Deuteronomio 26:8 - Li Santil hu

⁸ Joꞌcan nak li Ka̱cuaꞌ corisi chak Egipto riqꞌuin xnimal xcuanquil. Quixba̱nu li milagro ut sachba chꞌo̱lej nak corisi chak Egipto.

Q'eqchi Bible

⁸ Li Qaawa' koorisi chaq Ejiipt rik'in xnimal xwankil, rik'ineb' xiwajel eetalil ut sachb'ach'oolej;

Deuteronomio 26:8 ပူးပေါင်းရင်းမြစ်များ

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

Deuteronomio 5:15

Chijulticokꞌ e̱re la̱ex nak quexcuan chak chokꞌ rahobtesinbil mo̱s aran Egipto. Abanan li Ka̱cuaꞌ le̱ Dios quexrisi chak saꞌ li naꞌajej aꞌan riqꞌuin lix nimal xcuanquilal. Joꞌcan nak li Ka̱cuaꞌ yo̱ chixyebal e̱re nak te̱qꞌue xlokꞌal li hiloba̱l cutan.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Éxodo 12:41

Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Isaías 63:12

¿Ma ma̱cuaꞌ ta biꞌ li Dios quitenkꞌan re laj Moisés chixba̱nunquil li sachba chꞌo̱lej riqꞌuin xnimal xcuanquil? ¿Ma ma̱cuaꞌ ta biꞌ li Dios li quijachoc ru li palau chiruheb li ralal xcꞌajol re nak ta̱qꞌuehekꞌ xlokꞌal chi junelic?

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Deuteronomio 34:11

Ma̱ ani chic quiru xba̱nunquil li sachba chꞌo̱lej ut li milagros li quixba̱nu laj Moisés aran Egipto chiru laj faraón, ut chiruheb laj cꞌanjel chiru, joꞌqueb ajcuiꞌ chixjunileb li tenamit. Quixba̱nu joꞌ quitakla̱c cuiꞌ xban li Dios.

Deuteronomio 34:12

Ma̱ ani chic quiru xba̱nunquil li sachba chꞌo̱lej ut li milagros joꞌ li quixba̱nu laj Moisés chiruheb chixjunileb laj Israel, chi moco quicuan xcuanquileb joꞌ li xcuanquil laj Moisés.

Jeremías 32:21

Riqꞌuin sachba chꞌo̱lej ut milagro cacuisiheb chak la̱ tenamit Israel aran Egipto. Riqꞌuin la̱ cuanquil cacꞌut la̱ joskꞌil chiruheb li xicꞌ nequeꞌiloc a̱cue ut caqꞌue xxiuheb.