Deuteronomio 4:12 - Li Santil hu

¹² Ut li Ka̱cuaꞌ quia̱tinac e̱riqꞌuin saꞌ li xam. La̱ex querabi li xya̱b xcux li Ka̱cuaꞌ abanan incꞌaꞌ queril ru.

Q'eqchi Bible

¹² Aran li Qaawa' kexraatina chaq toj sa' xyi li xam. Laa'ex kerab'i xyaab' li raatin, ab'an maak'a' keril, ka'ajwi' xyaab' kuxej kerab'i.

Deuteronomio 4:12 ပူးပေါင်းရင်းမြစ်များ

Deuteronomio 5:22

Aꞌaneb aꞌin li chakꞌrab li quixqꞌue e̱re li Ka̱cuaꞌ nak chꞌutchꞌu̱quex che̱junilex saꞌ xto̱n li tzu̱l. Li Ka̱cuaꞌ quia̱tinac chi cau xya̱b xcux saꞌ li xam, ut saꞌ li chok li kꞌojyi̱n ru. Ut ma̱cꞌaꞌ chic quixye. Chirix aꞌan quixtzꞌi̱ba li chakꞌrab aꞌan chiru li cuib chi perpo̱quil pec, ut quixqꞌue cue li pec aꞌan.

Deuteronomio 5:4

Li Ka̱cuaꞌ quia̱tinac e̱riqꞌuin chi tzꞌakal saꞌ li xam aran saꞌ li tzu̱l.

Deuteronomio 4:15

Nak li Dios quia̱tinac e̱riqꞌuin saꞌ li xam saꞌ li tzu̱l Sinaí, incꞌaꞌ queꞌril ru chi tzꞌakal. Caꞌaj cuiꞌ lix ya̱b xcux querabi. Cheba̱nuhak cue̱nt.

San Mateo 3:17

Ut qui-abi̱c xya̱b xcux li Dios toj saꞌ choxa nak quixye: —Aꞌan aꞌin li cualal raro inban. Nasahoꞌ inchꞌo̱l riqꞌuin, chan.

Deuteronomio 4:36

Toj saꞌ choxa quia̱tinac chak e̱riqꞌuin re xcꞌutbal che̱ru cꞌaꞌru te̱ba̱nu. Ut arin saꞌ ruchichꞌochꞌ quixcꞌut che̱ru li xam ut querabi lix ya̱b xcux saꞌ li xam nak quexra̱tina.

Deuteronomio 4:33

¿Ma cuanqueb ta biꞌ jalan tenamit queꞌabin re nak li Dios quia̱tinac chak saꞌ li xam ut incꞌaꞌ queꞌcam xban? Abanan la̱ex querabi nak quia̱tinac li Dios ut incꞌaꞌ quexcam.

Colosenses 1:15

Li Dios incꞌaꞌ na-ilman ru. Abanan nakanau chanru li Dios xban nak li Ralal quicꞌulun saꞌ ruchichꞌochꞌ chixcꞌutbal chiku. Li Jesucristo aꞌan li kꞌaxal nim xcuanquil chiruheb chixjunil li queꞌyoꞌobtesi̱c.

San Mateo 3:3

Li profeta Isaías quia̱tinac chirix laj Juan nak quixye chi joꞌcaꞌin: Aꞌan ta̱chꞌoloba̱nk xya̱lal chi cau xya̱b xcux saꞌ li chaki chꞌochꞌ, ut tixye: Yi̱bomak le̱ yuꞌam ut yoꞌon cua̱nkex chixcꞌulbal li Ka̱cuaꞌ joꞌ nak nequeꞌxyi̱b li be re xcꞌulbal junak li nim xcuanquil, chan. (Isa. 40:3)

Isaías 40:18

¿Ani te̱juntakꞌe̱ta cuiꞌ li Dios? ¿Ma ta̱ru̱k ta biꞌ te̱juntakꞌe̱ta riqꞌuin junak li jalam u̱ch?

Isaías 40:6

Quicuabi jun xya̱b cux. Joꞌcaꞌin quixye cue: —Jap a̱cue xyebal li a̱tin aꞌin, chan cue. Ut la̱in quinchakꞌoc ut quinye, ¿Cꞌaꞌru tinye nak tinjap cue? ¿Cꞌaꞌru tinye nak tinjap cue? chanquin. Ut aꞌan quixye cue: —Ye resil nak eb li cristian, aꞌan yal tibelejeb. Chanchaneb li ichaj. Ut lix chꞌinaꞌusaleb chanchan xchꞌinaꞌusal li utzꞌuꞌuj li nacuan saꞌ cꞌaleba̱l.

Isaías 40:3

Quicuabi jun xya̱b cux quixye cue chi joꞌcaꞌin: —Yi̱bomak ru li be saꞌ li chaki chꞌochꞌ chiru li Ka̱cuaꞌ. Ti̱cobresihomak li be chiru li kaDios.

Isaías 30:21

Cui la̱ex te̱raj xba̱nunquil li incꞌaꞌ us, te̱rabi nak li Ka̱cuaꞌ ta̱a̱tinak chak che̱rix ut tixye e̱re: —Me̱ba̱nu li incꞌaꞌ us. Ba̱nuhomak ban li ti̱quilal, chaꞌak e̱re.

Éxodo 20:22

Ut li Dios quixye re laj Moisés: —Ta̱ye reheb laj Israel, “Joꞌcaꞌin naxye e̱re li Ka̱cuaꞌ Dios: La̱ex xerabi ajcuiꞌ nak la̱in xina̱tinac e̱riqꞌuin saꞌ choxa.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

Hebreos 12:19

Eb aꞌan queꞌrabi xya̱b li trompeta ut queꞌrabi ajcuiꞌ xya̱b xcux li Dios nak quia̱tinac riqꞌuineb. Ut queꞌxtzꞌa̱ma nak meꞌa̱tina̱c chic xban li Dios.

Éxodo 19:9

Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Deuteronomio 4:11

La̱ex xexco̱ex saꞌ xto̱n li tzu̱l ut aran quexxakli ut li tzu̱l yo̱ xxamlel. Li xam quicuulac toj saꞌ choxa ut kꞌojyi̱n chic ru li cutan xban li sib ut li kꞌeki chok.

Deuteronomio 4:13

Ut li Dios quixba̱nu li contrato e̱riqꞌuin ut quixqꞌue e̱re li laje̱b chi chakꞌrab li quixtzꞌi̱ba chiru li cuib pere̱l li pec ti̱c ru. Quixye e̱re nak tento te̱ba̱nu li cꞌaꞌru naxye li chakꞌrab.

Deuteronomio 9:10

Ut li Ka̱cuaꞌ quixqꞌue cue li cuib chi perpo̱quil pec li tzꞌi̱banbil cuiꞌ li contrato. Li Dios quixtzꞌi̱ba riqꞌuin ruꞌuj rukꞌ li a̱tin li quixye e̱re nak quia̱tinac chak saꞌ li xam nak chꞌutchꞌu̱quex la̱ex saꞌ xto̱n li tzu̱l.

Deuteronomio 10:4

Ut li Ka̱cuaꞌ quixtzꞌi̱ba cuiꞌchic li laje̱b chi chakꞌrab joꞌ nak quixtzꞌi̱ba xbe̱n cua. Aꞌan li chakꞌrab li quixqꞌue e̱re saꞌ li tzu̱l nak quia̱tinac chak saꞌ li xam saꞌ li cutan nak quechꞌutub e̱rib. Ut chirix aꞌan li Ka̱cuaꞌ quixqꞌue cue.