Deuteronomio 3:4 - Li Santil hu

⁴ Ut quike̱chani chixjunileb li tenamit. Ma̱ jun incꞌaꞌ ta quike̱chani. Oxcꞌa̱l li tenamit kachap. Aꞌan chixjunil li naꞌajej Argob li quitaklan cuiꞌ li rey Og aran Basán.

Q'eqchi Bible

⁴ Toja' naq kiqeechani chixjunileb' li xtenamit: maajun tenamit ink'a' ta kiqachap. Oxk'aaleb' chi tenamit kiqeechani, chixjunil li xteepal Argob, sa' li x'awab'ejihom laj Og aran Basán.

Deuteronomio 3:4 ပူးပေါင်းရင်းမြစ်များ

1 Reyes 4:13

Laj Ben-geber quicꞌanjelac aran Ramot, li cuan saꞌ xcue̱nt Galaad. Quicꞌanjelac ajcuiꞌ saꞌ eb li cꞌaleba̱l re laj Jair li ralal laj Manasés li cuanqueb saꞌ xcue̱nt Galaad. Quicꞌanjelac ajcuiꞌ saꞌ li naꞌajej Argob li cuan Basán. Aran cuanqueb oxcꞌa̱l li ni̱nki tenamit, li sutsu̱queb saꞌ tzꞌac ut cuan li chꞌi̱chꞌ bronce saꞌ eb li oqueba̱l.

Josué 12:4

Laj Og li rey re Basán, aꞌan jun xcomoneb li queꞌchal chak saꞌ li naꞌajej Refaim. Laj Og quicuan aran Astarot ut Edrei.

Números 21:35

Joꞌcan nak eb laj Israel queꞌxcamsi laj Og ut eb li ralal. Ut queꞌxcamsiheb ajcuiꞌ lix soldado. Ma̱ jun quicana chi yoꞌyo. Eb laj Israel queꞌre̱chani chixjunil li naꞌajej.

Deuteronomio 3:3

Joꞌcan nak li Ka̱cuaꞌ li kaDios quixkꞌaxtesi saꞌ kukꞌ laj Og lix reyeb laj Basán rochbeneb chixjunileb lix soldado. Kasach ruheb chixjunileb. Ma̱ jun chic queꞌcana.

Deuteronomio 3:5

Chixjunileb li tenamit aꞌin cauresinbileb chi us. Najt xteram eb li tzꞌac li sutsu̱queb cuiꞌ ut tzꞌaptzꞌo̱queb li oqueba̱l riqꞌuin chꞌi̱chꞌ. Ut cuanqueb ajcuiꞌ nabal li tenamit li kachap li moco sutsu̱queb ta riqꞌuin tzꞌac.

Deuteronomio 3:13

Ut reheb yijach li ralal xcꞌajol laj Manasés quinqꞌue li yijach jun chic li tzu̱l ru li cuan Galaad, joꞌ ajcuiꞌ li naꞌajej Basán, li quicuan cuiꞌ chi takla̱nc li rey Og. Ut quinqꞌue ajcuiꞌ reheb chixjunil li naꞌajej Argob, li nequeꞌxye “xnaꞌajeb li ni̱nki cui̱nk” re.

Deuteronomio 3:14

Laj Jair, xcomoneb li ralal xcꞌajol laj Manasés quire̱chani chixjunil li naꞌajej Argob nacuulac toj saꞌ li nuba̱l re li naꞌajej Gesur ut Maaca. Ut quixqꞌue chokꞌ xcꞌabaꞌ Basán-havot-jair joꞌ lix cꞌabaꞌ aꞌan. Aꞌan lix cꞌabaꞌ toj chalen anakcuan.

Deuteronomio 4:47

Eb laj Israel queꞌre̱chani lix naꞌaj li rey Sehón ut queꞌre̱chani ajcuiꞌ lix naꞌaj laj Og lix reyeb laj Basán. Aꞌaneb li cuib xreyeb laj amorreo li queꞌcuan jun pacꞌal li nimaꞌ Jordán saꞌ li este.