Deuteronomio 4:20 - Li Santil hu

²⁰ Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Q'eqchi Bible

²⁰ “Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Deuteronomio 4:20 ပူးပေါင်းရင်းမြစ်များ

1 Reyes 8:51

Chatenkꞌaheb xban nak aꞌan eb la̱ tenamit. Ut aꞌaneb ajcuiꞌ la̱ cualal a̱cꞌajol. La̱at cat-isin chak reheb li kaxeꞌto̱nil yucuaꞌ saꞌ li tenamit Egipto li queꞌxcꞌul cuiꞌ chak li nimla raylal.

Jeremías 11:4

Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.

Deuteronomio 32:9

La̱ex li ralal xcꞌajol laj Jacob, la̱ex lix tenamit li Ka̱cuaꞌ.

Deuteronomio 9:29

At Ka̱cuaꞌ, aꞌaneb la̱ tenamit. Aꞌaneb li sicꞌbil ruheb a̱ban. La̱at cat-isin reheb Egipto riqꞌuin xnimal la̱ cuanquilal, chanquin re li Dios.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Salmos 135:4

Li Dios quixsicꞌ ru laj Jacob re nak li ralal xcꞌajol aꞌan teꞌcana̱k chokꞌ xtenamit. Joꞌcan nak eb laj Israel, aꞌaneb lix tenamit li Ka̱cuaꞌ, ut raro̱queb xban.

Salmos 33:12

Us xak re li tenamit li naqꞌuehoc xlokꞌal li Dios. Us xak re li tenamit aꞌan xban nak queꞌsiqꞌueꞌ ru xban li Dios chokꞌ ralal xcꞌajol.

Salmos 28:9

At Ka̱cuaꞌ, chacoleb taxak la̱ cualal a̱cꞌajol ut chacuosobtesiheb. Chacuileb joꞌ jun li cha̱bil pastor. Chaberesiheb ut chaqꞌue xcacuileb xchꞌo̱l chi junelic.

Deuteronomio 9:26

Quintijoc chiru li Ka̱cuaꞌ ut quinye re: At nimajcual Dios, ma̱sach ru li tenamit aꞌin xban nak aꞌineb la̱ tenamit li cacoleb riqꞌuin lix nimal a̱cuanquil nak cacuisiheb chak Egipto.

Efesios 1:18

Nintzꞌa̱ma chiru li Dios nak tixqꞌue e̱naꞌleb re nak te̱tau ru cꞌaꞌru le̱ lokꞌlaj ma̱tan li yo̱quex chiroybeninquil xban nak sicꞌbil e̱ru xban li Dios. Te̱cꞌul le̱ ma̱tan e̱rochbeneb chixjunileb laj pa̱banel.

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

Éxodo 1:13

Ut eb laj Israel queꞌqꞌueheꞌ joꞌ rahobtesinbil mo̱s.

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Éxodo 34:9

Ut quixye: —At Ka̱cuaꞌ, cui tincꞌam cuib saꞌ usilal a̱cuiqꞌuin, ba̱nu usilal tatcua̱nk saꞌ kaya̱nk. Usta cau kachꞌo̱l, chacuy kama̱c. Ut choa̱cꞌul cuiꞌchic chokꞌ a̱cualal a̱cꞌajol, chan laj Moisés.

Deuteronomio 7:6

Te̱ba̱nu chi joꞌcan xban nak la̱ex jun xsantil tenamit li Ka̱cuaꞌ le̱ Dios. Li Ka̱cuaꞌ le̱ Dios quisicꞌoc e̱ru saꞌ xya̱nkeb chixjunileb li cuanqueb saꞌ ruchichꞌochꞌ re nak la̱exak lix tenamit. Ut kꞌaxal lokꞌex chiru li Dios.

Deuteronomio 14:2

La̱ex jun santil tenamit chiru li Ka̱cuaꞌ le̱ Dios. Saꞌ xya̱nkeb chixjunileb li xni̱nkal ru tenamit li cuanqueb saꞌ ruchichꞌochꞌ li Dios quixsicꞌ e̱ru ut la̱ex li tenamit li kꞌaxal lokꞌ saꞌ xya̱nkeb li jun chꞌol chic.

Deuteronomio 26:18

Ut saꞌ ajcuiꞌ li cutan aꞌin li Ka̱cuaꞌ quixye nak la̱ex lix lokꞌlaj tenamit. Ut rehex chic chi tzꞌakal joꞌ quixyechiꞌi e̱re. Ut aꞌan naraj nak te̱ba̱nu chixjunil li chakꞌrab li quixqꞌue e̱re.

Isaías 30:6

Aꞌan aꞌin li esilal chirixeb li xul li cuanqueb Neguev. Li Neguev, aꞌan jun li naꞌajej xiu xiu numecꞌ cuiꞌ xban nak aran cuanqueb li cakcoj ut li cꞌantiꞌ li kꞌaxal se̱b chi a̱linac ut li cꞌantiꞌ li napiscꞌoc chi junpa̱t. Eb laj Israel yo̱queb chi numecꞌ aran re teꞌxic Egipto chixpatzꞌbal lix tenkꞌanquil. Yo̱queb chixcꞌambal chirix bu̱r ut camello lix biomaleb re teꞌxqꞌue reheb laj Egipto. Abanan eb laj Egipto moco teꞌxtenkꞌaheb ta.

Isaías 48:10

La̱in xinyal e̱rix riqꞌuin li raylal li xinqꞌue saꞌ e̱be̱n. Incꞌaꞌ xexinnumsi saꞌ xam joꞌ nak nacꞌatman li plata re risinquil lix tzꞌajnil.

Daniel 3:26

Tojoꞌnak laj Nabucodonosor quinachꞌoc riqꞌuin lix puertil li horno li yo̱ cuiꞌ li xam ut quixye: —At Sadrac, at Mesac ut at Abed-nego, la̱ex nequexcꞌanjelac chiru li nimajcual Dios. Elenkex saꞌ li xam. Quimkex arin, chan. Tojoꞌnak laj Sadrac, laj Mesac ut laj Abed-nego queꞌel chak saꞌ li xam.

Éxodo 1:14

Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.