Deuteronomio 4:16 - Li Santil hu

¹⁶ Me̱mux e̱rib riqꞌuin xyi̱banquil li jalanil dios. Me̱yi̱b li jalam u̱ch re te̱lokꞌoni, chi moco lix jalam u̱ch li cui̱nk, chi moco li ixk.

Q'eqchi Bible

¹⁶ Jo'kan naq meepo' leena'leb': meeyiib' junaq eepech'b'il yos jo' rilb'al junaq winq malaj ixq,

Deuteronomio 4:16 ပူးပေါင်းရင်းမြစ်များ

Hechos 17:29

Joꞌcan nak cui la̱o ralal xcꞌajol li Dios, incꞌaꞌ naru takacꞌoxla nak li Dios chanchan ta li oro, malaj li plata chi moco li pec li yi̱banbil yal riqꞌuin xcꞌaꞌux ut xnaꞌlebeb li cui̱nk.

Deuteronomio 5:8

Me̱yi̱b e̱pechꞌbil dios chi moco xjalam u̱ch ta li cuan saꞌ choxa, chi moco li cuan saꞌ ruchichꞌochꞌ, chi moco li cuan saꞌ haꞌ.

Deuteronomio 4:23

Cheba̱nu cue̱nt re nak incꞌaꞌ ta̱sachk saꞌ e̱chꞌo̱l li contrato li quixba̱nu li Ka̱cuaꞌ le̱ Dios e̱riqꞌuin. Me̱yi̱b e̱pechꞌbil dios joꞌ xjalam u̱ch li cꞌaꞌak re ru li quixye li Dios nak incꞌaꞌ naru te̱lokꞌoni,

Éxodo 32:7

Ut li Dios quixye re laj Moisés: —Ayu, cuben. Tatxic riqꞌuineb li cristian. Cꞌajoꞌ xyibal ru yo̱queb la̱ tenamit li xacuisiheb chak saꞌ li tenamit Egipto.

San Juan 4:24

Li Dios, aꞌan musikꞌej ut li ani ta̱lokꞌoni̱nk re, tento nak tixba̱nu chi anchal xchꞌo̱l ut chi tzꞌakal re ru, chan li Jesús.

Isaías 40:18

¿Ani te̱juntakꞌe̱ta cuiꞌ li Dios? ¿Ma ta̱ru̱k ta biꞌ te̱juntakꞌe̱ta riqꞌuin junak li jalam u̱ch?

Deuteronomio 4:25

Mokon chic nak ac xenumsi nabal chihab saꞌ li cha̱bil naꞌajej ut nak ac cua̱nkeb chic le̱ ralal e̱cꞌajol, mexma̱cob riqꞌuin xyi̱banquil le̱ pechꞌbil dios ut yalak cꞌaꞌru chi jalam u̱chil. Aꞌan ma̱c chiru li Ka̱cuaꞌ le̱ Dios ut ta̱joskꞌokꞌ saꞌ e̱be̱n cui te̱ba̱nu chi joꞌcan.

1 Timoteo 1:17

Lokꞌoninbil taxak li tzꞌakal Rey li cuan chi junelic kꞌe cutan, li incꞌaꞌ nacam ut incꞌaꞌ na-ilman ru, li junaj chi Dios li numtajenak xnaꞌleb. Chikalokꞌonihak taxak anakcuan ut chi junelic kꞌe cutan. Joꞌcan taxak.

Levítico 26:1

Li Ka̱cuaꞌ Dios quixye: —Me̱yi̱b e̱jalanil dios chi moco e̱pechꞌbil dios, chi moco te̱yi̱b e̱dios pec re te̱lokꞌoniheb. Chi moco chiruheb li pec te̱yi̱b junak retalil e̱dios xban nak la̱in li Ka̱cuaꞌ le̱ Dios.

Deuteronomio 5:9

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Deuteronomio 9:12

Ut li Ka̱cuaꞌ quixye cue, “Ayu. Cuben chi junpa̱t xban nak eb li cristian li cacuisiheb chak Egipto incꞌaꞌ us yo̱queb chixba̱nunquil. Queꞌxtzꞌekta̱na lin chakꞌrab li quinqꞌue reheb ut queꞌxyi̱b lix dios chꞌi̱chꞌ re teꞌxlokꞌoni.

Deuteronomio 27:15

Tzꞌekta̱nanbil li ani tixyi̱b lix jalanil dios ut xjalam u̱ch riqꞌuin chꞌi̱chꞌ ut riqꞌuin cheꞌ usta tixqꞌue saꞌ junak naꞌajej mukmu re tixlokꞌoni xban nak li Ka̱cuaꞌ xicꞌ naril aꞌan. Ut chixjunileb li tenamit teꞌchakꞌok ut teꞌxye: Joꞌcan taxak.

Deuteronomio 31:29

La̱in ninnau nak chirix lin camic eb li tenamit teꞌxba̱nu li ma̱usilal ut teꞌxtzꞌekta̱na li cꞌaꞌru xinye reheb. Raylal ta̱cha̱lk saꞌ xbe̱neb chiruheb li cutan cha̱lel xban nak teꞌxba̱nu li ma̱usilal chiru li Ka̱cuaꞌ. Teꞌxqꞌue xjoskꞌil li Ka̱cuaꞌ riqꞌuin li cꞌaꞌru teꞌxyi̱b riqꞌuin li rukꞌeb.—

Levítico 19:4

Me̱lokꞌoniheb chic li yi̱banbil dios, chi moco te̱yi̱b e̱jalanil dios chꞌi̱chꞌ re te̱lokꞌoni. La̱in li Ka̱cuaꞌ le̱ Dios xinyehoc re aꞌin.

Deuteronomio 16:22

Ut micuan e̱jalam u̱ch re te̱lokꞌoni, xban nak li Ka̱cuaꞌ le̱ Dios xicꞌ naril eb aꞌan.

Isaías 44:13

Ut junak laj pechꞌ naxbis riqꞌuin bisleb li cꞌaꞌru naraj xyi̱banquil ut naxtzꞌi̱ba retalil. Naxjiꞌ ru lix cheꞌ riqꞌuin chꞌi̱chꞌ. Naxqꞌue retalil li jalam u̱ch ut naxyi̱b joꞌ riloba̱l li cui̱nk re nak chꞌinaꞌus ta̱e̱lk re tixqꞌue saꞌ rochoch.

Ezequiel 8:10

Ut la̱in quin-oc saꞌ li naꞌajej aꞌan ut quicuil. Yi̱banbil chiru li tzꞌac retalil li cꞌantiꞌ ut li xul li nequeꞌxquelo ribeb chiru chꞌochꞌ ut li xul li kꞌaxal yibeb ru. Ut quicuil ajcuiꞌ li yi̱banbil dios li nequeꞌxlokꞌoni eb laj Israel.