Deuteronomio 27:2 - Li Santil hu

² Nak la̱ex texnumekꞌ jun pacꞌal li nimaꞌ Jordán re tex-oc saꞌ li naꞌajej li tixqꞌue e̱re li Ka̱cuaꞌ le̱ Dios, saꞌ li cutan aꞌan te̱xakab li ni̱nki pec ut te̱boneb riqꞌuin chun.

Q'eqchi Bible

² Naq texnume'q junpak'al li nima' Jordán re ok sa' li ch'och' tixk'e eere li Qaawa' leeYos, teexaqab' ninqi pek, teesaqob'resiheb' rik'in chun

Deuteronomio 27:2 ပူးပေါင်းရင်းမြစ်များ

Ezequiel 36:26

La̱in tinacꞌobresi le̱ ra̱m ut tinjal le̱ cꞌaꞌux. Tinkꞌunobresi le̱ ra̱m ut tincuisi li cacuil chꞌo̱lej li cuan e̱riqꞌuin, li chanchan pec.

Ezequiel 11:19

La̱in tinacꞌobresi li ra̱meb ut tinjal lix cꞌaꞌuxeb. Tinkꞌunobresi li ra̱meb ut tincuisi li cacuil chꞌo̱lej li cuan riqꞌuineb.

Josué 8:31

Eb laj Israel queꞌxba̱nu joꞌ quiyeheꞌ reheb xban laj Moisés laj cꞌanjel chiru li Ka̱cuaꞌ. Queꞌxyi̱b li artal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Queꞌxyi̱b li artal riqꞌuin pec incꞌaꞌ ti̱cobresinbil ru chi moco juchꞌbil riqꞌuin chꞌi̱chꞌ. Ut queꞌxcꞌat lix mayejeb saꞌ xbe̱n li artal chiru li Ka̱cuaꞌ. Queꞌmayejac re xcꞌambal ribeb saꞌ usilal riqꞌuin li Ka̱cuaꞌ.

Josué 4:1

Nak ac xeꞌnumeꞌ chixjunileb laj Israel jun pacꞌal li nimaꞌ Jordán, li Ka̱cuaꞌ quixye re laj Josué:

Josué 1:11

—Talajexnumekꞌ saꞌ lix muheba̱leb li tenamit ut te̱ye reheb nak teꞌxcauresi ribeb ut teꞌxyi̱b xtzacae̱mk xban nak saꞌ oxib cutan tonumekꞌ jun pacꞌal li nimaꞌ Jordán. Toxic ut take̱chani li naꞌajej li tixqꞌue ke li Ka̱cuaꞌ li kaDios, chaꞌakex reheb.

Deuteronomio 27:3

Ut te̱tzꞌi̱ba chiru chixjunil li chakꞌrab ut li tijleb aꞌin nak ac xex-oc saꞌ li cha̱bil naꞌajej li na-el cuiꞌ chi us li acui̱mk, li tixqꞌue e̱re li Ka̱cuaꞌ lix Dioseb le̱ xeꞌto̱nil yucuaꞌ, joꞌ quixye e̱re.

Deuteronomio 26:1

Nak ac tex-oc chi cua̱nc saꞌ li naꞌajej li tixqꞌue e̱re li Ka̱cuaꞌ le̱ Dios, re nak texcua̱nk aran,

Deuteronomio 11:31

Chi se̱b texxic jun pacꞌal li nimaꞌ Jordán chire̱chaninquil li naꞌajej li quixyechiꞌi e̱re li Ka̱cuaꞌ le̱ Dios. Te̱re̱chani ut texcua̱nk aran.

Deuteronomio 9:1

Abihomak la̱ex aj Israel. Anakcuan texnumekꞌ jun pacꞌal li nimaꞌ Jordán re texnumta̱k saꞌ xbe̱neb li qꞌuila tenamit li cuanqueb aran ut te̱re̱chani lix naꞌajeb. Eb aꞌan kꞌaxal cauheb rib che̱ru la̱ex. Ut lix tenamiteb ni̱nkeb ut sutsu̱queb saꞌ tzꞌac kꞌaxal najt xteram.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 27:1

Laj Moisés rochbeneb li nequeꞌcꞌamoc be saꞌ xya̱nkeb laj Israel, quixye reheb li tenamit: —Cheba̱nu chixjunil li chakꞌrab li oc cue chixyebal e̱re anakcuan.

Deuteronomio 27:4

Nak ac xexnumeꞌ jun pacꞌal li nimaꞌ Jordán, te̱xakabeb li pec joꞌ yo̱quin chixyebal e̱re anakcuan ut te̱boneb riqꞌuin chun.

Josué 8:30

Laj Josué quixyi̱b jun li artal saꞌ li tzu̱l Ebal re xlokꞌoninquil li Ka̱cuaꞌ lix Dioseb laj Israel.

Josué 8:32

Ut aran chiruheb chixjunileb, laj Josué quixjuchꞌ chiruheb li pec li chakꞌrab li quiqꞌueheꞌ re laj Moisés.

Li xHu LAJ JOB 19:24

Us raj nak cuan ta junak tixjuch riqꞌuin chꞌi̱chꞌ chiru junak pec li cua̱tin re nak ta̱cana̱k chi tzꞌi̱banbil chiru li pec chi junelic.