Deuteronomio 26:6 - Li Santil hu

⁶ Eb laj Egipto queꞌnumta saꞌ kabe̱n ut coeꞌxrahobtesi ut coeꞌxqꞌue saꞌ cacuil trabaj.

Q'eqchi Bible

⁶ Eb' laj Ejiipt koohe'xrahob'tesi, koohe'xtawasi ut koohe'xk'e chi kawil k'anjelak.

Deuteronomio 26:6 ပူးပေါင်းရင်းမြစ်များ

Éxodo 1:11

Tojoꞌnak laj faraón li acuabej quixxakabeb laj taklanel saꞌ xya̱nkeb re nak eb aꞌan teꞌtakla̱nk reheb laj Israel chi trabajic chi cau. Eb laj Israel yo̱queb chixyi̱banquil li ni̱nki ochoch re laj faraón saꞌ li cuib chi tenamit Pitón ut Ramesés. Ut aran ta̱cꞌu̱lama̱nk lix biomal laj faraón.

Éxodo 1:14

Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Éxodo 5:23

Chalen nak xina̱tinac riqꞌuin laj faraón joꞌ xaye cue, mas cuiꞌchic li raylal yo̱ chixqꞌuebal saꞌ xbe̱neb laj Israel. La̱at ma̱cꞌaꞌ nacaba̱nu re xcolbaleb la̱ tenamit, chan laj Moisés.

Éxodo 5:19

Tojoꞌnak laj ilol trabaj xcomoneb laj Israel queꞌxnau nak cꞌajoꞌ cuiꞌchic li raylal saꞌ xbe̱neb ut queꞌrahoꞌ xchꞌo̱l nak queꞌrabi nak ma̱ jokꞌe ta̱cꞌosma̱nk li cꞌanjel chokꞌ reheb.

Éxodo 5:9

Re nak incꞌaꞌ teꞌxpa̱b li ticꞌtiꞌ li naxye laj Moisés, qꞌuehomak ban xtrabajeb chi nabal, chan laj faraón.

Éxodo 1:22

Tojoꞌnak laj faraón quixtakla resil saꞌ chixjunil lix tenamit nak ta̱cutekꞌ saꞌ nimaꞌ li jarubeb li cocꞌ te̱lom li teꞌyoꞌla̱k saꞌ xya̱nkeb li ixk aj hebreo. Chixjunileb li cocꞌ xkaꞌal teꞌcanaba̱k chi qꞌui̱c.

Éxodo 1:16

Quixye reheb: —Nak te̱rileb li ixk aj hebreo, cui te̱lom lix cꞌulaꞌaleb teꞌyoꞌla̱k te̱camsiheb. Ut cui ixk lix cꞌulaꞌaleb te̱canabeb chi qꞌui̱c, chan.

Éxodo 1:8

Saꞌ li tenamit Egipto quijala li acuabej. Li acuabej aꞌan incꞌaꞌ quixnau chanru nak quicuan laj José.

Deuteronomio 26:7

La̱o kaya̱ba lix cꞌabaꞌ li Ka̱cuaꞌ, lix Dioseb li kaxeꞌto̱nil yucuaꞌ. Li Ka̱cuaꞌ quirabi li katij ut quiril xtokꞌoba̱l ku. Quixqꞌue retal nak cuanco saꞌ cacuil cꞌanjel ut rahobtesinbilo.

Números 20:15

Eb li kaxeꞌto̱nil yucuaꞌ queꞌco̱eb Egipto ut nabal chihab xeꞌcuan aran kochbeneb. La̱o ut eb li kaxeꞌto̱nil yucuaꞌ ra queꞌxba̱nu ke eb laj Egipto.