Deuteronomio 3:5 - Li Santil hu

⁵ Chixjunileb li tenamit aꞌin cauresinbileb chi us. Najt xteram eb li tzꞌac li sutsu̱queb cuiꞌ ut tzꞌaptzꞌo̱queb li oqueba̱l riqꞌuin chꞌi̱chꞌ. Ut cuanqueb ajcuiꞌ nabal li tenamit li kachap li moco sutsu̱queb ta riqꞌuin tzꞌac.

Q'eqchi Bible

⁵ Chixjunileb' a'an junes xninqal tenamit, najt xteram li xsuttz'akeb', kaw tz'apinkeb' rik'in ch'iich' li rokeb'aaleb', chi ink'a' k'eeb'ileb' sa' ajl li xtenamiteb' laj Perés li k'ajo' xk'ihaleb'.

Deuteronomio 3:5 ပူးပေါင်းရင်းမြစ်များ

Hebreos 11:30

Xban lix pa̱ba̱leb laj Israel, cuukub cutan queꞌxsuti rix li tenamit Jericó. Ut saꞌ xcuuk li cutan quitꞌaneꞌ li tzꞌac li sutsu cuiꞌ li tenamit. Ut queꞌre̱chani li tenamit.

Deuteronomio 1:28

¿Bar ta̱ru̱k toxic anakcuan? Xchꞌinan li kachꞌo̱l xban nak eb li kacomon xeꞌxye ke nak eb li cristian aran ni̱nkeb rok chiku la̱o ut cauheb rib. Ut ni̱nkeb li tenamit ut ni̱nkeb ajcuiꞌ xteram li tzꞌac li sutsu̱queb cuiꞌ. Ut xeꞌrileb ajcuiꞌ chak ruheb li ralal xcꞌajol li nimla cui̱nk aj Anac xcꞌabaꞌ.”

Números 13:28

Abanan eb li cristian li cuanqueb aran kꞌaxal cauheb rib. Ut li tenamit ni̱nkeb ut yi̱banbil chi cha̱bil ut sutsu riqꞌuin tzꞌac. Ut moco caꞌaj cuiꞌ ta aꞌin. Xkil ajcuiꞌ chak ruheb li ralal xcꞌajol li mamaꞌ cui̱nk aj Anac.

Deuteronomio 3:4

Ut quike̱chani chixjunileb li tenamit. Ma̱ jun incꞌaꞌ ta quike̱chani. Oxcꞌa̱l li tenamit kachap. Aꞌan chixjunil li naꞌajej Argob li quitaklan cuiꞌ li rey Og aran Basán.

Deuteronomio 3:6

Kasach chixjunileb li tenamit joꞌ kaba̱nu re laj Sehón lix reyeb laj Hesbón. Ut kasach ruheb li cristian, joꞌ cui̱nk, joꞌ ixk, ut joꞌ cocꞌal.

1 Samuel 6:18

Quitakla̱c ajcuiꞌ li chꞌo yi̱banbil riqꞌuin oro aꞌ yal chanru xqꞌuialeb lix tenamiteb laj filisteo li cuanqueb rubel xcuanquil li o̱b chi rey, ut eb li tenamit li sutsu riqꞌuin tzꞌac, joꞌ ajcuiꞌ li cocꞌ tenamit li ma̱cuaꞌ sutsu riqꞌuin tzꞌac. Li nimla pec li queꞌxqꞌue cuiꞌ li Lokꞌlaj Ca̱x toj cuan ajcuiꞌ anakcuan saꞌ lix naꞌaj li racui̱mk laj Josué aran Bet-semes.

Nehemías 9:25

Eb li tenamit li caqꞌue reheb ac sutsu̱queb saꞌ tzꞌac ut yi̱banbil chi us. Cha̱bil li chꞌochꞌ li caqꞌue reheb. Ut eb li cab li queꞌoc cuiꞌ ac yi̱banbil chi us ut ac yi̱banbileb lix becbil haꞌ. Ac aubil li acui̱mk uvas ut olivos saꞌ li chꞌochꞌ. Ut cuan ajcuiꞌ nabal li cheꞌ li naxqꞌue ru. Ut eb laj Israel queꞌcuaꞌac chi us ut queꞌnujac. Queꞌcꞌojla xchꞌo̱leb xban xnimal la̱ cuusilal.

Ester 9:19

Joꞌcan nak eb laj judío li cuanqueb saꞌ eb li cꞌaleba̱l li incꞌaꞌ sutsu xnaꞌajeb saꞌ tzꞌac, nequeꞌxninkꞌei li ca̱laju xbe li po Adar re xjulticanquil chanru nak queꞌcoleꞌ. Nequeꞌsahoꞌ saꞌ xchꞌo̱leb ut nequeꞌxqꞌue xma̱taneb chi ribileb rib.