Deuteronomio 3:8 - Li Santil hu

⁸ Saꞌ eb li cutan aꞌan la̱o quike̱chani lix naꞌajeb li cuib chi xreyeb laj amorreo. Quike̱chani chixjunil li naꞌajej li cuan saꞌ lix pacꞌal li nimaꞌ Jordán li cuanco cuiꞌ. Naticla cuan cuiꞌ li nimaꞌ Arnón ut nacuulac toj saꞌ li tzu̱l Hermón.

Q'eqchi Bible

⁸ “Jo'ka'in naq kiqachap li xch'och'eb' li wiib' chi awab'ej re Amor, a' li na'ajej li wank junpak'al li nima' Jordán, chalen chaq chire li nima' Arnón toj sa' li tzuul Hermón.

Deuteronomio 3:8 ပူးပေါင်းရင်းမြစ်များ

Josué 12:1

Aꞌaneb aꞌin li rey li queꞌsacheꞌ ruheb xbaneb laj Israel. Li naꞌajej li queꞌcuan cuiꞌ, aꞌan cuan jun pacꞌal li nimaꞌ Jordán saꞌ xjayal li na-el cuiꞌ li sakꞌe. Naticla cuan cuiꞌ li nimaꞌ Arnón. Nacuulac cuan cuiꞌ li tzu̱l Hermón ut saꞌ chixjunil li naꞌajej Arabá li cuan saꞌ li este.

Josué 13:8

Eb li ralal xcꞌajol laj Rubén ut eb li ralal xcꞌajol laj Gad ac xeꞌxcꞌul lix chꞌochꞌeb joꞌ eb ajcuiꞌ li yijach chic li ralal xcꞌajol laj Manasés queꞌxcꞌul lix chꞌochꞌeb nak laj Moisés quixjeqꞌui lix chꞌochꞌeb joꞌ quixye li Ka̱cuaꞌ. Li naꞌajej li queꞌxcꞌul, aꞌan cuan jun pacꞌal li nimaꞌ Jordán saꞌ li este.

1 Reyes 4:19

Laj Geber li ralal laj Uri quicꞌanjelac saꞌ li naꞌajej Galaad, saꞌ lix tenamit li rey Sehón, lix reyeb laj amorreo, ut saꞌ li naꞌajej Basán li quicuan cuiꞌ chokꞌ rey laj Og. Caꞌaj cuiꞌ laj Geber quitaklan saꞌ eb li naꞌajej aꞌin.

Salmos 42:6

Incꞌaꞌ chic nincuy nak nacuecꞌa. Joꞌcan nak kꞌaxal nacatincꞌoxla nak cuanquin arin saꞌ li naꞌajej chire li nimaꞌ Jordán ut saꞌ lix chꞌochꞌeb laj hermonita saꞌ li tzu̱l Mizar.

Salmos 89:12

La̱at catyi̱ban re chixjunil li cꞌaꞌru cuan chalen saꞌ li norte toj saꞌ li sur. Li tzu̱l Tabor ut li tzu̱l Hermón nequeꞌxqꞌue a̱lokꞌal.

Deuteronomio 4:47

Eb laj Israel queꞌre̱chani lix naꞌaj li rey Sehón ut queꞌre̱chani ajcuiꞌ lix naꞌaj laj Og lix reyeb laj Basán. Aꞌaneb li cuib xreyeb laj amorreo li queꞌcuan jun pacꞌal li nimaꞌ Jordán saꞌ li este.

Deuteronomio 4:48

Li naꞌajej aꞌin quiticla Aroer li cuan chire li nimaꞌ Arnón ut nacuulac toj saꞌ li tzu̱l Sión li nayeman ajcuiꞌ Hermón re.

1 Crónicas 5:23

Ut li yi jach li ralal xcꞌajol laj Manasés cꞌajoꞌ nak queꞌtam. Queꞌcuan saꞌ eb li naꞌajej Basán, Baal-hermón ut Senir ut nacuulac toj saꞌ li tzu̱l Hermón.

Salmos 42:7

Nak nacuabi lix cau ok li haꞌ nak nocoxnumekꞌ saꞌ lix ni̱nkal ru takꞌa, chanchan aꞌan li raylal yo̱quin chixcꞌulbal. Chanchan nak li rok haꞌ qꞌuebil a̱ban yo̱ chi numecꞌ saꞌ inbe̱n nak nacuecꞌa.