru tenamit. Abanan ta̱sachekꞌ ru chi junaj cua.—

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Zacarías 6:15

Li cuanqueb chak chi najt teꞌcha̱lk chi tenkꞌa̱nc re xyi̱banquil lix templo li Ka̱cuaꞌ. Riqꞌuin aꞌin te̱qꞌue retal nak li Ka̱cuaꞌ li nimajcual Dios, aꞌan li quitaklan chak cue saꞌ e̱ya̱nk. Ut chixjunil aꞌin talajcꞌulma̱nk nak la̱ex te̱rabi ut te̱ba̱nu li cꞌaꞌru naxye li Ka̱cuaꞌ li kaDios.—

Daniel 10:14

La̱in xinchal chixyebal a̱cue li cꞌaꞌru teꞌxcꞌul la̱ tenamit saꞌ eb li cutan li teꞌcha̱lk. Li visión aꞌin, aꞌan ta̱cꞌulma̱nk saꞌ eb li cutan li teꞌcha̱lk, chan cue.

Lamentaciones 3:40

Chikaqꞌuehak retal chi us cꞌaꞌru takaba̱nu. Chikajal li kacꞌaꞌux ut chosukꞌi̱k riqꞌuin li Ka̱cuaꞌ.

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Deuteronomio 30:10

Abanan tento nak te̱ba̱nu li cꞌaꞌru naraj li Ka̱cuaꞌ le̱ Dios. Te̱ba̱nu chixjunil li chakꞌrab li tzꞌi̱banbil saꞌ li hu aꞌin. Tento nak te̱sicꞌ li Ka̱cuaꞌ le̱ Dios chi anchal le̱ chꞌo̱l ut chi anchal le̱ ra̱m.

Éxodo 18:8

Laj Moisés quixserakꞌi re li quilajxba̱nu li Ka̱cuaꞌ Dios riqꞌuin laj faraón joꞌ eb ajcuiꞌ laj Egipto saꞌ xcꞌabaꞌeb laj Israel. Quixserakꞌi reheb chirix chixjunil li raylal li quilajeꞌxcꞌul nak yo̱queb chi xic saꞌ li chaki chꞌochꞌ ut quixye reheb chanru nak li Ka̱cuaꞌ Dios quixcoleb laj Israel.

Hebreos 5:9

Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

Deuteronomio 30:2

Nak la̱ex joꞌ eb ajcuiꞌ le̱ ralal e̱cꞌajol te̱jal e̱cꞌaꞌux ut texsukꞌi̱k riqꞌuin li Ka̱cuaꞌ le̱ Dios, chi anchal e̱chꞌo̱l ut chi anchal e̱metzꞌe̱u te̱ba̱nu li cꞌaꞌru naraj aꞌan joꞌ yo̱quin chixyebal e̱re anakcuan.

Deuteronomio 31:21

Nabal li raylal ut li chꞌaꞌajquilal ta̱cha̱lk saꞌ xbe̱neb. Abanan ta̱bicha̱k li bich aꞌin chokꞌ retalil li ma̱usilal queꞌxba̱nu. La̱in ninnau cꞌaꞌru cuan saꞌ xchꞌo̱leb usta toj ma̱jiꞌ xincꞌameb saꞌ li naꞌajej li quinyechiꞌi reheb, chan li Dios.

Salmos 18:6

Nak cuanquin saꞌ raylal xinya̱ba xcꞌabaꞌ li Ka̱cuaꞌ. Quintzꞌa̱ma re nak tinixtenkꞌa. Ut aꞌan toj saꞌ choxa, quirabi li cꞌaꞌru quintzꞌa̱ma chiru.

Salmos 59:16

Abanan la̱in tinbicha la̱ lokꞌal xban nak kꞌaxal nim la̱ cuanquil. Rajlal ekꞌela tinqꞌue a̱lokꞌal xban la̱ cuuxta̱n xban nak la̱at nacatcoloc cue. Ut a̱cuiqꞌuin nincol cuib nak cuanquin saꞌ raylal.

Salmos 107:6

Xban li raylal li cuanqueb cuiꞌ, queꞌxtzꞌa̱ma xtenkꞌanquileb chiru li Dios. Ut li Dios quixcoleb chiru li raylal.

Salmos 107:13

Xban li raylal li cuanqueb cuiꞌ, queꞌxtzꞌa̱ma xtenkꞌanquileb chiru li Dios. Ut li Dios quixcoleb chiru li raylal.

Jeremías 4:1

Li Ka̱cuaꞌ quixye reheb: —La̱ex aj Israel, cui te̱raj sukꞌi̱c cuiqꞌuin tento te̱canab xlokꞌoninquil li yi̱banbil dios li cꞌajoꞌ xyibal ru. Ut incꞌaꞌ chic te̱cꞌoxla incanabanquil.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Nehemías 1:9

Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.