Deuteronomio 3:10 - Li Santil hu

¹⁰ Quike̱chani chixjunileb li tenamit li cuanqueb saꞌ li ru takꞌa, li naꞌajej Galaad, li naꞌajej Basán ut eb li naꞌajej toj Salca ut Edrei. Aꞌaneb lix naꞌaj li rey Og aran Basán.

Q'eqchi Bible

¹⁰ Chixjunileb' li tenamit li wankeb' chiru tzuul, chixjunil Galahad ut chixjunil Basán toj Salká ut Edreí, tenamiteb' li wankeb' chaq rub'el x'awab'ejihom laj Og aran Basán.

Deuteronomio 3:10 ပူးပေါင်းရင်းမြစ်များ

Josué 13:31

Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

Deuteronomio 4:49

Ut nacuulac toj saꞌ li naꞌajej Arabá li cuan jun pacꞌal li nimaꞌ Jordán saꞌ li este ut nacuulac toj saꞌ li palau li cuan Arabá li cuan saꞌ li ru takꞌa re li tzu̱l Pisga.

Números 21:33

Chirix aꞌan eb laj Israel queꞌco̱eb saꞌ li be li naxic Basán. Ut laj Og lix reyeb laj Basán rochbeneb lix soldado queꞌco̱eb chi pletic riqꞌuineb saꞌ li naꞌajej Edrei.

Deuteronomio 4:43

Li oxib chi tenamit, aꞌaneb aꞌin: Beser li cuan saꞌ li ru takꞌa saꞌ li chaki chꞌochꞌ reheb li ralal xcꞌajol laj Rubén; Ramot li cuan saꞌ xcue̱nt Galaad reheb li ralal xcꞌajol laj Gad; ut Golán li cuan saꞌ xcue̱nt Basán reheb li ralal xcꞌajol laj Manasés.

Josué 13:16

Li naꞌajej li quixqꞌue reheb, aꞌan naticla chak saꞌ li naꞌajej Aroer. Nacuulac cuan cuiꞌ li nimaꞌ Arnón. Ut quixqꞌue ajcuiꞌ reheb li tenamit li cuan saꞌ xyi li ru takꞌa ut chixjunil li ru takꞌa li cuan Medeba.

1 Crónicas 5:11

Eb li ralal xcꞌajol laj Gad queꞌcuan saꞌ li naꞌajej li cuan saꞌ xcaꞌyaba̱l lix naꞌajeb li ralal xcꞌajol laj Rubén. Lix naꞌajeb aꞌan Basán. Nacuulac toj Salca.

Josué 13:30

Li naꞌajej aꞌan naticla chak toj saꞌ li tenamit Mahanaim, ut quiqꞌueheꞌ reheb chixjunil li naꞌajej Basán, ut chixjunil li naꞌajej li quicuan rubel xcuanquil laj Og lix reyeb laj Basán, ut chixjunileb li cocꞌ tenamit li cuanqueb saꞌ xcue̱nt Jair, li cuan saꞌ li naꞌajej Basán. Oxcꞌa̱l (60) chixjunil li tenamit li quiqꞌueheꞌ reheb li yijach li ralal xcꞌajol laj Manasés.

1 Reyes 4:13

Laj Ben-geber quicꞌanjelac aran Ramot, li cuan saꞌ xcue̱nt Galaad. Quicꞌanjelac ajcuiꞌ saꞌ eb li cꞌaleba̱l re laj Jair li ralal laj Manasés li cuanqueb saꞌ xcue̱nt Galaad. Quicꞌanjelac ajcuiꞌ saꞌ li naꞌajej Argob li cuan Basán. Aran cuanqueb oxcꞌa̱l li ni̱nki tenamit, li sutsu̱queb saꞌ tzꞌac ut cuan li chꞌi̱chꞌ bronce saꞌ eb li oqueba̱l.